Danẹlị 8:3 - FỊAFỊA BAỊBỤLỤ

³ tẹ anịanga tọrụ mẹ kpeki ḅụ à gbọrụ ejimina ẹrịm, maa ịfalị sụa ye, gberie nangwọ pịkị ịwọ osi ye nẹngịm.

Danẹlị 8:3 Iomraidhean Croise

1 Paka-aị 21:16

Devidi ọ̀ tọrụ saakị tẹ ori atọrụngbọ kẹ KỊNỊNYANAḄỌ ḅe enjẹlị ḅe ẹrịm so na kiri na ogboku sịẹsime wararị, tẹ ọ̀ ḅara-ḅio ḅụ okologie nụnụ tẹ anị sụn-pakama Jeruselemu da wararị. Anịtẹso Devidi na omongiapụ ma na akpa kẹ kapa gbin sụa wararị tẹ nwẹnị ịna atọrụ-kuḅu kẹ ḅịkị koro.

Ẹzịra 1:2

“Mị-ḅara mie Sayịrọsị Pasịya ḅẹ amadaḅọ ḅe ḍuko yee, KỊNỊNYANAḄỌ ḅe, So-ḅio ḅẹ Tamụnọ ḅe tomi kiri mẹ ḅẹ ama-da kụrọ mamgba kẹ ị̀ pịrị tẹ, tẹ tọn ị̀ pịrị tẹ à Jeruselemu, Juda ḅụ simearị ama mẹ ḅio gbọrụ warị nama ọ̀ pịrị.

Ẹzịra 4:5

In kịnị ọkọm, tẹ mịẹtẹ ini in mịẹ ḅẹ tọn ye ḅụ daasịẹm Sayịrọsị, Pasịya ḅẹ Amadaḅọ ḅe ene mamgba ḅụ, nwenii ḅo Darịyọsị, Pasịya ḅẹ Amadaḅọ ḅe ama-da sọ lam.

Ẹsịta 1:3

ọ̀ nwẹnị ori ama-da tẹ tẹra kụra karama kụra ḅụ fịaị sọ sara ori amadapụ awọmẹ na fịrịmẹnjịapụ mamgba na, Pasịya na Midiya na ḅẹ ọmụ-ogbo ma sịḅịdapụ ma na, opu atomi ma na, ori na simearị itu-itu ma ḅẹ ḅẹrẹtọn-apụ ma na pịrị,

Ayịzaya 13:17

KỊNỊNYANAḄỌ ḅe ḅẹẹarị, “À Midi apụ jikema tẹ ini owu kẹ Babịlọnị paka ḅa. Ini ma in seleḅa kẹ gberie-sọ sịn-a, golu sọ ịna pọkọ sọlịma-a.

Ayịzaya 21:2

À kụrọ-kụrọ mịẹ-aị mịẹ ḅẹ ịkịan ẹrị tẹ, jụmọ-jụmọ kẹ dẹrịma na ḅaa-guluguluma na. Ẹlamụ ọmụ-ogbo ọmụ saakị tẹ! Midiya ọmụ-ogbo ama ma gbori tẹ ḅụụ kikima tẹ ẹbịarị! Tamụnọ ḅe Babịlọnị dogi-ḅo tẹ tọrụsiẹrị mẹ kunoma ḅẹ tẹ.

Ayịzaya 44:28

À Sayịrọsị ḅẹẹarị, ‘Ị́yẹrị anie ḅẹrẹtọn tomi pịrị ị̀ pịrị ḅarị ḅọ; à ḅii ye mie ị́ mịẹ ḅarịye; ị́ tọn tẹ in siin Jeruselemu nama ḅa pịkị Tamụnọ-warị mẹ ḅẹ suku mẹ saakị ḅa.’ ”

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Danẹlị 10:5

À tọrụ saakị ḍiki tẹ ferefere pịna-pịna kapa sụa tẹ iḅi golu kẹ ḅiri pono ḅọ ẹrịm.

Danẹlị 2:39

Ị́yẹrị ḅọrọ tẹso, jen bebe tomikiri mẹ da ḅẹ ḅọ, í opu sọ la ḅara la ḅịa ḅọ, tẹ anie ḅọrọ tẹso, tẹrẹị karamaye, ojo tomikiri da kụrọ, anie nwẹnị ḅẹrẹtọn bebe tomikiri mẹ pịrị ḅa.

Danẹlị 5:31

tẹ Darịyọsị Midi ḅẹ ḅọ ḅe, anie sịḅị ḅụ kụra atesi maaịn finji ḅọrọ tẹ ḅọ ḅe, ama-da kụrọ mẹ pụkọ-ọkịm.

