Devidi-Anume 1:1 - FỊAFỊA BAỊBỤLỤ

¹ Si-atomi kẹ in tolumarị ye ọkị-a apụ ma ḅioḅẹlẹ sime ịn pịrịm, anie si-apụ mịẹarị ḅara ḍikima mịẹ-a, anịanịa Tamụnọ kẹ ye-sịn-a apụ ogbo sọ-a apụ ma.

Devidi-Anume 1:1 Iomraidhean Croise

Suku-saakị 49:6

Ịn ḅọị anga kọn-arị ẹkwẹn ma ḅụ à ḅịḅị suu ḅịa, Ịna kobiri sọ à mu ḅịa, Ịna ịganị ḅụ ịn kịnị ḅaam ẹrẹsị, Tẹ ịna tii tọrụ-ḅẹlẹ ḅụ nambulo aḅụọ pẹlẹ-siinm.

Suku-saakị 5:24

Ẹnọkụ Tamụnọ na gbọrụ ḅụ mẹnjị tẹ ọ̀ ḅịḅị pokim, anie ḅụ tomi ḅarị ori ẹrị-a, gbala Tamụnọ ori ọkịm ẹrẹsị.

1 Amadapụ 16:31

Gbala Nebatị owiḅọtụḅọ Jerobohamụ asi ma ḅụ sịẹ mẹnjị mẹ ọ̀ ḅụụ feke-feke ye sọ lamam. Ọ̀ nwẹnị pịkị mu Etibalị, Sidọnị ḅẹ amadaḅọ ḅe ẹrẹḅọtụḅọ Jezibẹlị na sime, tẹ mu fịrịmẹnjị Balị pịrị tẹ sunsin ọ̀ pịrị.

2 Paka-aị 22:3

Ori sọ Ehabụ warị mẹ mẹnjị etela mẹnjịm, ò iyingi anie ọ̀ mịẹ na-iḅi ye kẹ ò tolumarị ḅọ, si-sịḅịḅio-sụa ḅara kẹ ye mịẹ ḅụ ẹrẹsị.

Jobu 10:3

Kịnị ponoma mẹ anị ị́ ḅụụ iḅi, ị́ ḅara ḅẹ kọrịnama ḍiki-sima mẹ tẹ si-sịḅịḅio-sụaḅọ ḅe mịẹ ḅẹ tọn aị ma ḅẹlẹmarị?

Jobu 21:16

Ḍikii, ịn kọn lọkọlọkọ mẹ ịna ḅara-ḅio ofori? Si-sịḅịḅio-sụa ḅọ ḅe nimi mẹ ị̀ ḅụụ sikima bele wararị.” Jobu piki ḅẹẹm:

Jobu 31:5

À nwẹnị ofori-ofori etela mẹnjịm, tẹ ị̀ ḅụọ oḅori-kẹ-kịnịsịn mẹnjị ḅụ sarasara tẹ ḅẹḅẹ —

Devidi-Anume 1:6

KỊNỊNYANAḄỌ ḅe karakaraye-mịẹapụ ma datụkụma tẹ ịn gbaịn-arị; kụma si-mịẹapụ ma mẹnjịarị etela mẹ ịn kẹ mu ịna fa ḅio suu ḅa.

Devidi-Anume 106:3

Ọ̀ tọn kuroma aị ma poki tẹ mịẹarị apụ ma ḅioḅẹlẹ sime ịn pịrịm, anie sakị mamgba kuraye mịẹarị apụ ma.

Devidi-Anume 112:1

Ọ́ KỊNỊNYANAḄỌ ḅe tokinii! Ḅioḅẹlẹ sime KỊNỊNYANAḄỌ ḅe kụn-arị ḅọ mẹ pịrịm, anie ọ̀ tọn aị poki tẹ mịẹ mẹ ḅụụ-ḅẹlẹ arị ḅọ mẹ.

