Devidi-Anume 102:4 - FỊAFỊA BAỊBỤLỤ

⁴ Ini ì fomu kiri gbin tẹ, samụnọ tẹ osuka fomu ḅọlọlọma ḅara; ḅuru ḅarị ị̀ tarị-a.

Devidi-Anume 102:4 Iomraidhean Croise

2 Samụẹlị 12:17

Ọ̀ warị ḅẹ omongiapụ ma kiri mẹ ḅio ọ̀ saakị ḅẹ ḅara kẹ ori akaka sịẹsimem, kụma ọ̀ saakị ḍụkụ-a, ọ̀ pịkị ini na fịye fị-a.

Ẹzịra 10:6

Anị tẹrẹmẹ Ẹzịra nwẹnị Tamụnọ warị mẹ tọrọkọ saakị-so Jehohananị, Ẹlịyasibu owiḅọtụḅọ ḅe kala-ḅio sọ, ò fịye fị-a pịkị minji ḅuu-a ḅara kẹ ḍin mẹ ḅụ sime ḅama anga mẹ; anị kẹ gotẹ ọkọ mịẹ ye, ori omoni ḅara-ḅio paka-ḅo apụ ma nyana-a minini mẹ kururuarị ẹrẹsị.

Jobu 10:1

“Ị̀ ḍumo ịnyọ kẹ ị̀ tama tẹẹ! Kiki ofori ḅara à nwẹn kẹ ì ḍuko-sụaye mẹ ḍuko ḅa; ị̀ tẹmẹ akụ mẹ ḅụ àrị ẹkwẹn ḅa.

Jobu 30:30

Ì oju apara nwẹnị pịkị kurukuru tẹ ị̀ ḅụụ sara, tẹ ọfịrị nwẹnị ị̀ mgbe ma dọkịma.

Jobu 33:20

anieḅụ ò ḍumo nwẹnị fịye ḍiki-ḅioḅu, tẹ fịye nwẹnị ọ̀ ḅịḅị sii.

Jobu 6:4

Kẹ gotẹ ọkọ ḅẹẹarị, Kụrọmamgba Nyanaḅọ ḅe aḍịẹịn ma ị̀ ḅụụ ḅio emi; ị̀ tẹmẹ kịnị ḅaa aị ma ḅuum; Tamụnọ tẹmẹ-naịn-naịnma aị tẹlẹma ị̀ pịrị tẹẹ.

Devidi-Anume 102:11

Ì ḍumo mẹ kịkarị ye, ḅoḅiri-so ḅẹ ịrụa ḅịya ye sarama tẹ pakarị atẹmẹ; samụnọtẹ osuka na ị̀ na kịkam.

Devidi-Anume 102:9

À fọọn kẹ fịye sọma fịarị, à pịkị owu-minji kẹ ì ḅuu-minji gwaarị,

Devidi-Anume 37:2

Ala-a kịnị ḅarị ini ẹrị ḅịa, osuka samụnọ ḅara; kpatụ tẹ asịn fịị ḅara mie ịn fịị ḅarịye.

Devidi-Anume 42:6

Ị̀ Tamụnọ, Ì ḅioḅẹngbọ kaan-sara tẹẹ, ị̀ ḅụụ ḅio; ọkọẹrẹsị àrị ị́ kẹ ḅiokoroma ḅa Amọnị gele yọ, Miza Tụndụ ma ọgọnọ pẹlẹ, pẹlẹ Jodanị tọrụ mẹ ḅụ sararị aminji ma

Devidi-Anume 69:20

Gọlị-aị ì ḅioḅẹngbọ kan saratẹ tẹ, à ḅarị tẹmẹ nyana-a. À ḍiki sịḅị-kụrụkụrụ kẹ ḅiokpọmam, kụma gberie-sọ àrị ẹrị-a; à ḅiokpọma ẹkwẹn naa ḅẹ ḅiim, kụma àrị ọkọ sime ye naa-a.

Devidi-Anume 77:3

À Tamụnọ kẹ ḅiokoromarị sakị, àrị ẹsịmarị; à Tamụnọ gboloma aị kẹ ì ḅioḅẹngbọ ḅụ pekele ḍikiarị sakị, ì ḅioḅẹngbọ ḅịkịm.

Ayịzaya 40:7

Osuka kpatụarị, tẹ fịlawa ḍisiarị, KỊNỊNYANAḄỌ ḅe fẹrụ kẹ fịrịma tẹ anị fie ịn saramarị sakị. Tomi ḅarị sime mu etela osuka nẹngị-a.

Kururu Owu-apọkọ 3:13

Ọ̀ ḍiein sụa igbe ḅio ḅẹ aḍịẹịn ma, ọ̀ tẹịn-tẹịn ì ḅioḅẹngbọ ḅụ suu tẹẹ.

Kururu Owu-apọkọ 3:20

À sịkọpẹlẹ-a ḅara kẹ anị kẹ ḅiokoromarị, anị nwẹnị ị̀ tẹmẹ lọkọmarị,

Fịrịmẹnjịapụ 9:9

Ò ye ẹrị-a ḅara kẹ tẹra aḍin simem; mịna aḍin ma ḅụ ò fịye fị-a, ọ̀ pịkị gberie-sọ ḅuu-a.