Devidi-Anume 1:4 - FỊAFỊA BAỊBỤLỤ

⁴ Kụma si-mịẹapụ ma gbala-gbala ye anị ḅara kẹ ini na sime-a; ịn kịkarị ye fẹrụ kẹ fiin soarị asịra.

Devidi-Anume 1:4 Iomraidhean Croise

Jobu 21:18

Tẹ mịẹ tẹ ịn fẹrụ mẹ tọrọkọ samụnọtẹ asịra sime-ḅara na samụnọtẹ ịnyịnya tẹ erise dogi-so so ye sime-ḅara sime ḅẹ?

Jobu 8:13

Anị ḅara anie inima tẹ Tamụnọ kẹ ḅioḅọrọma apụ mamgba kala etela sime-ḅara; Tamụnọ nimi-a ḅọ ḅiokpọ mẹ fịị fa ḅa.

Devidi-Anume 35:5

Yee ịn fẹrụ kẹ fiin soarị samụnọtẹ asịra kịka: anie KỊNỊNYANAḄỌ ḅe enjẹlị in ḍukarị sakị!

Devidi-Anume 37:36

Kụma sakị ḅọrọ tẹ àrị anịanga ḅọrọ sakị ọ̀ ḅarị ofori; àrị ori ẹrị ḅẹ ḍọkịm, kụma àrị inetẹ ọ̀ ḍọkị ẹrị-a.

Ayịzaya 17:13

Sịẹ, sịẹ ma ḅoarị ye mẹ ọnụngọ mbelembelema ḅoarị ye kịkarị, kụma Tamụnọ ịganị ịn pịrị tẹ ini ọḅụ daarị, gbala fẹrụ tụndụ akaka fọọn dogi fiin ḅara, anị nume-naowu fẹrụ asịra kẹ fiin ḅara kịkarị.

Ayịzaya 29:5

Jeruselemu!, kịnị tọrụ nimi-a apụ tẹ owu kẹ ị́ pakarị apụ mamgba ini ịna ofuro siin ḅa, fẹrụ fọọn ofuro siin ḅara pembe ḅara, tẹ ịna ọmụ-ogbo-ogbo ma tẹ tẹmẹ-naịn-naịnmarị aị ma fẹrụ asịra dogi so ḅara kẹ fiin-so ḅa. Anị-gbọrụ-kirikiri, gbọrụḅọ-sọ kuroma-a ḅara ḅụ,

Jerimaya 13:24

KỊNỊNYANAḄỌ ḅe kẹ ị́ gala-galama ḅarị ḅara ịkpa ḅio fẹrụ samụnọtẹ asịra gala-galama ḅara kịka ḅa.

Hosiya 13:3

Tẹ mie ḅụ arị atomi ma dede oḅuto kẹ ḅo kiri la wararị ye kịka tẹ kaan-so ḅa, igirigi tẹ dede-funfun ḅụ ịmaịn-faarị ye ọkụ. Ịn pẹlẹ sara tẹ fẹrụ kẹ fiin soarị asịra kịka ḅa, onwin sọma ye ḅụ paka-ḅoḅo tẹ wasamarị onwin ọkụ.

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”