Devidi-Anume 148:4 - FỊAFỊA BAỊBỤLỤ

⁴ Ọmịnị geletẹịn So ma, ọmịnị ò tokinii, pịkị So-tọrụ ọgọnọ-jụ simearị aminji ma sọ.

Devidi-Anume 148:4 Iomraidhean Croise

Suku-saakị 1:6

Anịtẹso Tamụnọ nwẹnị ḅẹẹ, “Yee finjitẹ ambịlalị kịka wararị gberere anga paka, tẹ minji mẹ kẹ maa apakịrị ḍie, tẹ minji mẹ ḅẹ gbọrụ pakịrị ḅelema osi pakịrị mẹ ḅụ.”

Suku-saakị 1:7

Tẹ Tamụnọ So-tọrụ mẹ mịẹm tẹ minji mẹ tẹ So-tọrụ mẹ suku-ḅio sime ye mẹ minji mẹ tẹ So-tọrụ mẹ ọgọnọ sime ye mẹ ḅụ ḍiemam tẹ anị ọkọ simem.

Suku-saakị 7:11

Noha ḍumo ḅụ kụra gbọrụ ẹndẹ na oyia asi finji (600) karama kụra mẹ ḅẹ maaịn karama akalụ mẹ ḅẹ tẹra aḍin fa si karama ene mẹ, anị ene mẹ ḅụ mie pokolo fatẹ ngụngụḅa mamgba kan sara, tẹ So ma ḅẹ ikiḅa-aḅọkọ ma finji ye,

1 Amadapụ 8:27

“Kụma Tamụnọ inetẹ tụkụma ḅara ḅụ tomikiri ḅụ anga ḅẹ? So mẹ ḅẹ geletẹịn So mẹ sọ ḍụḅa tẹ ị́ sọ ḅẹ ḅara sime-a; anieḅụ ndẹẹ mị Tẹkẹ-warị mẹ tẹ à nama ye mẹ ị́ sọ ḅẹ ḅara?

2 Paka-aị 2:5

À nama ḅarị warị mẹ gburo-gburo ḅa, kẹ gotẹ ọkọ ḅẹẹarị, wamịna Tamụnọ ḅe ḍụḅa oru-atamụnọ mamgba nẹngịm.

Nehimaya 9:6

“Ị́yẹrị anie KỊNỊNYANAḄỌ ḅe, ị́yẹrị ngẹrị. Ị́yẹrị So mẹ tẹmẹm, gele tẹịn So mẹ sọ, na arị ḅio simearị aị mamgba na; kiri mẹ na anị ḅio simearị aị mamgba na. Anịsakị ị́yẹrị mịẹ arịmgba ḍikiḍikiarị ye, tẹ So mẹ ḅio simearị aị mamgba sunsin ị́ pịrịarị.

Devidi-Anume 104:3

tẹ ị́ nwẹnị í sime-yọ mẹ kẹ So-tọrụ ḅẹ aminji ma ọgọnọ nama. Í oḅuto ma kẹ kirimẹnjị-arụ mịẹ wararị tẹ fẹrụ ma apamba ḅụ dọkụarị.

Devidi-Anume 113:6

kụma ò tuu tẹ So ma na Kiri mẹ na ẹrịarị.

Devidi-Anume 68:33

ó su So-tọrụ mẹnjịarị ḅọ ḅe bomaa elemu sakị kụra-ḅio emi So-tọrụ mẹ. Ọmịnị ori opu ma oloku tẹ fiearị ye mẹ pokii.

Devidi-Anume 69:35

Ò Jeruselemu ḅọrọma tẹ siin Juda ḅẹ ama ma nama ḅa. Ori atomi ma anịanga anga tẹ anị kẹ ịna amakiri sọma ḅa;

2 Kọrịntị 12:2

Ngei akụra fa jei ḅọrọ tẹ sakị ḅụ à gbọrụ Kịrayịsị ḍukamẹnjịḅọ nimim, anie Tamụnọ ò ḅiotọn-a ḅara kẹ ori ọkị iwo geletẹịn so mẹ ḅio mu ḅọ ḅe (miemẹ karakarama tẹ tomina tọrụ ḅụ mịẹ-o, ọ̀ ḍawọ-jụ pembe ḅara kẹ ịkịan ẹrị-o à nimi-a — Tamụnọ ngẹrị nimi wararị).

Ditẹrọnọmị 10:14

Ḍikii, geletẹịn so ma na kiri mẹ na anị ḅio simearị aị mamgba na sime KỊNỊNYANAḄỌ ọmịna Tamụnọ ḅe pịrịm.