Devidi-Anume 119:115

Ọmịnị si-mịẹapụ, ọmịnị ị̀ ḅụ sikimaa, àrị ị̀ Tamụnọ tọn kuroma aị ma poki tẹ mịẹ ḅa.

Devidi-Anume 144:15

Ḅioḅẹlẹ sime miemẹ karakaraye sọ wararị sịẹ pịrịm; ḅioḅẹlẹ sime KỊNỊNYANAḄỌ ḅe Tamụnọ sọ pịrị wararị apụ pịrịm!

Devidi-Anume 146:5

Ḅioḅẹlẹ sime anị tomḅọ ḅe pịrịm, Jekọbụ Tamụnọ ḅarasụa pịrịarị ḅọ ḅe, tẹ KỊNỊNYANAḄỌ, ọ̀ Tamụnọ ḅe ḅụ sịrẹrẹ wararị ḅọ ḅe,

Devidi-Anume 146:9

Ọ̀ wamịna amakiri ḅụ angarị ja sịẹ ḅẹ apụ ma gbaịn-arị; ọ̀ ḅarasụa diapụ-fịtẹ-ereme na ḍapụ na iyingiapụ na ofori awọmẹ na pịrịarị, kụma si-sịḅịḅio-sụapụ ma tọn-arị aị ma ò sima famarị.

Devidi-Anume 2:12

Ọmịnị oju sẹkịma mu ọ̀ tọrọkọ iḅoo; ọkọ-a kụma ori ịganị ala-a saakị ḅa, tẹ ó ḅiotọn-a sakị kẹ fịị ḅa. Ḅioḅẹlẹ sime ọ̀ ḍọkụma-ḅo tẹ ọ̀ gbaịn-arị apụ ma pịrịm.

Devidi-Anume 26:12

Ye kẹ ị̀ lama ḅẹ gberie-sọ ḅarị ofori; KỊNỊNYANAḄỌ ḅe atomi ma kobiri wararị anga mẹ ḅụ àrị ò tokini ḅa.

Devidi-Anume 34:8

Ḅarana KỊNỊNYANAḄỌ ḅe iḅi la ḅara ḍọkị-nimi; ye ḅofa ịn la gotẹ ḅụụ kẹ ọ̀ ḅarasụa apụ ma ḅioḅẹlẹ sime ịn pịrịm.

Devidi-Anume 36:4

Ori iḅila ọgọnọ ḅọlọlọ wararị sakị ọ̀ mịẹ ḅẹ siye mie ò kuromarị; ori mịẹarị ye tẹ iḅi gberie-sọ ofori, tẹ gbala-gbala siye nwẹn-sịn ye tẹ ọ̀ sịkịarị ye ofori.

Devidi-Anume 64:2

Si-sịḅịḅio-sụa apụ ma ḅịyarị aḅẹrẹ ma ḅụ ị̀ gbaịn, si-mịẹapụ ogbo-ogbo ma ḅụ sọ.

Devidi-Anume 81:12

Ọkọẹrẹsị àrị ịn wẹrịso tẹ ini ịna kọngọ kụrọma etela ma mẹnjị tẹ in ḅii-ye ḅii-ye mịẹm.

Devidi-Anume 84:12

Kụrọmamgba nyana Tamụnọ, ị́ kẹ ḅiokpọma apụ ma ḅioḅẹlẹ la ḅara ḍiki!

Egberima-Ẹkwẹn 1:15

Ị̀ tụḅọ, ọkọ sime apụ na mẹnjị ma. Ịna ḅụ ị́ ḅụụ wẹrị ḅelemaa.

Egberima-Ẹkwẹn 1:22

Oḅori-sọarị atomi! Tọ sakị na gbasị ye ọ́ nwẹn kẹ oḅori-sọ ḅẹ? Tọ sakị na gbasị ye ọ́ nwẹn kẹ ḍawọye ḍiki-iderima ḅụ ḍereku ḅẹ? Gbala-gbala ó minini tẹ ye ḍawọ ḅịa?

