Danẹlị 8:2 - FỊAFỊA BAỊBỤLỤ

² Àrị ẹrị ịkịan mẹ ḅụ ḍiki ḅarị sakị, à mu Susa Onu gbọrụ ikelema ama mẹ ḅio paka tẹẹ, Ẹlamụ ibe mẹ ḅụ. À Yulayị Tọrụ akaka mẹ ḅụ sịẹsimem,

Danẹlị 8:2 Iomraidhean Croise

Suku-saakị 10:22

Sẹmụ owiapụ-awọmẹ ma anie: Ẹlamụ na, Asọ na, Apakịsadị na, Ludu na, Aramụ na.

Suku-saakị 14:1

Amụrafẹlị, Sina ḅẹ amadaḅọ na; Arịyọkụ, Elasa ḅẹ amadaḅọ na; Kẹdolahoma, Ẹlamụ ḅẹ amadaḅọ na; Tịdalị, Goyimu ḅẹ amadaḅọ na;

Nehimaya 1:1

Mie Nehimaya, Akalaya owiḅọtụḅọ ḅe ẹkwẹn-aḅịḅị ma. Si kụra karama kụra mẹ ḅẹ ịn kẹ Kisilevu sịn akalụ mẹ ḅụ anị pakam, à Suza sịḅịda ama mẹ ḅio simearị ogbo,

Ẹsịta 1:2

arị ene ma ḅụ Amadaḅọ Ayasụrọsị ori ama-da emine ọgọnọ lẹgị tẹso, Suza sịḅịda ama mẹ ḅụ;

Ẹsịta 2:8

Anieḅụ ini amadaḅọ ḅe tọn ye mẹ na ori oloko mẹ na kẹ kpokpo gbolo tẹ tọnwa eremịna-awọmẹ mu Suza sịḅịda ama mẹ ḅio kobirim. Igayị, anie onyo-sẹịn ereme pịrị ḅọ ḅe ḅara-ḅio in simem. Ịn nwẹnị Ẹsịta sọ ọkị kẹ ama-da opu warị mẹ ḅio mu, tẹ á kẹ Igayị pịrị.

Ẹsịta 3:15

Karakara ḅara kẹ fọnya oku-mẹnjịapụ ma amadaḅọ ḅe tọn ḅara ḅụ fọnya ḅara kẹ mum tẹ Suza, sịḅịda ama mẹ ḅio oloko mẹ paka-ḅom. Amadaḅọ ḅe na, Emanị na lẹgị-sime tẹ iru ḅuum kụma Suza opu ama mẹ ḅụụ-ḅalaḅalarị.

Ẹsịta 7:6

Ẹsịta nwẹnị pakịrị, “Ḅaa ḅọkọ kẹ kịnị ḍọkị ḅọ, tẹ kịnị na fịya-a ḅọ! Ḅie si-sịḅịḅio-sụa Emanị ḅe ori-a!” Anịtẹso Emanị nwẹnị amadaḅọ ḅe na, amada-ẹrẹḅọ ma na tọrọkọ ḅụ tẹmẹ-naịn-naịn ḅụ sọ.

Ẹsịta 8:15

Anịtẹso Mọdịkaya nwẹnị Amadaḅọ ḅe tọrọkọ bulo-bulo tọrụ na, pịna-pịna tọrụ na sụa amadapụ vọrọrọ-akapa ma sụa, gburo-gburotẹ golu-golu ama-da sun sure tẹ pọpụlụ nwẹn-sịn tọrụ sụa iḅi lọkọ-ḅịtẹ kẹ mie ḅara finji tẹ opu kapa sụa tẹ mẹnjị paka, Suza opu ama mẹ nwẹnị oloku-oloku tẹ ḍerekum.

Ẹsịta 9:11

Anị gbọrụ ene mẹ ḅụ in Suza sịḅịda ama mẹ ḅio ḅaa atomi kịẹn-ḅịḅị ḍuko kẹ Amadaḅọ ḅe pịrịm.

Ẹsịta 9:15

Ịn kẹ Adà sịn akalụ mẹ ḅẹ ngei aḍin fa jei eneḅaka ḅụ, Suza ḅụ sime Juu-ḅẹ-apụ ma nwẹnị pịkị kobiri, tẹ Suza ḅụ kịnị jeia si (300) ḅaa; kụma in ḅara kẹ gberie-sọ lama tẹ fọịn-a.

Ayịzaya 11:11

Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.

