Devidi-Anume 139:3 - FỊAFỊA BAỊBỤLỤ

³ Ị́ ị̀ ẹrịarị, à nama kọrịarị-o, arị ịnyọsararị-o; à mịẹarị aị mamgba í nimi wararị.

Devidi-Anume 139:3 Iomraidhean Croise

2 Samụẹlị 11:27

Kururu sakị mẹ ḅọrọ tẹso, Devidi fịrịma tẹ arị ọkị ọ̀ warị ḅom, tẹ á ḅo ọ̀ ta sọm, tẹ gbọrụ owiḅọtụḅọ iyi ọ̀ pịrịm. Kụma ye mẹ tẹ Devidi mịẹ ye mẹ KỊNỊNYANAḄỌ ḅo ḅụụ-ḅẹlẹ-a.

2 Samụẹlị 8:14

Devidi nwẹnị ọmụgbin-apụ itu-itu kẹ Idọmụ ḅụ koroma; Idọmụ mẹmgba ikelema-koro ori ọmụgbin-apụ itu-itu kẹ koromam. Idọmụ ḅẹ apụ mamgba nwẹnị ḅo Devidi afịrịmẹnjịapụ sọ. Anịsakị Devidi mu anga mu anga KỊNỊNYANAḄỌ ḅe owu-ḅara-iḅi kẹ ọ̀ pịrịm.

Jobu 23:10

Kụma ori à mẹnjịarị etela mẹ nimi wararị ori ị̀ daaḍiki sakị sakị, à golu paka-ḅo ḅara paka-ḅo ḅa.

Jobu 31:4

Ì etela ma ori ẹrị-a? À ḅụọ sịẹma anga mamgba ọ̀ kịẹn nimi-a?

Devidi-Anume 119:168

Àrị ị́ tọn kuroma aị ma na í ḍukom mịẹ ḅẹ aị ma na poki tẹ mịẹarị; à mịẹarị tẹ ị́ ẹrị-a ye ofori.

Devidi-Anume 139:18

Àrị arị kịẹnm ḅẹ kụma, arị onwin mgbọlị, mgbọlị kịẹn-ḅịḅị nẹngị ḅa. À mono ḅụ saakị, sakị à paa ị́ na emi.

Nimi Tolumaḅọ 12:14

Kẹ gotẹ ọkọ ḅẹẹarị, Tamụnọ wa mịẹ ye goyegoye kẹ ḅẹrẹkọn ḅo ḅa, anị ḅọị ḅara ḅọị ḅara sọ, anị ḅọrọ iḅiye-o, anịanịa siye sọ.

Ayịzaya 29:15

Tọn tẹ mịẹ ḅẹ aị kẹ KỊNỊNYANAḄỌ ḅe ḅọịmarị apụ ma ịn fa tẹ! Ḅọị anga mie ini ịn tọn wẹrị aị ma mịẹarị, tẹ kuromarị mịnẹ gbọrụḅọ-sọ ini ẹrị-a, anịanịa ịn mịẹarị aị ma nimi.

Jerimaya 23:24

Gbọrụḅọ-sọ inetẹ ḅọị tẹ arị inetẹ mḅọ ẹrị-a so ḅịa. Ó nimi-a mịnẹ So-ḅio na kiri ḅio na ḅụ yọ-yọ ḅụ arị emi?

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”

Jọnị 13:2

Jizọsị na ò ḍukamẹnjịapụ ma na ḅoḅiri fịye fị anga simem. Anị sakị ḅụ Ekwesu ḅe Judasị, Sayịmọnị Isikarịyọtị tụḅọ ḅe, Jizọsị kẹ tomina ḅara-ḅio dẹrịma ḅẹ kuroma mẹ kẹ ọ̀ ḅioḅẹngbọ ḅụ suu wẹrị tẹ.

Jọnị 13:21

Jizọsị miemẹ ḍuko tẹso, ò ḅioḅẹngbọ kpọma ọ̀ ḅụụ fụkama tẹ ọ̀ kịnị naa ḅẹ ḅara kẹ ẹkwẹn pakamam, “À karakara mẹ ḍuko ọ́ pịrịarị: ọmịna ḅụ ḅẹ gbọrụḅọ ị̀ kẹ tomina ḅara ḅio dẹrịma ḅa.”