Devidi-Anume 102:1 - FỊAFỊA BAỊBỤLỤ

¹ Yei KỊNỊNYANAḄỌ, à kọn-arị tẹkẹ mẹ poki, tẹ à ḅarasụa ḅiiarị tẹ kọn-arị owu mẹ naa!

Devidi-Anume 102:1 Iomraidhean Croise

2 Paka-aị 30:27

Anịtẹso agbamịẹapụ ma na, Livayị furo-ḅẹ-apụ ma na nwẹnị saakị tẹ tomi ma boma, tẹ KỊNỊNYANAḄỌ ḅe nwẹnị ịna pọkọ naa, tẹ ịna tẹkẹ ḅo So-ḅio ọ̀ fịafịa sime yọ lam.

Devidi-Anume 12:5

KỊNỊNYANAḄỌ ḅe ḅẹẹarị, “Kụma mịọkụ à ḅo ḅa, in mịẹ ḅẹ ọkụ ofori apụ ma ponomarị ẹrẹsị, tẹ ịn ḅaa ḅẹ ḍọkịarị apụ fụka ye ḅụ iningiarị. In ḅii sime-ḅara ḅụ à ḍụkụ tẹ ye ịn la ḅịa.”

Devidi-Anume 143:4

Mie ḅụ à tẹlẹma fịị pịrị tẹ; ì ḅioḅẹngbọ gbọrsịḅị ḅịkị fama tẹ.

Devidi-Anume 143:7

KỊNỊNYANAḄỌ, mịọkụ-mịọkụ ị̀ ḅịḅị ọkị! À ḅarị gbọrụ ḅiokpọ sọ nyana-a. Ị́ ḅụụ kikima ị̀ pịrị ma, ọkọ-a kụma à koro ideri-mu fịị tẹ apụ tomikiri mẹ ḅẹ apụ ma ḅụ sọ ḅa.

Devidi-Anume 145:19

Ọ̀ kụn-arị apụ ma ḅụụ-fụkamarị aị mamgba ọ̀ mịẹ tẹ ịn nyanarị, ori ịna owu naa tẹ ịn ḅọrọmarị.

Devidi-Anume 18:6

Ị̀ ḅụụ-fụka ḅụ à KỊNỊNYANAḄỌ ḅe sịnm; àrị ị̀ Tamụnọ sịnm ọ̀ ḅarasụa ị̀ pịrị ḅẹ ḅara. Ori ọ̀ warị ḅio sime tẹ ị̀ pọkọ naam; à ḅarasụa gotẹ kọn oloku mẹ ò pokim.

Devidi-Anume 39:12

KỊNỊNYANAḄỌ, ị̀ tẹkẹ naa, tẹ à kọn-arị owu mẹ pokii, ḅo ḅarasụa ị̀ pịrị owu minji ị̀ tọrụ sararị ogbo: Ì elemu aḍapụ mamgba sime-ḅara ḅụ, yẹrị boowa kala-sakị kẹ ị́ warị bịanḅọ kịngẹ.

Devidi-Anume 42:4

Ì ḅioḅẹngbọ kan sararị, à ḅọrọ tẹ sakị mẹ kẹ ḅiokoromarị sakị, àrị inweni-ogbo-ogbo ma na Tamụnọ warị mẹ sọ-mu sakị àrị ịna tọrọkọ-sụn mẹnjịma mum, ḅioḅẹlẹarị tomina-ogbo, nume-suarị, olokuarị, tẹ Tamụnọ tokiniarị.

Devidi-Anume 5:2

Ị̀ Tamụnọ pịkị ị̀ amadaḅọ, à ḅarasụa gotẹ kọn-arị owu mẹ pokii! Yei KỊNỊNYANAḄỌ, sisi arị í tẹkẹm;

Devidi-Anume 61:2

Ḅioḅẹngbọ ḅịkị na ama na kpeki-a na ḅụ àrị ị́ sịn-arị! Ị̀ ọkịị, à ḅụụ-ḅọị-yọ tẹ ye ị̀ la ḅịa anga mu,

Devidi-Anume 62:8

Ị̀ atomi, sakị mamgba ọ̀ Tamụnọ kẹ ḅiokpọmaa. Ọmịnị ọmịna ḅụụ-fụka mamgba ḍuko ọ̀ pịrị, gbala ori anie wamịna ḅụụ-ḅọị-yọ.

