Devidi-Anume 101:2 - FỊAFỊA BAỊBỤLỤ

² Ì ye-mịẹ-ḅara ḅụ si paka ḅịa. Tọ sakị ị́ ḅọrọ ḅo ị̀ la ḅẹ? Ị̀ warị ḅio à kpaịn ḍumo kọn ḅa,

Devidi-Anume 101:2 Iomraidhean Croise

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

2 Samụẹlị 8:15

Anieḅụ Devidi ama-da Izirẹlị mẹmgba pịrịm; tẹ Devidi karakara ḅẹrẹtọn na, kịnị na-iḅi ḅẹ ḅara kẹ ḅẹrẹtọn tomi mamgba pịrịm.

1 Amadapụ 11:4

tẹ ḅo ori omongi sakị la sakị ò sime-ereme ma ò ḅioḅẹngbọ da-mu sunsin oru-atamụnọ pịrị ḅụ suu tẹẹ. Ọ̀ ḅarị karakara ḅara kẹ ò ḅioḅẹngbọ mẹmgba kẹ KỊNỊNYANAḄỌ ọ̀ Tamụnọ ḅe minini tẹ sịḅị-tuu ọ̀ pịrị-a, ọ̀ ḍa Devidi wẹrịtẹ mịẹ ḅara.

1 Amadapụ 9:4

Ọ́ nwẹnị ọḅụ furu-a ḍumo na karakara ḍumo na kẹ fịrịmẹnjị ị̀ pịrị ḅarị ḅẹḅẹ, ọmịna ḍaḅọ Devidi wẹrịtẹ mịẹ ḅara, tẹ ì oloko ma na à tọn tẹ kẹ ọ́ pịrị aị ma na kokom ḅẹḅẹ,

2 Paka-aị 15:17

Kụma Izirẹlị ḅụ gele ayeyọ ma ini arị saakị pakama-a. Anịsọ ye kẹ Asa ḅioḅẹngbọ ḅụ ori ọlọ-ọlọ ọkụ ofori ò ḍumo-ene mamgba ḅụ.

2 Paka-aị 30:12

Tamụnọ ḅara mẹ Juda ọgọnọ ḅụ pịkị emi tẹ gbọrụ ḅioḅẹngbọ kẹ in pịrị tẹ ini amadaḅọ ḅe na, amadapụ ma owiapụ-awọmẹ ma na KỊNỊNYANAḄỌ ḅe ẹkwẹn-ḅịḅị mẹ ḅụ tọn in pịrị ye mẹ mịẹ ḅẹ ḅara.

Devidi-Anume 101:6

Ḅụụ ḅụ ḅioḅẹngbọ kẹ gbana na-iḅi ḅara sime Tamụnọ pịrị apụ ma arị ịn kẹ ye sịn ḅa tẹ minini tẹ ini ị̀ ama-da opu warị ḅio anga ḅa. Ḅọkọ, ḅọkọ mamgba kẹ kịnị mingirima ye mịẹ-a apụ ma à ḍụkụ tẹ ịn fịrịmẹnjị ị̀ pịrị ḅa.

Devidi-Anume 119:106

À minini tẹmẹ lama ye mẹ à mịẹ ḅa, àrị ị́ tọn wararị karakara ḅẹrẹkọn mẹ mịẹ ḅa.

Devidi-Anume 119:115

Ọmịnị si-mịẹapụ, ọmịnị ị̀ ḅụ sikimaa, àrị ị̀ Tamụnọ tọn kuroma aị ma poki tẹ mịẹ ḅa.

Devidi-Anume 26:11

Yẹrị kịngẹ kụma, kuraye mie à mịẹarị; ì ḍiki tọrụ-kụrụkụrụ tẹ ị̀ ḅọrọma!

Devidi-Anume 40:17

Yei KỊNỊNYANAḄỌ, à kụrọ-a, yẹrị pịkị igoinḅọ, kụma amụ ị́ ị̀ kẹ ḅioḅọrọma-a. Ị́yẹrị anie ị̀ ḅọrọmarị ḅọ, pịkị ị̀ Tamụnọ; sarasarama ḅo ḅarasụa ị̀ pịrịị!

Paka-so 20:24

Lịka mie ọ́ kẹ agbamịẹ-anga nama ị̀ pịrị ḅarịye, tẹ anị ọgọnọ ḅụ ọmịna anana ma na, ọmịna pootẹ-anambulo ma na kẹ dọkịma-agba ma na, dein-pịrị-agba ma na mịẹ ị̀ pịrị ḅarịye; à mịẹtẹ kịnị ị̀ ẹrẹ kẹ ḅiokoroma ḅẹ anga goyegoye ḅụ à ḅo tẹ ó boma ḅa.

Ayịzaya 38:3

“KỊNỊNYANAḄỌ, kẹ ḅiokoromaa, mịnẹ à ḅioḅẹngbọ-kẹ-sịrẹrẹ-niḅi ḅara na sịḅị-tuu ị́ pịrị ḅara na kẹ fịrịmẹnjị ị́ pịrị tẹẹ, à pịkị sakị mamgba ḅụụkụrọma tẹ í ḅiim à mịẹ ḅẹ ye mịẹm.” Tẹ ọ̀ nwẹnị saakị ḅioḅẹngbọ-si ḅara kẹ owu lama.

Ditẹrọnọmị 6:7

Ọ́ karakara ḅara kẹ arị kẹ ọmịna awọmẹ toluma ḅa, tẹ ọmịnị ọmịna warị ḅio lẹgị-sime sakị na, etela ḅụ ọ́ mẹnjịarị sakị ḅụ na, ọ́ ḅọlọlọ sakị ḅụ na, ọ́ saakị sakị na ḅụ arị gbolomaye kẹ ẹkwẹn ḅa.

Jọsụwa 24:15

Anịsakị ọmịnị ma nwẹnị fịrịmẹnjị KỊNỊNYANAḄỌ ḅe pịrị ḅẹ ḅịa ḅẹḅẹ, mịmgba ọmịnị ọ́ fịrịmẹnjị pịrị ḅẹ ḅọ sẹlẹẹ, ọmịnị ọmịna aḍapụ ma Tọrụ mẹ saḅa ye-yọ ḅụ fịrịmẹnjị pịrị oru-afụḅara ma; anịanịa ọmịnị angarị Amọrayịtị apụ ma ama mẹ ḅẹ oru-afụḅara ma ḅoto; kụma yẹrị na ị̀ warị ḅẹ apụ na, KỊNỊNYANAḄỌ ḅe mie wa fịrịmẹnjị pịrị ḅarịye.”

1 Samụẹlị 22:14

Anịtẹso Ayimẹlẹkị nwẹnị amadaḅọ ḅe pakịrị, “Ị́ afịrịmẹnjịapụ mamgba ogbo-ḅio ḅụ oriḅe tẹ amadaḅọ ḅe fụanḅọ Devidi ḅe minini nyana ḅara kẹ minini nyana, tẹ ị́ ḅụụ-ḍikiḍikiapụ ma ḅẹ ọmụ alaḅọ sọ, tẹ ị́ warị-ḅio kụn nyana ḅọ tụḅọ.?