Devidi-Anume 101:6 - FỊAFỊA BAỊBỤLỤ

⁶ Ḅụụ ḅụ ḅioḅẹngbọ kẹ gbana na-iḅi ḅara sime Tamụnọ pịrị apụ ma arị ịn kẹ ye sịn ḅa tẹ minini tẹ ini ị̀ ama-da opu warị ḅio anga ḅa. Ḅọkọ, ḅọkọ mamgba kẹ kịnị mingirima ye mịẹ-a apụ ma à ḍụkụ tẹ ịn fịrịmẹnjị ị̀ pịrị ḅa.

Devidi-Anume 101:6 Iomraidhean Croise

Devidi-Anume 119:63

Fịrịmẹnjị ị́ pịrịarị apụ mamgba ì ikiapụ, inimgba tẹ í oloko ma poki tẹ mịẹarị apụ ma.

Devidi-Anume 15:4

Ọ̀ Tamụnọ sịkịarị apụ ḍiki-simarị, kụma ọ̀ KỊNỊNYANAḄỌ ḅe ḅịḅị pokiarị apụ kụn-arị. Sakị mamgba ori ò minini ye mịẹarị, anị ọ̀ ḅụụ sima ye sima ye sọ.

Devidi-Anume 34:15

KỊNỊNYANAḄỌ ḅe tọrụ kẹ karakaraye-mịẹapụ ma ọgọnọ gbanarị, tẹ ịn kọn-arị owu ma ọ̀ naarị;

Egberima-Ẹkwẹn 28:28

Ḅẹrẹtọn kụrọ si-mịẹapụ aḅara-ḅio sọ tẹ ḅẹḅẹ, kịnị ḅụụ kikima tẹẹ. Kụma kụrọ ịna aḅara-ḅio so tẹ ḅẹḅẹ, karakaraye-mịẹapụ ma siin ḅẹrẹtọn ḅa.

Egberima-Ẹkwẹn 29:2

Karakara mịẹarị ḅẹrẹtọnḅọ kẹ ì ḍie, tẹ à ḅioḅẹlẹarị apụ kẹ í ḍie ḅa. Si-sịḅịḅio-sụarị ḅẹrẹtọnḅọ kẹ ì ḍie, tẹ à kururu fịịarị apụ kẹ í ḍie ḅa.

Lẹvitikọsị 14:42

Anịtẹso ịn ja aḍụḅarị kẹ osi-aị ma sime akiri ḅụ suu ḅa, tẹ ja miniminima aị ọkị tẹ kẹ warị-anga mẹ mịẹ miniminima ḅa.”

Matiyo 24:45

“Ọkọ kụma, iḅiọkụma fịrịmẹnjịḅọ tẹ pịkị ye-nimi wararị ḅọ anie tụḅọ? Ori anie ọ̀ nyanaḅọ kẹ osi ori afịrịmẹnjịapụ ma sịḅị dama tẹ ḅẹẹ tẹ ḅọ, mịnẹ sakị laa sakị, laa sakị, ori ịna fịye kẹ ịn pịrịị.

Jọnị 12:26

Fịrịmẹnjị ị̀ pịrị ḅẹ-ḅiiarị ḅọ, ḅiiarị ḅọ ì ḍukamẹnjị ḅa, mịẹtẹ ị̀ fịrịmẹnjịḅọ ḅe à sime anga sime ḅarị ḅara. Anịsakị ị̀ Ḍa ḅe fịrịmẹnjị ị̀ pịrịarị ḅọ, pịrịarị ḅọ kẹ kụn nyana kiri ḅụ wẹrị ḅa.

Jọnị 14:3

Tẹ à sọ-mu tẹ sime-yọ mẹ tẹlẹma ọ́ pịrị tẹ ḅẹḅẹ, à pịkịma-ḅo ọmịnị ọkị ị̀ ḅụụ pịrị ḅa, mịẹtẹ ọmịnị à sime anga sime ḅarị ḅara.

Jọnị 17:24

“Ḍa! Ị́ ịn kẹ ị̀ pịrị tẹ, à ḅiiarị mịnẹ ini à simearị anga sime, ini ì ebube mẹ ẹrị ḅarị ḅara, anie ḅarana kẹ ị̀ pịrị ebube mẹ, anie ị́ ị̀ ḅẹlẹmarị tẹrẹmẹ tomikiri mẹ tẹmẹm gotẹ.

Mịẹfinji 21:3

À nwẹnị emine mẹ ọgọnọ lẹgị ḅọ ḅe gele pọkọ kẹ kọn ẹkwẹn naa, “Mịọkụ Tamụnọ ḅo tomina ogboku anga tẹẹ! Ori ini na sime ḅa, tẹ ini ori atomi sọ ḅa. Tamụnọ ḅarana ini na sime tẹ ịna Tamụnọ sọ ḅa.