Danẹlị 6:28

Danẹlị lolom Darịyọsị ama-da sakị na Sayịrọsị Pasịya ḅọ ḅe sakị na ḅụ.

Danẹlị 7:5

Maaịn karama nama ḅe tuu kịkam, ori ori ọḅụjụ ḅẹ maa ḅụọ ma kẹ sịẹ wararị ḅara. Ori aka maa ise ma ogbo ọ̀ tẹra agaga ḅẹ mgbe kpapụ sịẹmam, tẹ gbọrụ pọkọ ọ̀ ḅẹẹm, “Mu ma-muu, í ine-ḅara ine-ḅara kẹ nama pẹị!”

Danẹlị 8:2

Àrị ẹrị ịkịan mẹ ḅụ ḍiki ḅarị sakị, à mu Susa Onu gbọrụ ikelema ama mẹ ḅio paka tẹẹ, Ẹlamụ ibe mẹ ḅụ. À Yulayị Tọrụ akaka mẹ ḅụ sịẹsimem,

Danẹlị 8:20

“Ị́ ẹrị ejimina ḅe tẹ maa ịfalị nyana ye ḅe sịẹ Midiya na Pasịya na ama-da ma pịrị wararị.

Zẹkaraya 1:18

Jen ịkịan ḅụ à nambulo inia ịfalị ẹrịm.

Zẹkaraya 2:1

Jen ịkịan ḅụ à kiri-tọn-ḍiki ḅara ḅio sime gbọrụ tomḅọ ẹrịm.

Zẹkaraya 5:1

À siin ḍikim, tẹ mị sakị à fẹrụ ḅio fiin ḅọrọarị in-ikoarị-abịlala ẹrịm.

Zẹkaraya 5:5

Enjẹlị ḅe siin tolu-sịẹ tẹ ḅẹẹm, “Ḍikii! Jen kịrị ye ḅoarị!”

Zẹkaraya 5:9

À ḍiki tẹ maa ereme ẹrịm ini opu kụrọ nyana apamba, ekule aị pembe aị, kẹ fiin ị̀ dama-ḅoarị. Ịn kana mẹ kpopu saakị tẹ anị kẹ fiin som.

Zẹkaraya 6:1

À jen ịkịan nyanam. Àrị ọgọnọ ḍiki sakị, àrị inia kirimẹnjị-ọmụarụ ẹrịm ịn maa ojo ḅịyarị tụndụ ogboku ḅụ sime tẹ paka-ḅoarị.

Kịẹn-aḅịḅị 24:2

Balamụ nwẹnị ọ̀ tọrụ saakị tẹ Izirẹlị ẹrị furo-furo ḅụ ini akpụrụ-warị pike, pike tẹ kobiri wararị. Tẹ Tamụnọ Tẹmẹ ḅe nwẹnị ḅo ori ọgọnọ gbana,

Jọsụwa 5:13

Jọsụwa Jeriko akaka ḅụ simearị ogbo ọ̀ nwẹnị ọ̀ tọrụ saakị ḍiki, tẹ gbọrụ owiḅọ ọ̀ tọrọkọ ori okologie nụnụ pakama-ḅo tẹ ọ̀ ḅara ḅio anị ọlọ tẹ sịẹsime wararị; tẹ Jọsụwa nwẹnị mẹnjị ọ̀ dama-mu tẹ ò gbela, “Í sime wa pịrị mụnọọ anịanịa wamịnị na fịya-a apụ ma?”

Mịẹfinji 13:11

Anịtẹso à jen kịnị-ḅaaḅa opu nama ẹrịm, tẹ kpongbo-kiri mẹ ḅio puu-paka-ḅo ye. Ọ̀ maa ịfalị sụam, anana tụḅọ ịfalị sụa ḅara, tẹ ọ̀ daragọnị ḅe ẹkwẹn ḅara ẹkwẹnm.

Mịẹfinji 5:6

Anịtẹso à gbọrụ Anana Tụḅọ ẹrịm, ori emine mẹ karakara ogboku sịẹsime wararị, tẹ Tamụnọ tẹmẹ inia aị ma na, omongiapụ ma na tọkọrọ mịẹ ò gbori-ikelema wararị. Anana Tụḅọ ḅe sime-ḅara gbala ini ọ̀ ḅaa ye ọkụ; ọ̀ sọnọma ịfalị na sọnọma atọrụngbọ na sụa wararị, arị atọrụngbọ ma anie Tamụnọ sọnọma atẹmẹ ma tẹ ịn kẹ bebe tomikiri mẹ fịrịma ikelema tẹ aị ma.