Devidi-Anume 127:1 - FỊAFỊA BAỊBỤLỤ

¹ KỊNỊNYANAḄỌ ḅe warị mẹ nama-a ḅẹḅẹ, warị nama apụ ma kọrịnama mẹ papaa faam; KỊNỊNYANAḄỌ ḅe ama mẹ gbaịn-a ḅẹḅẹ, ama-koruapụ ma sịẹsime tẹ koruarị ye mẹ papaa faam.

Devidi-Anume 127:1 Iomraidhean Croise

1 Amadapụ 5:12

KỊNỊNYANAḄỌ ḅe nwẹnị ọ̀ kẹ Sọlọmọnị karịma nimi mẹ kẹ ọ̀ pịrị. Dein nwẹnị Hiramụ na Sọlọmọnị na ogboku sime, tẹ ịn nwẹnị jụmọ-jụmọ na ḅịḅị-kẹ-ogbosọ ḅara kẹ ḅịḅị-ọkịya tẹ ḍiri kẹẹ tẹ ḅara-pono.

1 Paka-aị 28:10

Ị́ ḅụụ ẹbịị mịọkụ, kẹ gotẹ ọkọ ḅẹẹarị, KỊNỊNYANAḄỌ ḅe ị́ gbọrụ warị nama ọ̀ fịafịa yọ mẹ pịrị ḅẹ gotẹ ị́ sẹlẹ-ọkị tẹ; kụrọ sịẹ, tẹ anị mịẹ.”

1 Paka-aị 28:20

Anịtẹso Devidi nwẹnị ori owiḅọtụḅọ Sọlọmọnị ḅẹẹ, “Kụrọ sịẹ iḅi ḅiokpọ ḅụ, tẹ anị kọrịị. Ḅalafa ma, ḅụụ-tukutuku ma; kẹ gotẹ ọkọ ḅẹẹarị, KỊNỊNYANA-TAMỤNỌ jen-a jen-a ị̀ Tamụnọ ị́ na emii. Ori í pikirima, anịanịa ị́ sịkị ḅịa nwenii KỊNỊNYANAḄỌ ḅe warị mẹ ḅụ kọrị na-iḅi kọrịnama mẹmgba kọrị fama ḅa.

1 Paka-aị 29:19

Ì owiḅọtụḅọ Sọlọmọnị mịẹ tẹ ori ò bebe ḅioḅẹngbọ kẹ í oloko ma na, ḍuko aị ma na, ị́ kẹẹ koroma wararị oloko ma na, koko tẹ arịmgba mịẹ mẹ kẹ ọ̀ pịrịị, tẹ mịẹ tẹ ori amadaḅọ warị mẹ nama à gotẹ ye tẹlẹma koroma tẹ ye mẹ.”

Devidi-Anume 120:1

À ḅụụ-fụka ḅio sime, sime sakị à KỊNỊNYANAḄỌ ḅe sịn tẹ ori ị̀ ḅịḅị ọkịm.

Devidi-Anume 121:1

À tọrụ saakị tụndụ ma ḍikiarị, ị̀ ḅarasụa tọ-anga ḅo ḅẹ?

Devidi-Anume 122:1

Ì ḅioḅẹlẹ mẹ ini ị̀ ḅẹ sakị, “Yee wa KỊNỊNYANAḄỌ ḅe warị mu.”

Devidi-Anume 123:1

KỊNỊNYANAḄỌ, à tọrụ saakị tẹ kẹ í ḍikiarị So-ḅio í sime tẹ ḅẹrẹtọn-arị anga mẹ ḅụ.

Devidi-Anume 124:1

Ndẹẹ anị sime wa pịrị ḅẹ ḅara KỊNỊNYANAḄỌ ḅe wamịna jụ ofori kụma? Yei Izirẹlị, ọ̀ pakịrị!

Devidi-Anume 125:1

KỊNỊNYANAḄỌ ḅe kẹ ḅiokpọma apụ ma, ịn Zayọnị Tụndụ mẹ sịẹ-kụrọ ḅara sịẹ-kụrọ wararị, anie gbala-gbala inetẹ jike ḅịa apụ, pịkị gbala-gbala saakị jen kiri kuroma ḅịa ye mẹ.

Devidi-Anume 126:1

KỊNỊNYANAḄỌ ḅe wa kẹ pịkị-ḅo Jeruselemu la sakị, ḍawọ-jụ ọkụ!

Devidi-Anume 72:1

Yei Tamụnọ, ị́ karakara mịẹ mẹ kẹ amadaḅọ ḅe toluma tẹ ọ̀ kẹ ḅẹrẹkọn; yee ori ị́ na sọ tẹ aḍụa ofori ḅẹrẹkọn,

Devidi-Anume 78:69

Anịanga mie ori ọ̀ Warị nama tẹ kẹ ò So-ḅio ḅẹ sime-yọ mẹ kịkama ye; ori anị mịẹ kụrọma kiri mẹ ḅioju kịkamam, sakị mamgba anị kụrọ sịẹ sime wararị.

Egberima-Ẹkwẹn 16:9

Ẹbịsịya ị́ ị́ mịẹ ḅẹ aị tọn sara ḅa, kụma Tamụnọ mie mịẹ aị ma datụkụma ḅarịye.

