Devidi-Anume 101:3 - FỊAFỊA BAỊBỤLỤ

³ tẹ gbala-gbala à ḍụkụ tẹ siye kiri nyana ḅịa. Ọḅụ pịkị Tamụnọ gbin-arị apụ ma mịẹarị aị ma à ḍiki-ḅioḅuarị; arị ini na nyana tẹ mịẹ ḅẹ gberie-sọ ofori.

Devidi-Anume 101:3 Iomraidhean Croise

Jobu 31:1

Àrị ị̀ atọrụngbọ ma na ọḅọkụ fị tẹẹ; à tọ-ḅara kẹ anịtẹrẹmẹ inetẹ ḅụụ-gboloa ẹrẹḅọtụḅọ ḍiki ḅẹ?

Devidi-Anume 119:113

À ḅioḅẹngbọ mẹmgba kẹ sịḅị-tuu ị́ pịrị-a apụ ma ḍiki-ḅioḅuarị, kụma àrị í oloko ḅẹlẹmarị.

Devidi-Anume 119:37

Ḍụkụ tẹ à papaa ye kẹ ye-sịn ma; iḅi ḅara kẹ ị̀ na mịẹ, ị́ wẹrị minini tẹ ḅara ḅụ.

Devidi-Anume 125:5

Kụma í fomu-ḅara kẹ si-sịḅịḅio-sụapụ ma pịrị ḅa sakị, pịkị í etela ma kuroma so apụ ma sọ fomu. Dein Izirẹlị na simee!

Devidi-Anume 139:22

Àrị in ḍiki-ḅioḅu kọnma-a; àrị ịn kẹ si kẹ ị̀ tọn-arị apụ ḅara ọkịarị.

Devidi-Anume 14:3

Kụma inimgba iri-aị mịẹ tẹẹ; inimgba gbọrụ ḅara kẹ si wararị. Ịna ḅụ kuraye mịẹarị gbọrụḅọ-sọ ofori, kpọkpọ gbọrụḅọ-sọ ofori.

Devidi-Anume 36:3

Si sịḅịḅio ẹkwẹn mie ori ẹkwẹn-arị, anị ḅio pịkị iruo aị, iruo-aị iruo-aị famam; gbọrụ sakị sọ ọ̀ ḅarị iḅiye na nimi nyana ye na mịẹ-a.

Devidi-Anume 39:1

À ḅẹẹm, “À mịẹ ḅẹ ye ḅụ àrị ẹbị ḅa, tẹ ị̀ ḅẹlẹ mịẹ tẹ à si mịẹ ḅịa ḅara; si-mịẹapụ ị̀ na kpeki wararị ogbo à gberie-sọ ḍuko ḅịa.”

Devidi-Anume 40:4

Ḅioḅẹlẹ sime KỊNỊNYANAḄỌ ḅe kẹ ḅiokpọmarị apụ ma pịrịm, anie pịkị oru-afụḅara dama-mua apụ ma anịanịa papaa aị kẹ Tamụnọ sọma tẹ sunsin pịrịarị apụ ma ḅụ sọ-a apụ ma.

Devidi-Anume 41:9

Ị̀ iḅi tẹịn ikiaḅọ ḅe, tẹ à kẹ ḅiokpọma tẹịn ḅọ ḅe, ị̀ na ị̀ fịye fị-fị ḅọ ḅe sọ, pịkị tẹ ị̀ na tụḅụrụ tẹẹ.

Devidi-Anume 78:41

Sakị-sakị ḅụ ịn Tamụnọ daaḍiki tẹ Izirẹlị tẹkẹarị Fịafịa Tamụnọ ḅe ḅioḅẹngbọ fụkamam.

Devidi-Anume 78:57

kụma ini ịna aḍapụ ma kịka tẹ kọngọ kụrọma tẹ sịḅị-tuu ọ̀ pịrị-a, kpịkịma-kpịkịmatẹ ḍiein tẹ tẹịnḅọ ḅiotọn anga da-mu mu-a ye ọkụ.

Devidi-Anume 97:10

KỊNỊNYANAḄỌ ḅe siye ḍiki-ḅioḅuarị apụ ma ḅẹlẹmarị; ori ori atomi ma aḍumo gbaịn-arị; ò si-sịḅịḅio-sụapụ ma kụrọ aḅara-ḅio ịn pụkọ-pakamaḅoarị.