Egberima-Ẹkwẹn 13:15

Sịḅịḅio nyana ḅọ mẹ tomi kụn kẹ mḅọ pịrịarị, kụma kịnị ḅioḅẹngbọ kẹ ḅụụ ḅụ gbana ḅịa apụ ma fa ḅio sọ-sọ etela mie ịn mẹnjịarị.

Egberima-Ẹkwẹn 13:20

Ye-nimiapụ na mẹnjị gbolomaa, anịsakị í ḅo ye-nimiḅọ sọ ḅa. Ị́ apantu amẹẹ ma na ikia-sọ kụma í gulugulu-faa ḅa.

Egberima-Ẹkwẹn 19:29

Ḅụụ-gelemarị oḅori-ḅọ ḅe mịẹ tẹ ò fomuye da-da-a ye ofori.

Egberima-Ẹkwẹn 2:12

tẹ í kiki tẹ ị́ ḅarị kura-aye mịẹ ḅịa. Arị ị́ wẹrị ḅelema ḅa, ẹkwẹn ye ḅụ ḅẹrẹ dogi-ḅoarị apụ ḅụ;

Egberima-Ẹkwẹn 3:34

Ọ̀ ḅụụ-gelemarị atomi na mịẹ nyana-a, kụma ori iḅi kẹ ḅụụ-lẹgịmarị apụ ma mịẹarị.

Egberima-Ẹkwẹn 4:19

Anị sime-ḅara sime-ḅara sọ, Si-sịḅịḅio-sụa apụ ma etela mẹ ḍin kanakana ḅara kanakana wararị. Ịn ḅịkịarị, kụma ini inetẹ ịna aḅụọ bịan tẹ ịn pụmbụ ye sọ ẹrị-a.

Egberima-Ẹkwẹn 9:12

Í ye-nimi-nimi, ị́yẹrị mie anị ḅẹ sọye fị ḅarịye; tẹ ị́ anị sịkị-sịkị, ị́yẹrị mie anị ḅẹ tọrụsiẹrị kọn ḅarịye.

Jerimaya 15:17

À ja apụ na sime tẹ ì sakị fama-a, ḍẹrị na tọrụ-ḅẹlẹ na ḅụ. Ị́ tọn aị poki tẹ mịẹ ḅụ arị ngẹrị koro-simem, tẹ ịganị nwẹnị ị̀ ḅụụ ḅio ḅin.

Jerimaya 17:7

Kụma àrị in boma ḅa, anie ịna aḅioḅẹngbọ kẹ ị̀ ḅụụ ḅụ gbanarị apụ ma.

Izikẹlị 20:18

Anie nakara, àrị ịna ogboku ḅụ asambịrịma apụ ma ḅeri nụnụm. Ọmịnị ịna ama-anganga-aḅara ma ḍukamẹnjị ma anịanịa ịna oru-afụḅara ma kẹ ọmịna aḅụụ pilema ma.

Matiyo 16:17

Jizọsị nwẹnị pakịrị, “Sayịmọnị, Jona tụḅọ, tomḅọọ! Kẹ gotẹ ọkọ ḅẹẹarị, mị karakara mẹ gbọrụḅọ-sọ anị kẹ í toluma-a, kụma ị̀ Ḍa So-ḅio simearị ḅọ ḅe ḅara ḅụ mie anị da-da ḅo ị́ ḅara la ye.

Luku 11:28

Kụma Jizọsị nwẹnị pakịrị, “Ọkọ fama-a, Tamụnọ ẹkwẹn mẹ naa tẹ anị ḍuko ḅara mịẹ apụ ma rẹ anie boma tẹ apụụ!”

