Devidi-Anume 127:3 - FỊAFỊA BAỊBỤLỤ

³ Awọmẹ anie KỊNỊNYANAḄỌ ḅe ḅara ḅo ḍiepịrịye; ini ma anie karakara boma.

Devidi-Anume 127:3 Iomraidhean Croise

Suku-saakị 1:28

Tẹ Tamụnọ nwẹnị ịn boma, tẹ ịn ḅẹẹ, “Ó loloo tẹ kamaa, tẹ kiri mẹ ḅụ ḅin tẹ anị ó suku-ḅio sime, tẹ tọrụ-minji ḅẹ inji ma na, So-tọrụ ḅẹ afeni ma na, kiri mẹ ọgọnọ ḍumo tẹ mẹnjịarị ye goyegoye ḅụụ kụrọ nyana tẹ ḅẹrẹtọn.”

Suku-saakị 24:60

Ịn nwẹnị Ribeka boma tẹ á ḅẹẹ, “Wamịna ịyịmbara, kịnị ẹndẹ-ẹndẹ, na kịnị puku-puku na iyingiḅọ sọọ! Anịsakị yee í furo-ḅẹ-apụ inima tẹ ịn ḍiki-ḅioḅuarị apụ ma ama mẹ nyana ọkị!”

Suku-saakị 33:5

Tẹ Ịsọ ọ̀ tọrụ saakị tẹ ereme ma na, awọmẹ ma na ẹrị tẹso, ọ̀ nwẹnị gbela, “Ị́ na simearị apụ ma tọ apụ?” Jekọbụ nwẹnị pakịrị, “Awọmẹ, inima tẹ Tamụnọ ḍiki-ḅụụjịrị ḅara ḅụ kẹ ị́ fịrịmẹnjịḅọ pịrị awọmẹ.”

Suku-saakị 4:1

Mịọkụ Adamụ ọ̀ ta Ivu na gbolomam, tẹ á fura tẹ Keni iyim. Á nwẹnị ḅẹẹ, “KỊNỊNYANAḄỌ ḅe ḅarasụa ḅụ à gbọrụ owiḅọ iyi tẹ.”

Suku-saakị 48:4

tẹ ị̀ ḅẹẹm, ‘Ḍikii, àrị ị́ mịẹtẹ ị́ awọ iyi tẹ lolo-kama ḅa; anịsakị arị ị́ ḅụụ ḅụ tomi-kụlọkụlọ pakama-ḅo ḅa, tẹ mị ama mẹ kẹ í furo-ḅẹ-apụ pịrị tẹ ini anị nyana gbamaso ḅa ị́ ḅọrọtẹ so sakị.’ ”

2 Samụẹlị 3:5

anịsakị sonio karama ḅọ anie Itiramụ, Devidi ta Egila ori iyim. Mịna apụ ma Hẹbụrọnị ḅụ in ini iyi Devidi pịrịm.

1 Paka-aị 28:5

Anịsakị ị̀ owiapụ-awọmẹ mamgba ogboku ḅụ — gbala KỊNỊNYANAḄỌ ḅe tọnwa owiapụ-awọmẹ kẹ ị̀ pịrị tẹ ẹrẹsị — ori ị̀ owiḅọtụḅọ Sọlọmọnị sẹlẹ-ọkị tẹ, ò ḅo Izirẹlị KỊNỊNYANAḄỌ ḅe ama-da mẹ ḅẹ emine mẹ ọgọnọ lẹgị.”

1 Paka-aị 8:40

Ulamụ owiapụ-awọmẹ ma anie gburo-gburotẹ ọmụgbin-apụ, iboli tẹịn ḍịn tẹ apụ tẹ tọnwa owiapụ-awọmẹ na taa-owiapụ-awọmẹ na iyi sara wararị — inimgba kịnị sọnọma asi na oyia apụ finji. Mịna apụ mamgba Benijamịnị furo-ḅẹ-apụ famam.

Jobu 1:2

In sọnọma owiapụ-awọmẹ na, tẹra eremịna-awọmẹ na iyim.

Ayịzaya 13:18

Ịna iboli ma na ḍiein ma na mie ịn kẹ asambịrịma atomi ma ḅaa ḅarị aị. Ini ọkụrụkụrụ nyana ḍọkọḍọkọ-awọmẹ pịrị ḅịa, tẹ ịn pịkị kala awọmẹ ḍiki sịḅị-kụrụkụrụ ḅịa.

Ayịzaya 8:18

Mie yẹrị, KỊNỊNYANAḄỌ ḅe kẹ ị̀ pịrịtẹ awọmẹ ma na ị̀ na, Kụrọmamgba nyana KỊNỊNYANAḄỌ, Zayọnị tụndụ ọgọnọ ḅụ amịna emine emi ḅọ ḅe, ḍumo pịrịarị oku ma kẹ wa fịrịma tẹ mịnẹ kẹ Izirẹlịapụ pịrịị.

Ditẹrọnọmị 28:11

KỊNỊNYANAḄỌ ḅe nwẹnị ọ́ mịẹtẹ ọ́ lọkọlọkọ tẹ lolo ḅụ sime ḅa, ọmịna oju ḅẹ mgbọlụ ḅụ na, ọmịna opu anama ma ḅẹ mgbọlụ ḅụ na, ọmịna kịrị mẹ ḅẹ sịnmgbọlụ na ḅụ ama mẹ tẹ KỊNỊNYANAḄỌ ḅe kẹ ọ́ pịrị ḅẹ tẹ ye karị ḅara kẹ minini ọmịna aḍapụ ma pịrị ama mẹ ḅio.

Ditẹrọnọmị 28:4

Ọmịna oju ḅẹ mgbọlụ ma na, ọmịna kiri mẹ ḅẹ asịnmgbọlụ ma na, ọmịna piri-ḅio-ḅẹ anama ma ḅẹ mgbọlụ na, ọmịna opu anama ma kịẹn-ḅịḅị mịẹ ḍụḅama ḅẹ anama ma na, ọmịna ogbo ma ḅẹ asambịrịma aị ma na bomatẹ aị sọ ḅa.

Ḅẹrẹkọn-apụ 12:9

Ori owiapụ-awọmẹ asuei na eremịna-awọmẹ asuei na iyim. Ori eremịna-awọmẹ asuei ma kẹ ja ama ḅụ ịya pịrị pakamam, tẹ ja anga ḅụ eremịna-awọmẹ asuei ịya ḅo ori owiapụ-awọmẹ pịrịm. Ọ̀ sọnọma kụra kẹ ḅẹrẹkọn Izirẹlị pịrịm.

1 Samụẹlị 1:27

Mie à gotẹ tẹkẹ tụḅọ ḅe, anịsakị KỊNỊNYANAḄỌ ḅe à ḅiiarị tẹ ọ́ ḅara ḅụ ḅii ye mẹ kẹ ị̀ pịrị tẹẹ.