Nimi Tolumaḅọ 9:11

Tomikiri mẹ ḅụ à pịkị siin ẹrịm mịnẹ mangị ḍịn apụ, sakị mamgba mangị tẹịn-a; owu-kụrọnịapụ sakị mamgba owu-ḅara-iḅi nyana-a; ye-nimiapụ sakị mamgba sọye nyana tẹ fị-a; sịḅịḅio nyana apụ sakị mamgba ngọ-kọn-a; namakọrị-aka nyana apụ sakị mamgba iḅi-fụḅara nyana-a; kẹ gotẹ ọkọ ḅẹẹarị, sakị na ye-mịẹọkụ-tọn-a na anie paka ḅarịye dogi-ḅo ọrụḅọ-ọrụḅọ pịrịarị.

Sọlọmọnị Ḅẹlẹtẹịn Nume 3:3

Ama-koru apụ ma tẹ ama mẹ mẹnjị iwo na ideri na sime apụ ma ị̀ ẹrịm. À nwẹnị in gbela, “Ị̀ ḅẹlẹmaḅọ ḅe ọmịnị ọ̀ ḍọkị-ẹrị tẹ?”

Sọlọmọnị Ḅẹlẹtẹịn Nume 5:7

Ama-koruapụ ma ama mẹ ḅio ị̀ ḍọkị pakama-ḅom; ini ì fomu tẹ ì oju ịnọ pakamam Ama mẹ ḅẹ onu ma ḍikiḍiki apụ ma ị̀ kapa ḅụ ḅẹ ọgọnọ mẹ nụnụ-kanịm.

Ayịzaya 27:3

“Àrị anị ḍikiḍikiarị, pịkị sakị mamgba minji kẹ anị sararị. Àrị anị gbaịn-arị ḍin na eneḅaka na ḅụ mịẹ tẹ gbọrụḅọ-sọ ye kẹ anị lama ḅịa ḅara.

Ayịzaya 56:10

Ori mẹẹ, “Sịḅịdapụ mamgba, kịnị ọkịarị ini ì atomi ḅeri nụnụ ḅẹ apụ ma, ịna atọrụngbọ pụụn wararị! Gberie-sọ in nimi-a. Oloku-oloku-a warị-koru-obiri amẹẹ mie ịn kịkarị — koro mono ma ḅọrọ tẹ ḍawọ kịngẹ mie ịn mịẹarị. Ịn kpọma mono ḅẹlẹma ḅara ḍikii!

Ayịzaya 62:6

Jeruselemu, í onu ma ọgọnọ arị ama-koru apụ kẹ koroma tẹẹ; In gbọsime ḅịa eneḅaka-o, ḍin-o Ịn KỊNỊNYANAḄỌ ḅe mịẹ ḅẹ tẹ minini aị ma kẹ ò ḅiokoroma nyanam Tẹ gbala-gbala ḍụkụ tẹ ori arị kẹ ḅioḅọrọma ḅịa.

Jerimaya 51:12

In kẹ owu kẹ Babịlọnị onu ma paka ḅẹ elekima kẹ ịn ḍiee. Ama-koru anga mẹ mịẹ kụrọmaa! Anga-anga ḅụ, ye-yọ mẹ ḍikiḍiki ḅẹ ọmụapụ koromaa. Pịkị owiapụ kẹ ḅọị ini ọmụapụ ẹbị!” KỊNỊNYANAḄỌ ḅe ḍukom ọ̀ kẹ Babịlonịya mịẹ ḅẹ ye mẹ ọ̀ mịẹ tẹ.

Jerimaya 51:31

Oku-mẹnjịḅọ jen oku-mẹnjịḅọ palịarị, mangị mu ḍuko Babịlonịya ḅẹ amadaḅọ pịrị mịnẹ ori opu ama mẹ ịn kan tolu-sọ ḅo tẹ pakịrị-pakịrị ḅụ.

1 Kọrịntị 15:14

tẹ ịn fịị ḅụ Kịrayịsị saakịma-a ḅẹḅẹ wa ḍuko ọ́ pịrị ḅẹ ye ḅarị ofori tẹ ọmịnị sọ minini ḅẹ ye ḅarị ofori.

1 Kọrịntị 3:7

Sụntẹ ḍiḅiarị ḅọ na, minji kẹ sararị ḅọ na ye ḅụ ofori, kụma mịẹtẹ anị so-pakarị Tamụnọ ḅe anie ye mamgba.

Galesiya 4:11

Ó gotẹ ì ḅio dein-a. Anị inetẹ mịẹ ḅẹ, mịnẹ arị ó gotẹ kọrị kọrịnama mamgba ḅo papaa fa ye sọ tẹ?

Ditẹrọnọmị 8:18

Ọ́ KỊNỊNYANAḄỌ ọmịna Tamụnọ ḅe kẹ ḅiokoroma ḅa, kẹ gotẹ ọkọ ḅẹẹarị, ori mie kụrọ kẹ ọ́ pịrịtẹ ọmịnị ngọ mẹ kọn ye; mịẹtẹ ori ori ọḅọkụ mẹ tẹ ò ye karị ḅara kẹ fị ọmịna aḍapụ pịrị ye mẹ mịẹ kụrọma ḅẹ ḅara anị wẹrịtẹ mịmgba ḅụ sime-ḅara.

Jọsụwa 2:2

Ịn nwẹnị anị ḍuko Jeriko ḅẹ amadaḅọ ḅe pịrị: “Ḍikii, Izirẹlịapụ ḅụ tomi ḍin ḅụ mịanga ḅo tẹ ama mẹ sime-ḅara ḍọkị nimi ḅẹ emi.”