Devidi-Anume 101:5 - FỊAFỊA BAỊBỤLỤ

⁵ Jen tomḅọ ḅụ si-aị kẹ ḅeri-ḅio, ḅeri-ḅio ḍukoarịḅọ mẹ arị mḅọ ḅụ ị̀ ḅụụ wẹrị sikima ḅa; à ḍụkụ ḅụụ-gelematẹ opu ẹkwẹn kọn-arị tomḅọ pịrị ḅịa.

Devidi-Anume 101:5 Iomraidhean Croise

Devidi-Anume 138:6

Tụkụmaye ị́ kpọma gele fa à wararị sọ, í iderima kiri sime apụ kẹ ye-sịn-arị, tẹ ḅụụ-gelema apụ ma inetẹ ị́ ḅụụ ịna aḅụụ ḅọị ḅịa.

Devidi-Anume 15:3

ja atomi kẹ ọḅụjụ wori-sima-a ḅọ. Ò kura-aye kẹ amịna ikiapụ mịẹ-mịẹ-a tẹ ọ̀ pịkị ori na kpekitẹ angarị apụ kẹ ịba-fị ma-ḅọrọ ḅọrọ-a.

Devidi-Anume 18:27

Ị́ ḅụụ iderima apụ ma ḅọrọmarị, kụma ị́ ḅụụ-gelema apụ ma iderimarị.

Devidi-Anume 50:20

Ọ́ tẹlẹma wararị ḅẹrẹ kẹ ọmịna mịnapụ sịḅị sẹịn tẹ ịna ḅụ si ḍọkị.

Paka-so 20:16

Gbọrụḅọ-sọ iruo ogbo-sịẹḅọ sọ amịna pembe tomḅọ pịrị ma.

Paka-so 23:1

“Iruoye kẹ paka ye sọma ḍuko ma. Si-sịḅịḅio-sụa tomḅọ na ḅara gboloma tẹ tọn tomḅọ pịrị si gotẹ ogbo-sịẹḅọ sọ ma.

Egberima-Ẹkwẹn 10:18

Mḅọ kịnị ḍiki-ḅioḅuarị mẹ ḅọịarị ḅọ mẹ iruoḅọ. Ḅẹḅọ-ḅẹḅọ tẹ kịnị kẹ fiema ḅọrọarị ḅọ anie oḅori-ḅọ.

Egberima-Ẹkwẹn 20:19

Ọḅụ-ẹkwẹn kọn-arị ḅọ inetẹ gbala-gbala ḅọị ye koko ḅịa. Ẹkwẹn ḅakarị apụ ḅụụ ị́ ḅụụ ḅelemaa.

Egberima-Ẹkwẹn 21:4

Si-sịḅịḅio-sụa apụ ma ịna ḅụụ-gelema na opu ẹkwẹn na mie ḅẹrẹtọn ịn pịrịarị, anịsakị mie mẹ si mịẹẹ.

Egberima-Ẹkwẹn 25:23

Tomḅọ kẹ ọḅụ ẹkwẹn kọn mẹ ịganị dogi-ḅoarị, anie ọgọnọ fẹrụ gbarị-a ḅara kẹ eene dogi-ḅo ḅara pembe ḅara.

Egberima-Ẹkwẹn 30:13

Japụ emi tẹ kuromarị ini iḅi lama wararị ye; yei, in kuromarị ini iḅim ḅẹ ḅara mẹ ḍiki ya!

Ayịzaya 2:11

Gbọrụ ene ḅaka ḅoarị, tomina ḅụụ-gelema kuno tẹ in tomina Opu ẹkwẹn mẹ ḅaa siin ḅarị sakị. Anịtẹso ịn KỊNỊNYANAḄỌ ḅe ngẹrị gelema ḅa.

Izikẹlị 22:9

Ọmịna ḅụ ḅẹ jen-apụ osi apụ ḅụ iruo aị ḍukoarị ini ịn ḅaa ḅarị ḅara. Ịna ḅụ ḅẹ jen-apụ kẹ agbamịẹ oru-afụḅara pịrịtẹ fịye fịarị. Japụ sakị mamgba ịn lẹlẹ pịrị ye mịẹ mie ịna ḅụụ na-iḅiarị.

Danẹlị 4:37

“Mịọkụ, yẹrị, Nebukadineza, tokini na, kụn na pịkị ebube na kẹ Tamụnọ pịrịm, ori So-ḅio ama-daarị ḅọ ḅe. Ọ̀ mịẹ ye goyegoye karakaram pịkị kuram, anị kụma ọ̀ pịkị inetẹ ḅaịn ḅara kẹ ye mịẹarị ḅọ iderima ḅa.”

Lẹvitikọsị 19:16

Ị́ atomi ogbo-ḅio ḅụ mẹnjị-mẹnjị iwo na, ideri na tẹ iruo aị kẹ kịnị ḍuko-sima ma ḅọrọma ị́ na kpeki tẹ angarị ḅọ ḍumo gbolomaye ḅụ siye anga sịẹma. Yẹrị anie KỊNỊNYANAḄỌ ḅee.”

Luku 18:14

Jizọsị nwẹnị ḅẹẹ, à ḍuko ọ́ pịrịarị, ama-igbigi da ḅọ ḅe mie Tamụnọ na ḅẹrẹ-fama tẹ ye, ọ̀ warị la sakị, Farịsiiḅọ ḅe-a. Gbala amịna ḅụụ gelema ḅọ, gelema ḅọ ini mḅọ iderima ḅa, tẹ amịna ḅụụ iderima ḅọ, iderima ḅọ ini mḅọ kẹ opu sọma ḅa.”

1 Kọrịntị 5:11

À fiearị ye anie, amịna ḅụụ kẹ Kịrayịsị ḍukamẹnjị mịnaḅọ sịn-arị ḅọ tẹ ama mẹnjị ḍumo kọn-arị ḅọ, anịanịa opu pọkọ-ḅẹngbọ sụa ḅọ, anịanịa oru tẹkẹarị ḅọ, anịanịa kịnị ḍuko simearị ḅọ, anịanịa iru ḅuu ḅụramarị ḅọ, anịanịa furuḅọ, ọmịnị mḅọ na gboloma ma. Ọkọ sime tomḅọ mẹ, mḅọ na lẹgị tẹ ḅara gboloma ye fị sọ ọ́ mịẹ ma.

1 Timoti 3:11

Ịna ereme ma sọ iḅi-yemịẹ-ḅara nyana tẹ kịnị kẹ ọḅụjụ fiema ḅọrọ apụ sọma; in sịḅị ḅio kuḅu ḅara na ye mingirima-a ḅara na sime, ye goyegoye ḅụ.

Tayịtọsị 2:3

Anị gbọrụ ḅara ḅụ, omongi ereme ma toluma tẹ ini ereme kẹ ye mịẹ na-iḅi ḅara kẹ ye mịẹ, tẹ fịafịa ḍumo kọn. Ịn kịnị kẹ oḅukulo worima ḅọrọma, pịkị omoni sọ iru pịrị ma. Ini iḅiye tolumaa,

1 Samụẹlị 2:3

Ḅẹlẹma opu amịẹaị mịẹ ḅara kẹ ḅarị jen-maaịn kẹ ẹkwẹn ma, yee opu amịẹaị ẹkwẹn-ḅịḅị ḅarị ị́ ḅịḅị ḅụ paka-ḅo ma; gbala KỊNỊNYANAḄỌ ḅe anie mịẹ ye mịẹ ye nimi Tamụnọ anịsakị ori mie ye-mịẹ-ḅara ma iku tọn-arị ḅọ