Devidi-Anume 16:11 - FỊAFỊA BAỊBỤLỤ

¹¹ Ị́yẹrị ḅọrọ mu ḍumo la-la etela kẹ ì ḍie ḅa; ị́ ị̀ na emi ye mẹ ḅioḅẹlẹ kẹ ị̀ ḅụụ ḅio suu ḅinmarị tẹ anị pịkị ị̀ tọrụ ḅẹlẹma gbamasoarị.

Devidi-Anume 16:11 Iomraidhean Croise

Devidi-Anume 139:24

Ị̀ ḅụụ ḅio sime si, si ḍọkị-nimi tẹ ị̀ datụkụma mu sime gbamaso etela mẹ ḅio suu.

Devidi-Anume 17:15

Kụma yẹrị àrị ị́ ẹrị ḅa, amụ à kura-aye mịẹ-a ẹrẹsị: tẹ à saakị sakị, ị́ ị̀ na emi mẹ ḅioḅẹlẹ kẹ ị̀ ḅụụ ḅio ḅinma ḅa.

Devidi-Anume 4:8

À koro mono ḅarị sakị, à dein ḅụ mono ḅọrọ so ḅa; ị́yẹrị kịngẹ, Yei KỊNỊNYANAḄỌ, paa iḅiọkụ ị̀ wẹrị kpaịnmaa.

Devidi-Anume 68:4

Nume su Tamụnọ bomaa, tokini anume su ori ẹrẹ bomaa; mẹnjị-ḅọrọ-anga tẹlẹma ọ̀ pịrị, oḅuto ọgọnọ mẹnjịarị ḅọ ḅe. KỊNỊNYANAḄỌ anie ori ẹrẹ tọrọkọ ḅụ ḅioḅẹlẹ!

Egberima-Ẹkwẹn 12:28

Karakara mịẹ anie ḅọrọ mu ḍumo laarị etela si-sịḅịḅio anie ḅọrọ mu fịị laarị etela.

Egberima-Ẹkwẹn 2:19

Á warị sọ tẹ pịkị so-so gbọrụḅọ-sọ ofori. Gbala-gbala ọ̀ pịkị mu ḍumo etela sọ-sọa.

Egberima-Ẹkwẹn 4:18

Karakaraye-mịẹapụ ma mẹnjị muarị etela mẹ saakị paka-ḅoarị ịrụa na kịkam, anị ḅịya kụrọ-kụrọ nwenii ḅo eneḅaka ogbo laarị.

Egberima-Ẹkwẹn 5:6

Á ḅọrọ mu ḍumo la-laa etela ḅụ sime-sime-a, kụma árị ikele-ikele tẹ etela mẹ gbarịarị tẹ pakarị ye sọ lekiri-a.

Ayịzaya 2:3

tẹ ịna atomi ḅẹẹ ḅa, “Ó yee wa KỊNỊNYANAḄỌ ḅe tụndụ mẹ kpọlị iwo mu Izirẹlịapụ tẹkẹarị Tamụnọ ḅe Warị mẹ la. Ori ò ḅiiarị wa mịẹ ḅẹ ye kẹ wa toluma ḅa; wa ori sẹlẹ-ọkị tẹ etela mẹ ḅụ mẹnjị ḅa. KỊNỊNYANAḄỌ ḅe tolumaye mẹ Jeruselemu ḅụ paka-ḅoarị ẹrẹsị; Zayọnị mie ò sime tẹ ẹkwẹn ori atomi pịrịarị.”

Matiyo 25:33

Ọ̀ karakaraye-mịẹapụ ma kẹ ori ama-ḅara anga koroma ḅa, tẹ si-mịẹapụ ma kẹ ori ere-ḅara anga koroma ḅa.

Matiyo 25:46

Ọkọẹrẹsị, mịna apụ ma ini ịn kẹ sime gbamaso fomu-ḅara fịrịma ḅa, kụma karakaraye-mịẹapụ ma sime gbamaso ḍumo nyana ḅa.”

Matiyo 5:8

“Ḅioḅẹlẹ sime gbọrụ ḅioḅẹngbọ kẹ Tamụnọ nimi ḅẹ ḍọkịarị apụ ma pịrịm; ini ma ịn Tamụnọ ẹrị ḅa!”

Matiyo 7:14

Kụma ḅọrọ mu ḍumo la-la ogigo-ḅọkọ mẹ kpasị wararị, tẹ mẹnjị mu anị la etela mẹ pịkị ḅụụ-fụkama wararị, anịsakị boowa apụ ngẹrị mie anị ḍọkị-ẹrịarị.

