Devidi-Anume 146:3 - FỊAFỊA BAỊBỤLỤ

³ Tomina sịḅịdapụ kẹ ḅiokpọma ma, gbọrụ tomḅọ sọ inetẹ ị́ ḅọrọma ḅịa.

Devidi-Anume 146:3 Iomraidhean Croise

2 Amadapụ 6:27

Ọ̀ nwẹnị ḅẹẹ, “KỊNỊNYANAḄỌ ḅe ḅarasụa ị́ pịrị-a kụma, yẹrị tọ ḅarasụa nyana ị́ pịrị ḅẹ? Mgbọlụ-sẹlẹ-kiri mẹ ḅụ ḅo ye mụnọọ, iru mịẹ anga mẹ ḅụ ḅo ye?”

2 Paka-aị 16:7

Anị sakị mẹ ḅụ Hanani so-ḅịrịḅọ ḅe Asa Juda ḅẹ amadaḅọ ḍọkụma-ḅom, tẹ nwẹnị ọ̀ ḅẹẹ, “ị́ KỊNỊNYANAḄỌ ị́ Tamụnọ ḅe ḅụụ sịrẹrẹ-a tẹ Siriya ḅẹ amadaḅọ ḅe ḅụụ sịrẹrẹm ẹrẹsị, Siriya ḅẹ amadaḅọ ḅe ọmụ-ogbo mẹ ị́ ḅara pẹlẹ mangị-so tẹẹ.

Devidi-Anume 108:12

Si kẹ wa tọn apụ ma ḅụ ḅarasụa wa pịrị; tomina ḅarasụa anie papaaye.

Devidi-Anume 60:11

Si kẹ wa tọn-arị apụ ma ḅụ ḅarasụa wa pịrị; tomina ḅarasụa anie papaaye.

Devidi-Anume 62:9

Tomikiri ḅẹ atomi mamgba kịkarị ye anie, gbọrụ ḅịḅị ḅụ sara pakamarị ọwụ; opu na kala na gbọrụ ḅara simem, papaa ye. Ịn kẹ ye-tọnye ọgọnọ gbana ḍikii, ini iku la ḅẹ gberie-sọ ofori; in feke-feke nini ḅio sara pakama-ḅoarị ọwụ mẹ nẹngịm.

Ayịzaya 2:22

Ḅarị jen kẹ fịị, fịị atomi kẹ ḅiokpọma ma. In tiye la?

Ayịzaya 22:25

Aniemẹ paka sakị, ịn kụrọma ḅakụ suu wararị ye-sụkaye mẹ foo-foo tẹ ḅarị inetẹ sime ḅịa tẹ pụkọ-so ḅa. Anie nwẹnị anị ḅụ sololo sime aị mamgba ḅẹ kunoma sọ ḅa.” KỊNỊNYANAḄỌ ḅe ọkọ ḅẹẹm.

Ayịzaya 31:3

Ijiputi-ḅẹ-apụ ma ini tamụnọ-a, ini tomii. Ịna asụ ma tẹmẹ ḅụ ḅẹ asụ. KỊNỊNYANAḄỌ ḅe ori amịẹaị mịẹarị sakị, kụrọ sịẹ mẹ kọsị-sara tẹ ịnyọ nyana-a tẹ anị ḅarasụa pịrị sime ye mẹ ḅịkị ḅa. Ini maa apụ ma gulugulu fa ḅa.

Ayịzaya 37:6

ọ̀ mị pakịrị-ḅịḅị mẹ kẹ pịkị fịrịmam, “KỊNỊNYANAḄỌ ḅe ị́ ḅẹẹarị mịnẹ, Asiriya ḅẹ apụ ma ọkịarị mịnẹ àrị inetẹ ị́ ḅọrọma ḅịa ḅẹ ye mẹ ị́ tẹmẹ-naịn-naịnma ma.