Devidi-Anume 112:3 - FỊAFỊA BAỊBỤLỤ

³ Ọ̀ warị-suku mẹ pịrị tẹ kọn ḅa, tẹ ọ̀ lọkọlọkọ mu ḅẹẹ-sakị ḅẹẹ-sakị la ḅa.

Devidi-Anume 112:3 Iomraidhean Croise

Jobu 5:24

Í nimi ḅa mịnẹ ị́ akpụrụ-warị mẹ ye anị la-a, anịsakị í mu ị́ nama ogbo ḍiki ḅa tẹ ye fa ḅịa.

Devidi-Anume 111:10

Tomḅọ ḅọrọ tẹ nimi nyana ḅẹ etela anie kụn kẹ KỊNỊNYANAḄỌ ḅe pịrị; ori anie karakara ḅẹrẹkọn kẹ ọ̀ tọn kuroma aị ma poki tẹ mịẹarị apụ ma pịrịarị. Ini ò tokini gbamaso ḅa.

Devidi-Anume 111:3

Ọ̀ mịẹarị aị mamgba kụn na ḅaka na arị ḅụ ḅin wararị; ọ̀ karakara mịẹ mẹ sime gbamasom.

Devidi-Anume 112:9

Mịẹḅẹ-ọkụ-ofori apụ ma ḅara sarasara ḅara mie ọ̀ kẹ ye kẹ ịn pịrịarị, tẹ ori iḅi-yemịẹ-ḅara mẹ gbarị-gbarị-a; ọ̀ kụrọ nyana ḅa, tomi pịkị ọ̀ mangịma ḅa.

Devidi-Anume 34:10

Ọkụkụ ma sọ fị ḅẹ ye nyana-a tẹ ḅuru ịn tarịarị: kụma KỊNỊNYANAḄỌ ḅe ḅịḅị pokiarị apụ ma iḅiye tẹ ịn nyana ḅịa ye ofori.

Devidi-Anume 34:11

Ì ikiapụ, asambịrịma apụ, ó ḅoo, tẹ ì pokii: à KỊNỊNYANAḄỌ ḅe kụn-kụn ḅara kẹ ó toluma ḅa.

Egberima-Ẹkwẹn 15:6

Karakaraye-mịẹapụ ịna ngọ wẹrị kpaịnmarị, kụma si-sịḅịḅio-sụa atomi ma ịna aị fama tẹrẹmẹ ye-kụrọ-sakị laarị.

Egberima-Ẹkwẹn 21:20

Ye-nimiapụ ngọ-kọn na opu ḅara kẹ ye-mịẹ ḍumo na kọn-arị, kụma apantu amẹẹ ma ini igbigi mẹ nyana ḅo sakị na ini anị fama sakị na gbọrụ sakị.

Egberima-Ẹkwẹn 3:16

Nimi nangwọ ḍumo kẹ ị́ daarị, pịkị pẹrẹ na kụn na sọ.

Ayịzaya 32:17

Anị goo ọkọ mịẹ ḅarịye anie ḅẹḅọ-ḅẹḅọ kuraye mịẹ ḅa ẹrẹsị, dein na ye ḅụụ la-a na nwẹnị anịanga sime gbamaso ḅa.

Ayịzaya 33:6

tẹ mịẹ tẹ opu sịẹ mẹ jike-a ḅara kẹ sịẹsime ḅa. Sakị mamgba ori amịna atomi gbaịn ḅọrọma tẹ nimi na ye-ḍawọ-ḍịịn na kẹ ịn pịrịarị. Ḍụḅa tẹịn ngọ tẹ ịn nyana ye anie fịafịa ḍumo ḅụ KỊNỊNYANAḄỌ ḅe mangịma.

Ayịzaya 51:8

ini ịmaịn ḅarị ḅara akarakaraḅa pẹị siin tẹ ḅịtẹ kịka ḅa! Kụma àrị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ sime mu ḅẹẹ-sakị ḅẹẹ-sakị la ḅa.”

Matiyo 6:33

Anie nakara, ọ́ mịẹ ḅẹẹye-ḅẹẹye nẹngị na-iḅi ye anie, Tamụnọ Ama-da mẹ na ò ḅiiarị ọ́ mịẹ ḅẹ kura-aị ma na ḍọkịị, tẹ ori nwẹnị ḅarana osi-aị mamgba mịẹ tẹ arị ḅo ọmịna ḅara la.

2 Kọrịntị 6:10

karakaraye ịn wa kururuma ḅẹ mịẹm, sakị mamgba wa ḅioḅẹlẹarị; wa igoin-apụ kịkarị, kụma wa mịẹtẹ tọnwa-apụ ngọ kọn-arị; wa gberie-sọ nyana-a apụ ḅara simearị, anịsọ wa ye goyegoye nyana wararị.