Ayịzaya 21:2

À kụrọ-kụrọ mịẹ-aị mịẹ ḅẹ ịkịan ẹrị tẹ, jụmọ-jụmọ kẹ dẹrịma na ḅaa-guluguluma na. Ẹlamụ ọmụ-ogbo ọmụ saakị tẹ! Midiya ọmụ-ogbo ama ma gbori tẹ ḅụụ kikima tẹ ẹbịarị! Tamụnọ ḅe Babịlọnị dogi-ḅo tẹ tọrụsiẹrị mẹ kunoma ḅẹ tẹ.

Jerimaya 25:25

Zimiri na, Ẹlamụ na, Midiya na ḅẹ amadapụ mamgba;

Izikẹlị 1:1

Suei karama kụra mẹ ḅẹ ini karama akalụ mẹ ḅẹ sọnọ karama eneḅaka mẹ ḅụ, yẹrị Izikẹlị, agbamịẹḅọ, Buzi tụḅọ ḅe, Juu-ḅẹ-apụ tẹ in kun-so Babịlonịya mu apụ ma na anga simem Keba Tọrụ akaka mẹ ḅụ. So nwẹnị finji tẹ à nwẹnị Tamụnọ gboloma ịkịan ẹrị.

Izikẹlị 32:24

Ẹlamụ anịanga emi, árị ọmụapụ aḍuḅu mamgba á gbori wararị. Ọmụ ḅio ini inimgba ḅaam, tẹ ini ịna tarị-ḅụụ siin ḅara mẹ ideri fịtẹ-apụ ma tomikiri mẹ mum. Ḍumo tọrụ ḅụ in gotẹ tẹmẹ-naịn-naịn la-a yọ ofori, kụma mịọkụ ịn fịị tẹ koro simearị tọrụ-tuu ḅụ.

Danẹlị 10:4

Tarị kụra mẹ ḅẹ tarị akalụ mẹ ḅụ si inia aḍin finji karama eneḅaka mẹ ḅụ, à Tayịgirisi Opu Tọrụ mẹ akaka ḅụ sịẹsimem.

Danẹlị 7:15

Àrị ẹrị ịkịan ma kpọma ị̀ ḅalafama lamam, tẹ ị̀ ḅụụ-ḅalaḅala mu la jụ ḅakam.

Danẹlị 7:2

anị ḍin mẹ ḅụ àrị ẹrị ye ḅụ. Fẹrụ pakịrị-pakịrị mamgba ḅụ fie-fie ḅo abajị mẹ saramam.

Danẹlị 8:1

Bẹlịsaza ama-da tẹ tẹrẹị karama kụra mẹ ḅụ, à maaịn karama ịkịan ẹrịm.

Danẹlị 8:3

tẹ anịanga tọrụ mẹ kpeki ḅụ à gbọrụ ejimina ẹrịm, maa ịfalị sụa ye, gberie nangwọ pịkị ịwọ osi ye nẹngịm.

Kịẹn-aḅịḅị 12:6

Ọ̀ nwẹnị ḅẹẹ, “Ọmịnị ị̀ ẹkwẹn-aḅịḅị naa, ọmịna ogbo-ḅio ịkịankoroḅọ emi-emii, Yẹrị KỊNỊNYANAḄỌ ḅe ịkịan ẹrị ḅara ḅụ, ị̀ mịẹfinji mḅọ pịrị tẹ mḅọ ì nimim, ḍawọ-jụ ḅụ arị mḅọ na ẹkwẹnm.

Hiburu 1:1

Ḅọrọ tẹ sakị ḅụ Tamụnọ ịkịankoroapụ ma ḅụụ ḅọrọ tẹ, tọnwa asakị na tọnwa aḅọkọ na ḅụ ẹkwẹn wamịna atẹngịapụ ma pịrịm,

Mịẹfinji 9:17

Tẹ ịn kẹ ì ḍie ḅara ḅụ, mie arị asụ ma na ịn kpọlị tẹ kẹ dọkụarịapụ ma na ẹrị ḅara: ini ekpe gbaịn aị nyanam, awụ aị, tẹ fịnị kọrị ḅara kọrịarị, safaya nwẹn-sịn ḍụḅarị mẹ bulo ḅịya ḅara ḅịyarị ye, pịkị ịn kẹ sọlụfọ sịn ḍụḅarị mẹ tẹ odo tọrụ sụa ye. Asụ ma asịḅị ọkụkụ asịḅị na kịkam, tẹ kọrị fịnị na onwin na, sọlụfọ nwẹn-sịn ọpọlị ḅara sime ye, ịna aḅịḅị ḅio paka-ḅoarị.