Devidi-Anume 77:3

À Tamụnọ kẹ ḅiokoromarị sakị, àrị ẹsịmarị; à Tamụnọ gboloma aị kẹ ì ḅioḅẹngbọ ḅụ pekele ḍikiarị sakị, ì ḅioḅẹngbọ ḅịkịm.

Paka-so 2:23

Sakị kẹlẹ ḅọrọ tẹso, Ijiputi ḅẹ amadaḅọ ḅe fịịm. Izirẹlịapụ ma ịna suku-ḅio omoni ḅara mẹ sime tẹ iningi tẹ ḅarasụa gotẹ owum, tẹ omoni ḅara mẹ suku-ḅio ịn kọn owu mẹ nwẹnị iwo ḅo Tamụnọ la.

Kururu Owu-apọkọ 3:44

Í kpiti-so kẹ ị́ ḅụụ gbaịn tẹ mịẹ tẹ gbọrụ tẹkẹ sọ inetẹ tolu-ḅọrọ ḅịa ḅara

Kururu Owu-apọkọ 3:8

Arị owu tẹ ḅarasụa sịnm ḅẹsọ, ori ị̀ tẹkẹ mẹ ịkasị pakamam.

Luku 22:44

Opu akụ ọ̀ tẹmẹ ponoma ḅara anie ọ̀ pịkị kụrọma tẹmẹ-la ḅara kẹ tẹkẹ ḅara, tẹ imo nwẹnị ọmbie sara ḅara kẹ jim-jimma ọ̀ ḅụụ pẹlẹ-pẹlẹ kiri ḅio sara.

Hiburu 5:7

Jizọsị tomikiri ḅẹ ḍumo ḅụ sime, sime sakị, oloku-oloku owu na, tọrụ owu-aminji sara na, mie ọ̀ kẹ Tamụnọ tẹkẹ, tẹkẹ tẹ ọ̀ ḅara ye ḅii ye, ori anie inetẹ fịị ḅụ ọ̀ ḅọrọma ḅẹ ḅọ ḅara ḅụ. Ọ̀ ḅụụ-lẹgịma tẹ tẹmẹ-la ḅara kẹ tẹkẹm ẹrẹsị Tamụnọ pịkị ọ̀ tẹkẹ naam.

Ḅẹrẹkọn-apụ 10:16

Anieḅụ ịn nwẹnị ini ogbo-ḅio ḅụ igoni oru-atamụnọ ma tan-siin tẹ fịrịmẹnjị KỊNỊNYANAḄỌ ḅe pịrị; tẹ Izirẹlị tọrụsiẹrị mẹ nwẹnị ḅo ọ̀ ḅụụ-ḅẹsọọ.

1 Samụẹlị 9:16

“ḅaa nwẹn pembe sakị ḅụ à Benijamịnị ama mẹ ḅụ ḅo gbọrụ owiḅọ kẹ ị́ fịrịma ḅa, anịsakị amadaḅọ owiḅọtụḅọ sọ ị̀ atomi Izirẹlịapụ ma pịrị ḅarị ḅọ ḅara ḅụ í pulo kẹ ọ̀ sịḅị sara ḅa. Ori ị̀ atomi Izirẹlị ḅọrọma ḅa Filisiteniapụ ma ḅara ḅụ, kẹ gotẹ ọkọ ḅẹẹarị, àrị ị̀ atomi ma tọrụsiẹrị mẹ ẹrị tẹẹ, gbala ịna owu mẹ ḅo ị̀ la tẹẹ ẹrẹsị.”