Devidi-Anume 100:3 - FỊAFỊA BAỊBỤLỤ

³ Gbala-gbala ọ̀ kẹ ḅioḅọrọma ma mịnẹ KỊNỊNYANAḄỌ ḅe ori Tamụnọọ. Ori wa tẹmẹm, tẹ wa sime ọ̀ pịrịm; wamịnị ori atomi, pịkị ori anana-ogbo.

Devidi-Anume 100:3 Iomraidhean Croise

2 Amadapụ 19:19

Ọkọẹrẹsị Yei KỊNỊNYANAḄỌ wamịna Tamụnọ, ọ̀ ḅara ḅio wa ḅọrọma, mịọkụ arị ị́ tẹkẹm, mịẹtẹ tomikiri ḅe asịẹ mamgba nimi ḅarị ḅara mịnẹ, Yei KỊNỊNYANAḄỌ, ị́yẹrị ngẹrị anie Tamụnọ.”

1 Paka-aị 16:14

Ori anie KỊNỊNYANAḄỌ wamịna Tamụnọ ḅee; ori aḅẹrẹkọn ma tomikiri mẹmgba ḅụ emii,

Jobu 10:3

Kịnị ponoma mẹ anị ị́ ḅụụ iḅi, ị́ ḅara ḅẹ kọrịnama ḍiki-sima mẹ tẹ si-sịḅịḅio-sụaḅọ ḅe mịẹ ḅẹ tọn aị ma ḅẹlẹmarị?

Devidi-Anume 119:73

Ị́yẹrị ị̀ tẹmẹm, ị́ pịkị ì koko kpaịnmarị; yefieye naa kẹ ị̀ pịrị, mịẹtẹ àrị ị́ sụa oloko ma ḍawọ ḅẹ ḅara.

Devidi-Anume 12:4

“Wa ḅii-ye ḅii-ye wamịna ẹkwẹn ma ḅụ, wa nyana ḅa. Wamịna ḅụụ-ḅẹlẹ ye, wa ḍuko ḅa, tẹ gbọrụḅọ-sọ inetẹ wa kiki ḅịa.”

Devidi-Anume 149:2

Izirẹlị, ḅioḅẹlẹẹ, ị́ Tẹmẹḅọ ḅe gotẹ Zayọnị ḅẹ apụ, ó ḍerekuu, ọmịna amadaḅọ ḅe gotẹ!

Devidi-Anume 46:10

Ọ̀ ḅẹẹarị, “Ọ́ ḅarị ọmụ gbin ma, tẹ nimi mịnẹ yẹrị Tamụnọ; sịẹ-sịẹ ma ogboku yẹrị tẹịnḅọ, tomikiri mẹ kana-koro ḅụ yẹrị tẹịnḅọ.”

Devidi-Anume 78:52

Anịtẹso ọ̀ tọrọkọ-sụn ori atomi ma pịrị tẹ ịn kẹ pakam, anana-ḍikiḍikiḅọ ọkụ, tẹ nwẹnị ịn datụkụma ịkpa mẹ ḅụ mẹnjị-toluḅọrọ.

Devidi-Anume 79:13

Anịtẹso wamịnị, ị́ atomi ma, ị́ anana ogbo mẹ, ịmịẹtẹ kẹ ị́ ḅẹ mu ḅẹẹ-sakị ḅẹẹ-sakị la tẹ í tokini ḅa tọrọkọ ḅo ḅarị sakị mamgba ḅụ.

Devidi-Anume 95:3

KỊNỊNYANAḄỌ ḅe opu Tamụnọ ẹrẹsị, pịkị opu amadaḅọ, oru mamgba nẹngị ḅọ.

Paka-so 6:7

anịsakị arị ọmịnị ọkị tẹ kẹ ị̀ atomi mịẹ ḅa, tẹ arị ọmịna Tamụnọ sọ ḅa, tẹ ó nimi ḅa mịnẹ yẹrị anie KỊNỊNYANAḄỌ ọmịna Tamụnọ ḅee, oriḅe tẹ Ijiputi-ḅẹ-apụ ma dogi-aị ma suku-ḅio ḅụ ọ́ pakama-ḅo ḅọ ḅe.

Nimi Tolumaḅọ 12:1

Ị́ Tẹmẹḅọ ḅe kẹ ḅiokoromaa, ị́ asambịrịma wararị sakị ḅụ, tẹrẹmẹ si ene ma ḅo, tẹ kụra ma sọma-ḅo kpeki, anị sakị mẹ tẹ ị́ ḅẹẹ ḅa, “Àrị arị ḅụụ tọrụ-ḅẹlẹ nyana-a” ḅẹẹ ḅarị sakị mẹ;

Ayịzaya 63:11

Kụma ọkọ sọ in Mozizi gboloma ḅọrọtẹ ene ma kẹ ḅiokoromam, anie KỊNỊNYANAḄỌ ḅe fịrịmẹnjịḅọ ḅe, tẹ ịn nwẹnị gbela, “KỊNỊNYANAḄỌ ḅe tẹ tọrụ mẹ ḅụ ori atomi ma sịḅịdapụ ma ḅọrọma ḅọ ḅe mịọkụ ọ̀ tọ-anga emi? Ọ̀ tẹmẹẹ kẹ Mozizi pịrị KỊNỊNYANAḄỌ ḅe ọ̀ tọ-anga emi?

