Devidi-Anume 10:1 - FỊAFỊA BAỊBỤLỤ

¹ Yei KỊNỊNYANAḄỌ, tiye paka tẹ í ḅele-fa wararị? Tiye paka tẹ ị́ ị́ ḅụụ kikimarị ḅụụ-fụka wa la sakị?

Devidi-Anume 10:1 Iomraidhean Croise

Jobu 13:24

Í tiegotẹ ị́ tọrụ ḅọị, tẹ ị̀ kẹ ị́nịna fịya-a ḅọ kịẹn?

Jobu 23:9

ere-ḅara anga ḅụ arị ọ̀ ḍọkịm, kụma arị ori ẹrị-a; à nwẹnị pịkị ama-ḅara da sọ arị inetẹ ori ẹrị-a.

Jobu 34:29

Tụḅọ inetẹ ò gbọsime wararị sakị ḅụ ye kẹ ori ọlọ ḅẹ? Tụḅọ inetẹ ori ọ̀ tọrụ ḅọị wararị sakị ḅụ mu ò ḍiki ḅẹ, anị ḅọrọ gbọrụ opu sịẹ-o, anịanịa gbọrụ tomḅọ-o?

Devidi-Anume 22:1

Ị̀ Tamụnọ, Ị̀ Tamụnọ, tiye ẹrẹsị ị́ ị̀ kẹ gbin kuroma tẹ so? À ḅarasụa gotẹ owu sịnịsịnịm, anịsọ ḅarasụa ḅo-a.

Devidi-Anume 27:9

Ị́ ḅụụ ḅọị ị̀ pịrị ma! Ịganị nyana ị̀ pịrị ma; ị́ fịrịmẹnjịḅọ ḅe dee ma. Anie anịngẹ-kụraḅio ị́ ḅarasụa pịrịarị ḅọ ḅe; ị̀ wẹrịso ma, ị̀ kẹ gbin-koroma so ma, Yei Tamụnọ, ị̀ ḅọrọma ḅọ.

Devidi-Anume 30:7

KỊNỊNYANAḄỌ, í iḅi kẹ ị̀ mịẹm; ị́ ị̀ gbaịnm, tụndụ ọgọnọ-jụ ḅụ owu la ḅịa anga koko ḅọ ọkụ. Kụma anịsọ ị́ ḅụụ kikima ị̀ pịrịm, tẹ à ḅalafaam.

Devidi-Anume 44:24

Tiye ẹrẹsị ị́ ị́ ḅụụ ḅọị wa pịrịarị? Wamịna tọrụsiẹrị mẹ na ḅụụ-fụka na kẹ ḅioḅọrọma ma!

Devidi-Anume 44:25

Wa ḅịkị kiri koro tẹ kọsị tẹẹ; ịn wa nẹngịma tẹ wa fọọn ḅio gbin koro sime wararị.

Devidi-Anume 46:1

Tamụnọ wa kikimarị, pịkị ịnyọ kẹ wa pịrịarị. Sakị mamgba ori emi tẹ ḅarasụa wa pịrịarị ḅụụ-fụka asakị ḅụ.

Devidi-Anume 88:14

KỊNỊNYANAḄỌ, tiye ẹrẹsị ị́ ị̀ sịkịarị? Tiye ẹrẹsị ị́ ọḅụ pịkị ì gbin-arị?

Jerimaya 14:8

Ị́yẹrị ngẹrị mie Izirẹlị nyana ḅiokpọ; anie opu ḅụụ-fụka ḅụ wa ḅọrọmarị ḅọ, Tiye ẹrẹsị ị́ wamịna amakiri mẹ ḅụ kịnị tọrụ-nimi-a ḅọ kịkarị, gbala ḅọrọ ye muarị tẹ agba tẹ ḍin mẹ kịngẹ kẹ sime ḅọ ọkụ.

Jerimaya 14:9

Tiye ẹrẹsị í ye bẹkẹ-ḅara-kẹ paka pịrị tomḅọ kịkarị, gbala ọmụḅọ tẹ ḅarị kẹ ḅarasụa ḅẹ kụrọ nyana-a ḅọ ọkụ? Piki-pikiye-ofori ḅara ḅụ, KỊNỊNYANAḄỌ, ị́ wamịnị na emi! Wamịnị ị́ atomii; wa kẹ gbin-koroma so ma.