Danẹlị 5:3 - FỊAFỊA BAỊBỤLỤ

³ Anị-gbọrụ-kirikiri, ịn mịna golu-golu amọngị ma na panị ma na kẹ ḅom, tẹ ịn nwẹnị arị kẹ iru sụa-sụa ḅuu.

Danẹlị 5:3 Iomraidhean Croise

2 Paka-aị 36:18

Tamụnọ warị mẹ ḅẹ ẹfẹrẹ — opu aị na kala aị na — pịkị KỊNỊNYANAḄỌ ḅe warị mẹ ḅẹ ngọ ma na amadaḅọ ḅe na ori owiapụ-awọmẹ ma na nyana ngọ mamgba ọ̀ kẹ Babịlọnị ḅom.

Ayịzaya 5:14

Ḍuḅu mẹ ịn sama-mẹnị ḅẹ tẹ koruarị, tẹ anị amịna ḅịḅị finji-sara wararị. Anị Jeruselemu ḅẹ opu atomi ma mẹnị iderimarị, ama ḅẹ atomi ma tẹ ẹkwẹn pẹlẹ, pẹlẹ-a apụ ma kẹ sụa.”

Jerimaya 50:28

(Ọmụ mangị kọn apụ Babịlonịya ḅụ pụkọ-pakaḅo Jeruselemu laarị, tẹ ịn KỊNỊNYANAḄỌ, wamịna Tamụnọ ḅẹ wẹrịtẹ Babịlonịya apụ ma kẹ Tamụnọ Warị mịẹ ye ḅẹ gbẹẹfị ḅiiarị ḅara ḍukoarị.)

Danẹlị 5:2

Ịn mị-ḅara kẹ ḅuuarị ogbo, Bẹlịsaza nwẹnị tọn mịnẹ in mu golu-golu na seleḅa-seleḅa na kẹ tẹmẹ wararị amọngị ma na panị ma na tẹ ọ̀ ḍa Nebukadineza Jeruselemu Tẹkẹ-warị ḅio dogi-so aị ma kẹ ḅoo. Ori amadaḅọ ḅe arị fịrịma ḅom, gbala ori na, ori opu fịrịmẹnjịapụ na, ori ereme na, ori oloapụ na arị kẹ minji ḅuu ḅẹm ẹrẹsị.

Danẹlị 5:23

Ị́ kọngọ-kụrọma So-ḅio ḅẹ KỊNỊNYANAḄỌ ḅe pịrịm tẹ ọ̀ Warị ḅio ịn fọịn ọkị amọngị ma na panị ma na ọkịm. Ị́yẹrị na, ị́ opu afịrịmẹnjịapụ na, í ereme na, í oloapụ na arị kẹ iri ḅuu-ḅuu tẹ nwẹnị in golu na, seleḅa na, ojo na, ikulele na, ḍụḅọ na pịkị ẹkẹkẹ-pakịrị kẹ tẹmẹ atamụnọ ma tokinim — oru-atamụnọ tẹ inetẹ ye ẹrị-a anịanịa ye naa-a, pịkị gberie-sọ nimi-a atamụnọ ma.

Danẹlị 5:4

Ịn nwẹnị in golu na, seleḅa na, ojo na, ikulele na, ḍụḅọ na pịkị ẹkẹkẹ-pakịrị kẹ tẹmẹ atamụnọ ma tokini.

Hosiya 2:8

Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Habakọkụ 1:11

Anịtẹso ịn fẹrụ kịka tẹ fie ḅo la tẹ pịkị so tẹẹ, mịna atomi ma ịna kụrọ anie ịna tamụnọ.”

Malakayị 1:12

Kụma ọ́ kụn kẹ ị̀ pịrị-a, ọ́ ḅẹẹarị sakị mịnẹ ị̀ agbamịẹ-anga mẹ yela-a sakị mẹ na ọ́ pịkị ó ḍiki-simarị fịye kẹ anị ọgọnọ agba mịẹarị sakị na.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.

Ḅẹrẹkọn-apụ 19:1

Arị ene ma tẹ amadaḅọ Izirẹlị ḅụ ofori sakị mẹ, Livayị furo ḅẹ gbọrụḅọ igoni kẹ Iferemu tụndụ ọgọnọ ḅẹ opu sịẹ mẹ ḅio iḅere-iḅerea anga ama ọḅụjụ pakịrị bịan simem, oriḅe tẹ Juda ḅio Bẹtịlịhẹmụ ḅụ gbọrụ ịgwa-ẹrẹḅọ ọkị ḅọ ḅe.