Ayịzaya 63:19

Ị́ kẹ wamịnị na mịẹarị ḅara gbala jen sakị amụ ị́ wamịna ḅẹrẹtọnḅọ sọ-a ye ọkụ, gbala jen sakị amụ wa ị́ atomi sọ-a ye ọkụ.

Ayịzaya 64:7

Gbọrụḅọ sọ pịkị ị́ da-a tẹkẹ ḅụ, ḅarasụa gotẹ ị́ dama-ḅoarị gbọrụḅọ-sọ ofori. Ị́ ị́ ḅụụ ḅọị wa pịrị tẹẹ, tẹ wa kẹ gbin koroma-so tẹ wamịna asi gotẹ.

Jerimaya 10:10

Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Izikẹlị 34:11

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị mịnẹ à ḅarana ị̀ anana ma ḍọkị-pakama-ḅo tẹ in ḍikiḍiki ḅa,

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.

2 Kọrịntị 4:6

Tamụnọ ḅe tẹ ḅẹẹm, “Bele kanakana ḅio ḅịya paka ḅa”, ḅẹẹ Tamụnọ ḅe mie mịẹtẹ ò bele wamịna aḅioḅẹngbọ ḅụ ḅịya tẹ ye, mịẹtẹ wa Tamụnọ ebube mẹ tẹ Kịrayịsị tọrụkuḅu ḅịya pakarị ye mẹ ḅẹ nimi mẹ ḅo wa pịrị ḅẹ ḅara.

Ẹfisọsị 2:10

Tamụnọ wa kẹ wa simearị ḅara mẹ wẹrịm, tẹ Kịrayịsị Jizọsị na gbọrụ ḅụ sime ḅụ, ọ̀ wa tẹmẹ tẹ kẹ iḅi amịẹaị ḍumo pịrị tẹẹ, anie ọ̀ tẹlẹma wẹrị wa pịrị tẹ wa mịẹ ḅẹ aị ma.

Ditẹrọnọmị 32:15

Kụma Jẹsurun ḅẹlẹkị sụam, tẹ ḅụọ tẹịnm; ị́yẹrị ḅẹlẹkị sụam, ị́ kpokorom, í ḅo welewelem; anịtẹso ori ọ̀ Tamụnọ ḅe tẹ ọ̀ tẹmẹḅọ ḅe sịkịm, tẹ ọ̀ ḅọrọma mẹ ḅẹ Ịkụ ḅe kombom.

Ditẹrọnọmị 32:6

Ọmịnị oḅori-sọarị tẹ sịḅịḅio nyana-a tomi, mị-ḅara mẹ mie ọ́ kẹ KỊNỊNYANAḄỌ ḅe gbẹẹ ḅara aro? Oriḅe tẹ ọ́ mịẹ tẹ ọ́ sịẹ kụrọ ḅọ ḅe ọmịna ḍaḅọ, tẹ ọ́ tẹmẹḅọ ḅe ori-a?

Ditẹrọnọmị 4:35

Ọmịnị mie ini anị kẹ ḍie ye, mịẹtẹ ó nimi ḅẹ ḅara mịnẹ KỊNỊNYANAḄỌ ḅe anie Tamụnọ; ò sikima jụmọ ofori.

Ditẹrọnọmị 4:39

Anịẹrẹsị mịmgba ó nimi tẹ kẹ ọmịna ḅioḅẹngbọ ḅụ sụa mịnẹ KỊNỊNYANAḄỌ ḅe anie Tamụnọ ọgọnọ-jụ simearị so mẹ ḅio na, suku-ḅio simearị kiri mẹ ḅio na ḅụ; jụmọ ofori.

Ditẹrọnọmị 7:9

Ọkọẹrẹsị ó nimi mịnẹ KỊNỊNYANAḄỌ ọmịna Tamụnọ ḅe anie Tamụnọ, minini nyana Tamụnọ, tẹ ọḅọkụ koko tẹ jike-a ḅẹlẹma nyana kẹ inima tẹ ọ̀ ḅẹlẹma tẹ ori oloko koko apụ ma pịrịarị mu ḅụọ maa ẹndẹ oyia asi finji finji laarị,

1 Pita 2:25

Etela iri-faa tẹ anana anie ọ́ kịka yee, kụma mịọkụ Tamụnọ ọ́ kẹ pịkị ọmịna atẹmẹ Ḍikiḍikiḅọ, pịkị Kokoḅọ ḅe ḍukamẹnjị ḅẹ ḅo tẹẹ.

1 Pita 2:9

Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.

1 Pita 4:19

Ọkọẹrẹsị, Tamụnọ tọn ḅara ẹrẹsị tọrụsiẹrịarị apụ ma, ini ịna iḅi akọrịnama na gbọrsịḅị ịna aḅụụ sịkị ịn Tẹmẹḅọ ḅe pịrịị, anie sakị mamgba ò minini ye mịẹarị ḅọ.

1 Jọnị 5:20

Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.