Luku 23:51

Ịn pẹlẹ Jizọsị pịrị si ḅẹrẹ mẹ na ịn kẹ ọ̀ mịẹ aị ma na ḅụ ọ̀ ḅịḅị sọ-a; tẹ Judiya sịẹ mẹ ḅụ ịn kẹ Arịmatiya sịn ama mẹ ḅụ ọ̀ pakam, tẹ ọ̀ pịkị Tamụnọ Ama-da mẹ koru simem.

Jọnị 13:17

Mịọkụ ọ́ mị karakara mẹ nimi tẹ ḅara, ọ́ tọ-ḅara na gbasị ḅara kẹ ḅioḅẹlẹ ḅẹ ọmịnị anị kẹ ọmịna mịẹ-mịẹye sọma kụma!

Jọnị 20:29

Jizọsị nwẹnị ọ̀ ḅẹẹ, “Ị́ ẹrịarị ẹrẹsị í minini tẹ. Ẹrị-a tẹ ì mininiarị apụ ma anie bomatẹ apụụ!”

Romu 5:2

Minini ḅụ ọ̀ mịẹtẹ wa Tamụnọ ḍiki-ḅụụjịrị mẹ nyana tẹ anị ḅụ ḍumoarị. Tamụnọ ebube mẹ ḅụ wamịnị sọ ḍiekiri nyana tẹ ye mẹ ḅụ ḅẹ ḅiokpọ mẹ wa anị kẹ ḅụụ-tọn-arị.

Ẹfisọsị 6:13

Ọkọẹrẹsị, mịọkụ ọ́ Tamụnọ ọmụ-aị ma ọkị ḅiri. Anịtẹso, si ene mẹ la sakị, ọmịnị inetẹ kịnị na fịya-a ḅọ ḅe kẹ ọ́ pakarị owu mẹ ḅụ daasịẹ tẹ ori na sọ mu kunoma, tẹ paa ọ́ sịẹ kiri ḅụ jike-a ḅara sime ḅa.

Ditẹrọnọmị 14:6

Nama goyegoye tẹ ḅụọ ḅẹ okuro mẹ ḍiema wararị, tẹ okuro mẹ maa apakịrị ḅụ emi, tẹ nama ma ogbo ḅio ḅụ amgba-na-iku-na ḅio fịye fị kọnma wẹrị tẹ pakama-pakama-ḅo tokuruarị anama ma, ọmịnị inetẹ pẹị ḅa.

Ditẹrọnọmị 33:29

Yei Izirẹlị, ḅioḅẹlẹ sime ọ́ pịrịm! Tọ apụ ọmịnị na kịka, KỊNỊNYANAḄỌ ḅe ḍụa-ḅọrọma gbọrụ atomi, ọmịna ḅarasụa ekpeke ḅe! Ọmịnị na fịya-a apụ ḅo, ḅo ọmịna tọrụ iḅi ọkị aị mịẹ ḅa; tẹ ọmịnị ịna gele ayeyọ ma ọgọnọ mẹnjị ḅa.

1 Pita 4:3

Ḅọrọtẹ sakị ọ́ kẹ oru nimi apụ ma ḅụụ-ḅẹlẹ tẹ mịẹ-mịẹ aị mịẹtẹ sakị mẹ ḅọrọ tẹ. Ḅụụ gbẹẹ-a amịẹaị na, ye go lẹlẹ na, iru ḅuu tọrụ-ḅaama na, gbiri-gbiri-gbiri alalị fị na, iru ḅuu ogbo-ogbo na, sịḅị-jịrịma oru tẹkẹ ḅara na, mie ọmịnị ọmịna aḍumo mamgba kẹ mịẹ-mịẹ ye.

Mịẹfinji 22:14

Amịna akapa sịkịrị fịafịama tẹ ẹrẹsị ḍumo sịn mgbọlụ mẹ fị kụrọ nyana tẹ, pịkị onu aḅọkọ ma ḅụ ḅọrọ opu ama mẹ ḅio sọ-mu ḅẹ apụ ma, ḅioḅẹlẹ sime ịn pịrịm.