Danẹlị 4:3 - FỊAFỊA BAỊBỤLỤ

³ Tamụnọ ḅụụ-gbiripuma-aị ma ḅakam! Ọ̀ kọrịarị ịkịan ma kụrọ nyanam! Tamụnọ ḅe anie sime gbamaso amadaḅọ; ọ̀ ḅẹrẹtọn mu ḅẹẹ-sakị ḅẹẹ-sakị la ḅa.

Danẹlị 4:3 Iomraidhean Croise

Jobu 25:2

“Kụrọ na, ḅalafa na, Tamụnọ na emii; ò dein pakamarị ò geletẹ so mẹ ḅio.

Devidi-Anume 104:24

KỊNỊNYANAḄỌ, ị́ tọnwa-tọnwa ḅẹ aị tẹmẹm! Ị́ kpọma nimi ḅara kẹ arịmgba mịẹ ḅara ḍikii! Tomikiri mẹ tẹmẹ aị anị ḅio ḅin wararị.

Devidi-Anume 105:27

Ịn nwẹnị Tamụnọ opu akọrịnama ma kọrị tẹ Ijiputi ḅụ ḅụụ-buama-aị mị.

Devidi-Anume 145:13

Ị́ ḅẹrẹtọn mẹ sime gbamasom, anịsakị ị́ ama-da mu ḅẹẹ-sakị ḅẹẹ-sakị laarị. KỊNỊNYANAḄỌ ḅe minini ori atomi pịrị tẹ aị ḅụ ọ̀ ḅịḅị ḍima ḍima-a, tẹ ori ḅe mịẹarị ye goyegoye iḅim.

Devidi-Anume 66:7

Ori opu kụrọ ḅụ ọ̀ ḅẹrẹtọn mu ḅẹẹ-sakị ḅẹẹ-sakị laarị, tẹ ori atọrụngbọ ma sịẹ-sịẹ ma ọgọnọ emi. Yee kọngọ kụrọmarị apụ saakị tẹ ori na tụḅụrụma.

Devidi-Anume 72:18

Ọ̀ KỊNỊNYANAḄỌ ḅe tokini, Izirẹlịapụ tẹkẹarị Tamụnọ ḅe! Ori ngẹrị mie mịna ḅụụ-buama-aị ma mịẹarị.

Devidi-Anume 77:19

Ị́ ọnụngọ ma ọgọnọ mẹnjị-tolum; í pokolo tọrụ mẹ saḅa korom, kụma ị́ mẹnjị ḅọrọ tẹ ị́ aḅụọ tọn elekima sọ kịnị ẹrị-a.

Devidi-Anume 86:10

Ị́yẹrị opu kụrọḅọ, tẹ ḅụụ-buama-aị mịẹarị ḅọ; kịngẹ anie Tamụnọ.

Devidi-Anume 92:5

KỊNỊNYANAḄỌ, ị́ amịẹaị ma ḍụḅa la ḅara ḍiki! Ị́ akuroma ma pokolo la ḅara ḍiki!

Ayịzaya 25:1

KỊNỊNYANAḄỌ, ị́yẹrị anie ị̀ Tamụnọọ; Arị ị́ kụn tẹ ị́ ẹrẹ tokini ḅa. Ị́ ḅụụ-buama-aị mịẹ tẹ; ala lamatẹ sakị ị́ tọn aị ma ị́ mịẹ tẹ, ḅioḅẹngbọ-kẹ-sịrẹrẹ-niḅi ḅara ḅụ.

Ayịzaya 28:29

Mie-mẹmgba Kụrọmamgba nyana KỊNỊNYANAḄỌ ḅe ḅara ḅoarị. Tamụnọ tọn-arị aị ma nimiarị ḅụ emi, tẹ sakị mamgba arị pịkị ọ̀ tọn ḅara mịẹarị.

Ayịzaya 9:7

Ori ama nyana kụrọ mẹ tọrọkọ-tọrọkọ mu ḅa, Ọ̀ daarị yọ mẹ ḅụ sakị mamgba dein sime ḅa. Ori Ama-da Devidi tọrụ-ḍimaḅọ ḅara kẹ ḅẹrẹtọn ḅa, Ọ̀ kụrọ mẹ kuraye na ọrụḅọ-ọrụḅọ la kiri kẹ mḅọ pịrị na ḅụ sịẹsime ḅa, mịọkụ ọkị mu sakị kunoma la. Kụrọmamgba nyana KỊNỊNYANAḄỌ ḅe tọn pẹlẹ tẹ mịnẹ mie-mẹmgba mịẹ ḅa.

Jerimaya 10:10

Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Danẹlị 2:2

mie ḅụ ọ̀ fịrịma mu ḅịrị-ẹrịapụ na, majịkị-mịẹapụ na, si-atẹmẹ na mịẹ gbolomarị apụ na arịapụ na sịnm, in ḅo ḍawọ mẹ puu-finji ọ̀ pịrị. In ḅo tẹ amadaḅọ ḅe tọrọkọ sịẹ sakị

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Danẹlị 4:17

Mie ye-goyegoye ḍikiarị fịafịa apụ ma tọn koroma yee. Anịẹrẹsị, yee tomi mamgba ḅẹẹ-anga ḅẹẹ-anga ḅụ nimi mịnẹ, Kụrọmamgba-Nyana Tamụnọ ḅe tomina asịẹ ma ḅụ kụrọ nyana wararị tẹ ọ̀ pịkị inetẹ arị kẹ ọ̀ sẹlẹ-ọkịḅọ-ọkịḅọ pịrị ḅa — jen-a jen-a tomina ḍiki-tọrụ ḅụ ye ḅụ ofori apụ sọ.”