Paka-so 20:17

Gbọrụḅọ-sọ amịna pembe tomḅọ warị mọnị ma; mḅọ taḅọ anịanịa diḅọ, anịanịa omoniapụ, anịanịa mḅọ pootẹ-anambulo, anịanịa mḅọ yedogi-nama, anịanịa ḅẹẹye-ḅẹẹye tẹ sime mḅọ pịrị ye goyegoye sọ mọnị ma.

Paka-so 32:8

Ịn fọnya ḅara kẹ etela mẹ tẹ à tọn ịn pịrị ye mẹ ḅụ tọrụ pịkị akaka da tẹ, ịn ḅara kẹ kala nambulo tẹmẹ, tẹ sunsin anị pịrị, pịkị agba mịẹ anị pịrị tẹ ḅẹẹm, ‘yei Izirẹlị, mịna oru-atamụnọ ma anie ọmịna oru-tamụnọ ma tẹ Ijiputi ama ḅụ ọ́ pakama-ḅo aị ma!’ ”

Egberima-Ẹkwẹn 6:12

Gberie ḅụ sọ ofori, si-sịḅịḅio-sụa atomi mẹnjịma ḅọrọ-ḅọrọtẹ iruo-aị iruo-aị ḍukoarị.

Egberima-Ẹkwẹn 6:13

Ịn tọrụ-anjị iwoma-iwoma tẹ tọnma ḅara kẹ oḅori kẹ ị́ sịn ḅẹ aị ḍukoarị,

Egberima-Ẹkwẹn 6:25

Ḍụkụ tẹ ḍiki-tọrụ ḅụ ịna iḅi mẹ í toluma fama ma; ḍụkụ tẹ ịn tọrụngbọ-tọrụngbọ kẹ ị́ da-mu ḍiein ḅio suu ma.

Egberima-Ẹkwẹn 8:13

KỊNỊNYANAḄỌ ḅe mangịma mẹ anie siye ḍiki-ḅioḅu; à ḅụụ-gelemarị apụ na opu ẹkwẹn kọn-arị apụ na ḍiki-ḅioḅuarị, si etela ma na iruo ẹkwẹn ma na.

Nimi Tolumaḅọ 6:9

Tomḅọ tọrọkọ emi tẹ mḅọ ẹrịarị ye mẹ iḅitẹịn ikele-ikelema mḅọ nyana ḅẹ-ḅiiarị ye ḍọkị nẹngịm; miemẹ sọ ḅintẹ ḅara kẹ anị fieye nimi-a ye, tẹ fẹrụ na ịgbanịarị ye ọkụ.

Ayịzaya 30:11

Ọ́ wamịna etela ḅụ ḅelee, tẹ wa mẹnjị-ḅọrọarị anga kiki wa pịrị ma. Wa ọmịna Izirẹlị tẹkẹarị Fịafịa Ḅọ ḅe gboloma ye naa ḅẹ ḍọkị-a.”

Ayịzaya 33:15

Í inetẹ fịị-a tẹ paka-ḅo ḅa í kuraye ḍuko tẹ mịẹarị ḅẹḅẹ. Ị́ nyana kụrọ kẹ igoin-apụ ma inoma ma, pịkị ọḅụ fị ma. Kịnị ḅaa-ḅaa ḅẹ ḅẹrẹ ḅịyarị apụ ḅụ sọma, anịanịa ja si amịẹaị mịẹ ḅẹ ḅẹrẹ.

Jerimaya 22:17

Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Mayịka 2:2

Ḍụọ ịna aḅụụ ḅẹlẹ-ḅẹlẹ, ini arị kọrị ọkịm; warị ịna aḅụụ ḅẹlẹ-ḅẹlẹ, ini arị ọkịm; gberie-sọ kpaịn sime tomḅọ mẹ pịrị-a mḅọ ere-furo-o, mḅọ nyana aị-o.

Zẹkaraya 8:17

Ó ye kẹ jụmọ-jụmọ lama ḅẹ aḅọkọ ḅẹ ḅẹrẹ-ḅiya ma. Ó ye karị tẹrẹmẹ iruo witinẹsị sọ ma. Àrị iruoye ḍuko na, inoma na kụrọ-kụrọ mịẹ na ḍiki-ḅioḅuarị.”

