Danẹlị 7:2 - FỊAFỊA BAỊBỤLỤ

² anị ḍin mẹ ḅụ àrị ẹrị ye ḅụ. Fẹrụ pakịrị-pakịrị mamgba ḅụ fie-fie ḅo abajị mẹ saramam.

Danẹlị 7:2 Iomraidhean Croise

Ayịzaya 17:12

Opu kụrọ nyana asịẹ ma gboloki ḅụ ḍụrụkụarị, tẹ anị abajị fiearị ye kịkarị, opu ọnụngọ ḅakụarị ye famam.

Jerimaya 49:36

À mịẹ tẹ fẹrụ fie-fie ḅo Ẹlamụ bịan ḅa pakịrị-pakịrị mamgba ḅụ, tẹ à mịẹ tẹ anị ḅẹ atomi gala-gala mu anga goyegoye la ḅa, nwenii tẹ tomikiri ḅẹ sịẹ tẹ á ḅụ sime tẹ ọmụ mangị-kọn-apụ la ḅịa anga paka ḅịa.

Jerimaya 51:42

Abajị mẹ mbelembelema ḅo Babịlọnị gbaịn tẹ iḅiọkụ fiearị ọnụngọ ḅara ḅụ.

Danẹlị 11:4

Kụma ọ̀ kụrọ ḅo anị la ḅẹ opu anga la sakị ọ̀ daarị tomikiri mẹ inia pakịrị ḍie ḅa. Ori ama-da ọrụ ḅụ paka-a amadapụ ò kiri ọkị tẹ ḅẹrẹ tọn ḅa, kụma ini ọ̀ nyana kụrọ nyana ḅịa.

Danẹlị 2:19

Anịtẹso anị gbọrụ ḍin mẹ ḅụ Tamụnọ ḅọịye mẹ mịẹfinji Danẹlị pịrịm ịkịan ẹrị ḅụ, tẹ ò So-ḅio ḅẹ Tamụnọ ḅe tokinim:

Danẹlị 7:13

À mịẹ ịkịan mẹ ẹrịarị sakị ḍin mẹ ḅụ, à tomḅọ kịkaye ẹrịm. Ọ̀ mẹnjị ị̀ dama-ḅoarị, oḅuto ori ikelema-koro wararị ḅara ḅụ, tẹ ò mu ḍumo mu ḅẹẹ-sakị ḅẹẹ-sakị laarị ḅo ḅe la tẹ ini ọ̀ kẹ ọ̀ pịrịm.

Danẹlị 7:7

À paa Kireinma ḍikiarị ogbo ini karama nama tolu-pakam. Ọ̀ kụrọ nyanam, pịkị opuma ḅalafamam. Ori ọ̀ ḍụḅa-ḅụratẹ ikulele aka ma kẹ ò kun ye goyegoye tokuru kọsịmam, anịtẹso ori arị nanga ḅọrọm. Osi anama ma kịka-a ḅara ḅụ, inia ịfalị ọ̀ nwẹn sụam.

Danẹlị 8:2

Àrị ẹrị ịkịan mẹ ḅụ ḍiki ḅarị sakị, à mu Susa Onu gbọrụ ikelema ama mẹ ḅio paka tẹẹ, Ẹlamụ ibe mẹ ḅụ. À Yulayị Tọrụ akaka mẹ ḅụ sịẹsimem,

Danẹlị 8:8

Oḅori ḅe opu aị opu aị ḍuko tọrọkọ-tọrọkọ mum, tẹ ọ̀ kụrọ mẹ iwo mu anị la ḅẹ anga la tẹso, ori ịfalị mẹ anyịm. Anị kiri ḍima ḅụ inia kịrị ịfalị sịẹ pakam, gberie-gberie amịna anga dam.

Zẹkaraya 6:5

Ọ̀ pakịrịm, “Ma ma anie inia fẹrụ-aḅịḅị ma; ini ịna aḅụụ kẹ tomikiri mamgba nyana KỊNỊNYANAḄỌ ḅe ḍie tẹ paka-ḅoarị.”

Matiyo 24:31

Opu ọdụ mẹ fie ḅa, tẹ ori ori enjẹlị apụ fịrịma pakama tẹ in tomikiri ḅẹ ini ịkọlị ma ḅụ ọ̀ sẹlẹ-ọkị tẹ atomi ma kobiri ḅo ḅa, tomikiri mẹ mu la anga, la anga ḅụ.

Mịẹfinji 17:15

Enjẹlị ḅe pịkị ị̀ ḅẹẹm, “Minji ma tẹ ị̀ ẹrị aị ma, tẹ ama-mẹnjị-ẹrẹḅọ ma lẹgị wararị anga ma anie sịẹ, sịẹ ma na, tomi ma na, kịrị-kịrị atomi ma na, ama-ḅịḅị, ḅịḅị ma na.

Mịẹfinji 7:1

Mie ḅọrọ tẹso, àrị ini enjẹlị ẹrịm, in tomikiri mẹ ḅẹ ini ịkọlị ma ḅụ sịẹsime, tẹ ini afẹrụ-aḅịḅị ma dasịẹma wararị, mịẹtẹ kiri ọgọnọ-o, minji tọrụ-o, pịkị sịn ọgọnọ sọ, fẹrụ ḅarị fie mu la ḅịa ḅara.