Devidi-Anume 1:2 - FỊAFỊA BAỊBỤLỤ

² Anie nakara, KỊNỊNYANAḄỌ ḅe Oloko mẹ poki tẹ mịẹ nwẹnị ịna ḅioḅẹlẹma ye sọ, tẹ eneḅaka na ḍin na ini anị ḍawọarị.

Devidi-Anume 1:2 Iomraidhean Croise

Suku-saakị 24:63

Gbọrụ ḅoḅiri-so ḅụ, Ayịzịkị ye kẹ ḅiokoroma ḅẹ tẹ piri etela ḅụ ḅụọ-sụn-arị ogbo, ọ̀ tọrụ saakị tẹ ḍiki kụma, tomi ike-sụa-anama ọgọnọ ḅoarị.

Ẹzịra 7:10

Gbala ori ò ḅioḅẹngbọ kẹ KỊNỊNYANAḄỌ oloko mẹ ḍawọ pịrịm, tẹ anị mịẹ ḅẹ ḅiim, tẹ Izirẹlị ḅụ ori oloko ma tẹ kẹẹ wararị aị ma na, kụrọ-ḅara ḅio sime apụ oloko ma na toluma ḅẹ ḅiim ẹrẹsị.

Jobu 23:12

Ori aḅịḅị-ḅọkọ ḅẹ oloko mẹ ḅụ à ḅụụ sikima-a; arị ọ̀ ḅịḅị ḅẹ ẹkwẹn-aḅịḅị ma kẹ ngọ sọma koko tẹ ì ekpe ḅio ḅụ.

Devidi-Anume 104:34

Yee ì nume ọ̀ ḅụụ ḅẹlẹ ye sọ, ì ḅioḅẹlẹ ọ̀ ḅara ḅụ ḅoarị ẹrẹsị.

Devidi-Anume 112:1

Ọ́ KỊNỊNYANAḄỌ ḅe tokinii! Ḅioḅẹlẹ sime KỊNỊNYANAḄỌ ḅe kụn-arị ḅọ mẹ pịrịm, anie ọ̀ tọn aị poki tẹ mịẹ mẹ ḅụụ-ḅẹlẹ arị ḅọ mẹ.

Devidi-Anume 119:1

Ḅioḅẹlẹ sime ḅụụ ḅụ ḅẹẹ-ḅẹẹye ofori ḍumo kọn-arị apụ ma pịrịm, KỊNỊNYANAḄỌ ḅe oloko mẹ ḍiki angarị apụ ma.

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Devidi-Anume 119:35

Ị́ tọn kuroma aị ma poki tẹ mịẹ ḅụ ị̀ kẹ wẹrị, arị ḅụ à ḅioḅẹlẹ nyanarị ẹrẹsị.

Devidi-Anume 119:72

Ị́ sụa oloko mẹ ị̀ ḅụụ ḅẹrẹ tomikiri simearị igbigi mamgba nẹngịm.

Devidi-Anume 119:92

Í oloko mẹ ḍereku kẹ ḅo ị̀ pịrịarị ye sọ-a namịna, ị̀ atọrụsiẹrị ma ḅụ à fịị ḅọrọ tẹẹ.

Devidi-Anume 40:8

Ị̀ Tamụnọ, àrị ị́ ḅụụ-ḅẹlẹ ye mịẹ mẹ ḅẹlẹmarị! Í tolumaye mẹ à kẹ ì ḅioḅẹngbọ koko wararị.”

Devidi-Anume 88:1

KỊNỊNYANA-TAMỤNỌ, ị̀ ḅọrọmaḅọ, bebe ene mamgba à kẹ owu pakamarị, à pịkị ḍin ḅụ ị́ tọrọkọ ḅoarị.

Jerimaya 15:16

Ị́ ẹkwẹn ị̀ pịrịm, tẹ arị ẹkwẹn-ḅịḅị goyegoye pokim. À sime ị́ pịrịm, Kụrọmamgba nyana KỊNỊNYANA-TAMỤNỌ, tẹ anie ḅụ ị́ ẹkwẹn ḍereku na ḅioḅẹlẹ na kẹ ì ḅioḅẹngbọ ḅinmam.

Luku 18:7

Mịọkụ, ọ́ sịn-arị Tamụnọ iḅi ḅẹrẹkọn ori atomi pịrị ḅịa, ḍin na eneḅaka na kẹ owu ọ̀ pịrị tẹ ọ̀ ḅara ḅụ ḅarasụa ḅiiarị apụ ma? Ọ̀ sakị fama ḅẹ, ḅarasụa ịn pịrị ḅụ?

Luku 2:37

Tẹ mịọkụ kụra inia si ini akụra finji á sịḅị ḅọrọ tẹ diḅọ-fịtẹ-ẹrẹḅọ ḅara ḅụ. Tamụnọ-warị ḅụ á so so-a, ḍin-o, eneḅaka-o, tẹ ḅuru-ịmọ-ịmọ tẹ tẹkẹm.

Romu 7:22

Ị̀ tẹmẹ suku-ḅio à Tamụnọ oloko mẹ ḍiki ḅioḅẹlẹarị,

1 Tẹsalonịka 2:9

Wamịna amịnapụ, piki-pikiye-ofori ḅara ḅụ, wa kẹ nụnụ tẹ kọrịnama kọrị ḅara mẹ ọmịna ḅioḅọrọ-a. Eneḅaka na ḍin na wa nwẹn kẹ kọrịnama kọrịm, mịẹtẹ wa Tamụnọ ḅara ḅo Iḅi Oku mẹ ḍuko ọ́ pịrịarị sakị mẹ ḅụ wa ọmịna ḅụụ-fụkama ḅịa ḅara.

1 Timoti 4:15

Mịna aị ma mịẹ ma ḅọrọ, tẹ ị́ ḅụụ saakị arị pịrịị, mịẹtẹ kịnị mamgba mịna aị ma ḅụ í loloarị mẹ ẹrị.

2 Timoti 1:3

Arị ịmịẹtẹ kẹ à fịafịa tẹmẹ ḅioḅẹngbọ kẹ fịrịmẹnjị pịrịarị Tamụnọ ḅe ḅẹẹm, ì atẹngịapụ ma mịẹ ḅara. Ḍin na eneḅaka na ḅụ àrị ị́ kẹ ḅiokoroma tẹ tẹkẹ ị́ pịrịarị sakị mamgba tẹ ịmịẹtẹ kẹ ọ̀ ḅẹẹarị.

Jọsụwa 1:8

Mị Oloko Ḍiri mẹ ị́ ḅịḅị ḅụ so ma, kụma ḍin na eneḅaka na ḅụ anị kẹ ḅiokoroma, mịẹtẹ ị́ ḅụụ ẹbị tẹ anị ḅio anị wẹrịtẹ kẹẹ wararị ḅara mamgba mịẹ ḅẹ ḅara; kẹ gotẹ ọkọ ḅẹẹarị, anịrẹ mie í etela ị́nịna lolo ḅarịye, tẹ ị́ nwẹnị iḅiọkụ iḅi ḅara mịẹ ḅa.

1 Jọnị 5:3

Kẹ gotẹ ọkọ ḍukoarị, wa Tamụnọ ḅẹlẹmarị mẹ fiearị ye anie, ọ̀ ḅịḅị poki tẹ ori oloko koko. Anịsakị ori oloko ma pịkị kụrọ ḅaka-a wamịna ḅụụ,