Matiyo 5:28

Kụma mịọkụ yẹrị ọ́ ḅẹẹarị mịnẹ amịna taḅọ-a ẹrẹḅọ na tii ḅẹ tọrụ kịngẹ kẹ á ḍiki ḅọ sọ sẹfị tẹ mḅọ ḅioḅẹngbọ ḅụ.

Romu 12:9

Ọ́ ḅụụ ḅụ gbọrụ aka sọ ofori ḅẹlẹma nyana tomi pịrịị. Ó siye goyegoye sịkị tẹ iḅiye goyegoye fịnamaa.

Galesiya 4:9

Kụma mịọkụ ó ḅo Tamụnọ nimi tẹ ḅẹẹ sakị, anịanịa yee à ḅẹẹ, mịọkụ Tamụnọ ó nimi tẹ ḅẹẹ sakị, ó tiegotẹ pịkịma ịnyọ sọ nyana-a, sịḅị-jịrịma ḅara simearị tẹ ḅẹrẹtọn-arị nwẹn ḅẹẹ atẹmẹ ma dama-muarị? Ó tiegotẹ mu sin omoni-sọ ịn pịrị ḅẹ-ḅiiarị?

Ditẹrọnọmị 13:17

Sime sima pịrị aị ma ḅẹ gberie-sọ ọmịna ḅara sọ ma; mịẹtẹ KỊNỊNYANAḄỌ ḅe ọ̀ ḅalafama ịganị ḅụ pịkị tẹ ọkụrụkụrụ na, ḍiki-ḅụụjịrị na nyana ọ́ pịrị, tẹ ọ̀ wẹrịtẹ ye karị ḅara kẹ minini ọmịna aḍapụ ma pịrị ḅara ori ọ́ mịẹtẹ ọ́ kama ḅẹ ḅara,

Ditẹrọnọmị 15:9

Ọmịnị ọmịna aḅụụ ẹbị anieofori si kuroma ḅofa ọmịna ḅioḅẹngbọ sọ tẹ ó ḅẹẹ: “ye wẹrịso sọnọma akụra karama kụra ma kpeki tẹẹ,” tẹ ọmịna tọrụ ḅịyama ọmịna iyimbere igoinḅọ ḅe ḍa tẹ ḅarị ye kẹ ọ̀ pịrị ḅịa; ọ̀ tẹmẹ-la ḅara kẹ ọ́ mịẹ ye mẹ ḍuko KỊNỊNYANAḄỌ ḅe sụa tẹ anị ọmịna aḅụụ ḅụ siye sọ ḅa.

Hiburu 10:39

Wamịnị anie tọrụ pịkị ọḅụ ḍiki tẹ fa tẹ apụ-a. Anie nakara, wa minini tẹ ḅọrọma tẹ.

Jọsụwa 23:6

Anịẹrẹsị ọmịnị iḅiọkụ jike-a ḅara kẹ kụrọ-sịẹ, Mozizi Oloko ḍiri mẹ ḅio kẹẹ wararị ye mẹmgba koko tẹ anị mịẹ ḅụ, anị ḅụ pịkị ama-ḅara, anịanịa ere-ḅara da-a ḅara,

2 Pita 2:21

Ịn gbala-gbala karakara mịẹ etela mẹ nimi-a, iḅi ini anị nimi tẹrẹmẹ ịn kẹ ịn piri fịafịa oloko mẹ ḅụ pịkị so nẹngịm.

1 Jọnị 2:19

Karakara-ḅara-ḅụ, mịna atomi ma sime wamịna ogbo mẹ pịrị apụ-a, anie mie in gotẹ wa koroma tẹ so yee; in sime wamịna ogbo mẹ pịrị namịna, mimgbe ịn wamịnị na sime tẹẹ. Kụma in som, kẹ mịẹtẹ kịnị nimi mịnẹ ini ma in sime wa pịrị-a.

1 Samụẹlị 15:11

“À Sọlụ kẹ amadaḅọ mịẹ ye à tiye-ì-gbo ḅẹẹm, kẹ gotẹ ọkọ ḅẹẹarị, ì ḍukamẹnjị ḅụ ọ̀ tọrụ-pịkị ọḅụ ḍiki tẹẹ, tẹ ḅarị à tọn aị mịẹ-a.” Anị nwẹnị Samụwẹlị ḅụụ-ḅẹsọọ; tẹ ọ̀ nwẹnị bebe ḍin mẹmgba kẹ owu KỊNỊNYANAḄỌ ḅe pịrị.