Makị 16:19

KỊNỊNYANAḄỌ Jizọsị ḅe ini na ẹkwẹn fama tẹso, Tamụnọ ori ọkị iwo so mu tẹ ori ori ama-ḅara anga lẹgịm.

Fịrịmẹnjịapụ 2:28

Mẹnjị ḅọrọ mu ḍumo la-la etela ma ị́ kẹ ì ḍie tẹ, ị́ ị̀ na emi ye mẹ ì ḅioḅẹlẹma ḅa.

Fịrịmẹnjịapụ 7:56

Ọ̀ nwẹnị ḅẹẹ: “Ḍikii, arị ẹrịarị, so mẹ finji tẹ anị ḅio Jizọsị, Tomḅọ Tụḅọ ḅe, Tamụnọ ama-ḅara anga sịẹ wararị!”

Romu 8:11

Tamụnọ Tẹmẹ ḅe fịị ḅụ Kịrayịsị saakịmam. Anị Tẹmẹ ḅe ọmịna ḅụụ ḅio emi ḅẹḅẹ, ọ̀ pịkị ḍumo kẹ ọmịna fịị fịị oju ma pịrị ḅa.

1 Kọrịntị 13:12

Mịọkụ wa ẹrịarị ye mẹ kịkarị ye anie tẹmẹ-ḍikiye ḅio banabana-a ḅara kẹ ẹrị ye; anịtẹso sakị wa tọrụ kẹ dama-dama ḅara kẹ ye ẹrị ḅa. Mịọkụ à nimi wararị ye mẹ anie ye ḅụ ḅẹ pakịrị, Anịtẹso sakị anị bebe ye sọ ḅa, tẹso, à ḅo Tamụnọ kẹ ì nimi ḅara mẹ kẹ bebe ye nimi fama ḅa.

2 Kọrịntị 4:17

Mịọkụ mie wa daarị ḅọrọ so ḅarị ḅụụ-fụka kalịye mẹ, opu sime-gbamaso ebube, tẹ ḅụụ-fụka mẹ nẹngị lama ḅarị ye kẹ ḅo wa pịrị ḅa.

Ẹfisọsị 3:19

Inn, à ḅiiarị ọ́ paa Kịrayịsị ḅẹlẹma mẹ nimi — karakaraye tomḅọ inetẹ anị nimi fama ḅịa sọ — mịẹtẹ Tamụnọ karakara sime-ḅara gbọrsịḅị ọmịna ḅụụ ḅin pampam ḅarị ḅara.

1 Pita 1:21

Ọ̀ ḅụụ mie ọ́ ḅọrọ tẹ Tamụnọ minini ye, anie fịị ḅụ ọ̀ saakịma tẹ ebube kẹ ọ̀ pịrị ḅọ ḅe; anie ḅụ, ọmịna minini na ḅiokpọ na Tamụnọ ḅụ sọ ḍiḅi wararị.

1 Pita 3:22

anie so So-ḅio mu tẹ Tamụnọ ama-ḅara anga emi ḅọ ḅe, ori anie ḅẹrẹtọn enjẹlị mamgba na, So-ḅio ḅụ kụrọ ḅara ḅụ simearị apụ na, kụrọ ma na pịrịarị ḅọ.

1 Jọnị 3:2

Ì iḅi ikiapụ, mịọkụ wamịnị Tamụnọ awọmẹẹ; kụma tọrọkọ-jụ wa sime ḅarị ḅara amụ giregire paka-a. Kụma wa nimi wararị mịnẹ Kịrayịsị tolu-paka sakị, wa ọ̀ kịka ḅa, anie wa ò sime karakara ḅara mẹ kẹ ori ẹrị ḅarị ẹrẹsị.

Judu 1:24

Ori tẹ inetẹ ọmịnị ọlọ-sịẹma tẹ ọ́ ḅarị ḅịkị ḅịa ḅọ ḅe, tẹ pịkị ḅụụ ḅụ ḅẹẹ, ḅẹẹ ye ofori ḅara na ḍereku na ḅụ ọmịnị ọkị-ḅo ori ebube tọrọkọ la ḅarị ḅọ ḅe,

Mịẹfinji 22:5

Ene ḅarị jen kẹ ḍiin ḅịa, tẹ ịn ḅarị pịkị tọnjọ na ịrụa bele na ḅii ḅịa, gbala KỊNỊNYANA-TAMỤNỌ ḅe bele sọ ịn pịrị ḅa, tẹ ini ama-da ḅara kẹ ḅẹrẹtọn gbamaso ḅa.