Danẹlị 7:14

Ịn kụrọ, kụn, na amada-kụrọ na kẹ ọ̀ pịrịm, mịẹ tẹ sịẹ-sịẹ mamgba ḅẹ atomi, tomi kịrị-kịrị na ẹkwẹn-ḅịḅị ḅịḅị na fịrịmẹnjị ọ̀ pịrị ḅẹm. Ọ̀ kụrọ sime mu ḅẹẹ-sakị ḅẹẹ-sakị la ḅẹm, tẹ gbala-gbala ori ama-daa ḅo kunoma ḅịa.

Danẹlị 7:27

Tomikiri mamgba ḅẹ ama-da kụrọ na opu na ịn saḅama Kụrọmamgba-Nyana Tamụnọ ḅe atomi ma pịrị ḅa. Ịna ama-da kụrọ mẹ gbala-gbala kunoma ḅịa, tẹ tomikiri ḅẹ ḅẹrẹtọn apụ mamgba fịrịmẹnjị ịn pịrị tẹ ịna ḅịḅịpoki ḅa.”

Romu 11:33

Tamụnọ ngọ ma ḅaka ḅara ḍikii! Ò nimi na, ye ḅio lekiri na, pokolo la ḅara ḍikii! Tụḅọ inetẹ ori aḅẹrẹkọn ma sime-ḅara nimi tẹ ḍuko finji ḅẹ? Tụḅọ inetẹ ori amịẹaị sime-ḅara lekiri ḅẹ?

Ditẹrọnọmị 4:34

Anịanịa jen ene tọ gbọrụ oru-tamụnọ mu jen opu sịẹ ogboku gbọrụ opu sịẹ ọkị amịna ḅụụ pịrị ḅara kẹ ye mịẹ tẹ tọnwa daaḍiki ḅụ na, tọnwa elekima ḅụ na, tọnwa ḅụụ-gbiripuma-aị ḅụ na, ọmụ ḅụ na, kụrọ na ịnyọ na, gburo-gburotẹ atẹmẹ-naịn-naịn ḅụ na; KỊNỊNYANAḄỌ ọmịna Tamụnọ ḅe ọmịna tọrụ-ogbo ḅụ wẹrịtẹ mịẹ ọ́ pịrị ḅara mamgba Ijiputi ḅụ?

1 Timoti 1:17

Sime gbamaso Amadaḅọ ḅe, fịị fịị-a, tomi pịkị ẹrị-ẹrịa ḅọ ḅe, ngẹrị Tamụnọ ḅe — kụn na ebube na sime ọ̀ pịrị mu ḅẹẹ-sakị ḅẹẹ-sakị la! Amẹnị.

Hiburu 1:8

Tụḅọ ḅe gbolomaye kịngẹ kụma, Tamụnọ mẹẹ: “yei, Tamụnọ, ị́ ama-da tẹ ḅẹrẹtọn mu ḅẹẹ-sakị ḅẹẹ-sakị la ḅa! Inoma ofori ḅara mie ị́ kẹ ḅẹrẹtọn ị́ atomi ma pịrịarị.

Hiburu 2:4

Anị gbọrụ sakị mẹ ḅụ Tamụnọ sọ in ḍuko ye mẹ mịẹ kụrọmam, ḅụụ-buama-aị na, ḅụụ-gbiripuma-aị na, Fịafịa Tẹmẹ ḅe ḍiepịrịye kẹ ọrụḅọ-ọrụḅọ pịrị na ḅụ, anị ọ̀ ḅụụ-ḅẹlẹ ḅara ḅụ.

1 Pita 4:11

Ḅẹḅọ-ḅẹḅọ tẹ Tamụnọ ẹkwẹn kọn-arị ḅọ, mḅọ Tamụnọ oku ma ḍukoo; ḅẹḅọ-ḅẹḅọ tẹ fịrịmẹnjịarị ḅọ mḅọ Tamụnọ kẹ mḅọ pịrịarị ịnyọ ḅụ mẹnjịị, mịẹtẹ ye mamgba ḅụ tomi Jizọsị Kịrayịsị ḅụ ḅọrọ tẹ Tamụnọ tokini ḅẹ ḅara, anie ebube na kụrọ na sime pịrị ḅọ ḅe, mu ḅẹ sakị, ḅẹ sakị la. Amẹnị.

Mịẹfinji 11:15

Anịtẹso sọnọma karama enjẹlị ḅe ori ọdụ ofurom, tẹ So-ḅio tọnwa apọkọ oloku-oloku tẹ ḅẹẹm, “Tomikiri ḅụ ḅẹrẹtọn kụrọ mẹ mịọkụ ḅo wa Nyanaḅọ ḅe na ọ̀ Mẹsaya ḅe na ḅara sọ tẹ, ọ̀ ḅẹrẹtọn mu ḅẹẹ-sakị ḅẹẹ-sakị la ḅa!”