Devidi-Anume 13:1 - FỊAFỊA BAỊBỤLỤ

¹ KỊNỊNYANAḄỌ, ị́ paa ị̀ kẹ ḅioḅọrọma mu tọ-sakị la ḅẹ? Gbamaso mụnọọ? Ị́ paa ị́ ḅụụ kikima ị̀ pịrị mu tọ-sakị la ḅẹ?

Devidi-Anume 13:1 Iomraidhean Croise

Jobu 13:24

Í tiegotẹ ị́ tọrụ ḅọị, tẹ ị̀ kẹ ị́nịna fịya-a ḅọ kịẹn?

Devidi-Anume 10:12

Yei KỊNỊNYANAḄỌ, fomu-ḅara kẹ arị si-mịẹapụ ma pịrịị! Tọrụsiẹrịarị apụ ma kẹ ḅiokoroma-a!

Devidi-Anume 35:17

KỊNỊNYANAḄỌ, ị́ tọrụ, tọrụ kẹ mie mẹ ḍiki mu tọ-sakị la ḅẹ? Ini owu kẹ ị̀ paka, paka, pakarị; mịna ọkụkụ ma ḅara-ḅio ị̀ pụkọ-pakamaḅo!

Devidi-Anume 44:24

Tiye ẹrẹsị ị́ ị́ ḅụụ ḅọị wa pịrịarị? Wamịna tọrụsiẹrị mẹ na ḅụụ-fụka na kẹ ḅioḅọrọma ma!

Devidi-Anume 6:3

tẹ ị̀ ḅụụ mamgba opu ḅụụ-fụka ḅio emi. Yei KỊNỊNYANAḄỌ, í koru mu tọ-sakị la tẹrẹmẹ ḅarasụa ị̀ pịrị ḅẹ?

Devidi-Anume 74:1

Yei Tamụnọ, tiye ẹrẹsị ị́ mị-ḅara kẹ wa kẹ gbin kuroma-so? Ị́ ịganị sime ị́ pịrị apụ ma pịrị gbamaso ḅẹ mụnọọ?

Devidi-Anume 80:4

KỊNỊNYANAḄỌ, kụrọmamgba nyana Tamụnọ, ị́ atomi ma atẹkẹ ma paa ị́ ịganịma mu tọ sakị la ḅẹ?

Devidi-Anume 85:5

Ị́ ḅọrọ ịganị wa pịrị gbamaso ḅẹ? Ị́ ịganị mẹ gbala-gbala wamịna ḅụ kunoma ḅịa?

Devidi-Anume 89:46

KỊNỊNYANAḄỌ, ị́ ị́ ḅụụ ḅọị gbamaso ḅẹ? Ị́ ịganị mẹ fịnị kọrị ḅara kọrị mu tọ sakị la ḅẹ?

Devidi-Anume 90:14

Dede goyegoye í kuno-a ḅẹlẹma mẹ kẹ wa pịrị ḅinmaa, mịẹ tẹ wa ḍumo sime ḅarị ene mamgba ḅụ wa nume su-su ḅioḅẹlẹ ḅẹ ḅara.

Ayịzaya 59:2

Ọmịna asi mie ò gotẹ ọ́ naa-a ye. Ọmịna asi mie ó puu ḅelemarị Tamụnọ ḅụ, ọ́ ḅụụkụrọma tẹ sunsin ọ̀ pịrịarị sakị.

Kururu Owu-apọkọ 5:20

Tiegotẹ ị́ wa kẹ ḅioḅọrọma gbamasoarị, tiegotẹ ị́ wa sịkị alama ḅo nwẹn la?

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?