Danẹlị 4:2 - FỊAFỊA BAỊBỤLỤ

² Anị kpọma ị̀ ḅụụ yela lamam, à ḅụụ-gbiripuma-aị ma na ịkịan ma na tẹ Kụrọmamgba-Nyana Tamụnọ ḅe kẹ ì ḍie aị ma ḍuko ó pịrị.

Danẹlị 4:2 Iomraidhean Croise

Jobu 7:14

anịrẹ ị́ nwẹnị ḍawọ kẹ ị̀ ḅalafama, tẹ ịkịan kẹ ị̀ tẹmẹ-naịn-naịnma,

Devidi-Anume 51:14

Yei Tamụnọ, ḍụkụ tẹ à fịị ma, tẹ ị̀ ḅọrọma, tẹ à ḅioḅẹlẹ ḅara kẹ ị́ karakara mịẹ mẹ ḍuko wasama ḅa.

Devidi-Anume 65:9

Í eene kẹ fịrịma tẹ ḍie pakamarị mịnẹ kiri mẹ ḍikiḍikiarị; ị́ mịẹ tẹ anị iḅiọkụ fịaị pakamarị. Piri ọgọnọ ḅẹ atọrụ ma ḅụ í minji sụa ḅinma tẹ; tẹ ị́ mịẹ tẹ kiri mẹ fịaị pakamarị. Mie ị́ wẹrị anị kọrịarị ḅara:

Devidi-Anume 66:16

Tamụnọ kụn-arị apụ mamgba, ó ḅo pokii, tẹ àrị ọ̀ mịẹ ị̀ pịrịtẹ aị ḍuko ọ́ pịrị ḅa.

Devidi-Anume 71:18

Mịọkụ àrị omongitẹ ị̀ sịḅị iḅulu ḅịya tẹ mẹ, ị̀ kẹ gbin kuroma tẹ so ma, Yei Tamụnọ! Àrị ị́ kụrọ na í opu na ḍuko wasama tọrọkọ ḅo ḅarị aḅụọ mamgba pịrịarị sakị mẹ ḅụ ị̀ na simee.

Danẹlị 2:1

Nebukadineza ama-da tẹ maaịn karama kụra mẹ ḅụ ọ̀ ḍawọm. Anị kẹ ò ḅioḅẹngbọ pikirima la ḅara gotẹ, ọ̀ ḅarị inetẹ mono-a,

Danẹlị 3:26

Mie ḅụ Nebukadineza mẹnjị mu orumo fịnị kọrị ḅara kọrịarị fịnị mẹ ḅọkọ la tẹ oloku pakamam, “Sẹdarakị! Mẹsakị! Abẹdinigo! Kụrọmamgba-Nyana Tamụnọ ḅe Fịrịmẹnjịapụ! Ọ́ paka-ḅoo!” Tẹ anị-gbọrụ-kirikiri ịn paka-ḅom.

Danẹlị 4:17

Mie ye-goyegoye ḍikiarị fịafịa apụ ma tọn koroma yee. Anịẹrẹsị, yee tomi mamgba ḅẹẹ-anga ḅẹẹ-anga ḅụ nimi mịnẹ, Kụrọmamgba-Nyana Tamụnọ ḅe tomina asịẹ ma ḅụ kụrọ nyana wararị tẹ ọ̀ pịkị inetẹ arị kẹ ọ̀ sẹlẹ-ọkịḅọ-ọkịḅọ pịrị ḅa — jen-a jen-a tomina ḍiki-tọrụ ḅụ ye ḅụ ofori apụ sọ.”

Danẹlị 4:24

“Miemẹ, anie anị fiearị ye, Gburo-gburo Opuḅọ; miemẹ anie Kụrọmamgba-Nyana Tamụnọ ḅe ḍuko-pakamam ị́ ḅụụ paka ḅarị ye.

Danẹlị 4:25

Ini í dee-pakama ḅa tomi ogboku ḅụ, tẹ í piri-ḅio-ḅẹ anama na anga ḅa. Ị́ sọnọma kụra kẹ nambulo osuka fị ḅara kẹ osuka fị ḅa, tẹ etela-ogbo mono ḅa, igirigi mẹ ị́ ọgọnọ sịra ḅarị anga. Anịsakị í minini ḅa mịnẹ, Kụrọmamgba-Nyana Tamụnọ ḅe tomina asịẹ ma ḅụ kụrọ nyana wararị tẹ ọ̀ pịkị inetẹ arị kẹ ọ̀ sẹlẹ-ọkịḅọ-ọkịḅọ pịrị ḅa.

Danẹlị 4:34

Amadaḅọ ḅe nwẹnị ḅẹẹ, “Sọnọma akụra ma ḅo ḅọrọ tẹso, à tọrụ sakị so dam, tẹ tomina ye-nimi nwẹnị ị̀ sịḅị ḅio sọ. À Kụrọmamgba-Nyana Tamụnọ ḅe tokinim, tẹ kụn na ebube na kẹ ḍumo gbamaso wararị ḅọ ḅe pịrịm. Ọ̀ ḅẹrẹtọn ma mu ḅẹẹ-sakị ḅẹẹ-sakị la ḅa, ori ama-daa sime gbamaso ḅa.”

Danẹlị 5:18

“Kụrọmamgba-Nyana Tamụnọ ḅe ị́ ḍa kẹ gburo-gburo amadaḅọ sọmam tẹ ebube na opu na kẹ ọ̀ pịrịm.

Danẹlị 6:27

Ọ̀ ḅọrọmarị, pịkị pụkọ-pakamaḅoarị; ọ̀ ḅụụ-gbiripuma-aị na ḅụụ-buama-aị mịẹarị So-ḅio na tomikiri na ḅụ. Ọ̀ Danẹlị ḅọrọmam ọkụkụ amẹẹ ọ̀ ḅaa ḅẹ ye ḅụ.”

Danẹlị 7:25

Ọ̀ Kụrọmamgba-Nyana Tamụnọ ḅe na tụḅụrụ ẹkwẹn kọn tẹ Tamụnọ atomi ma ponoma ḅa. Ọ̀ ḅụụkụrọma tẹ ịna Tamụnọ-nimi-ḅara ḅẹ oloko ma na alalị ma na ḍima ḅẹ ḍọkị ḅa, tẹ Tamụnọ atomi ma tẹra kụra na pakịrị na kẹ ọ̀ kụrọ suku-ḅio sime ḅa.

Jọnị 4:48

Jizọsị nwẹnị ọ̀ ḅẹẹ, “Ọmịnị ḅụụ-bua ma aị na ḅụụ-gbiripuma aị na ẹrị-a ogbo minini minini-a apụ.”

Jọsụwa 7:19

Anịtẹso Jọsụwa nwẹnị Ekanị ḅẹẹ, “Ị̀ owiḅọtụḅọ, boma kẹ KỊNỊNYANAḄỌ Izirẹlịapụ tẹkẹarị Tamụnọ ḅe pịrị tẹ ò tokinii; tẹ ị́ mịẹ ye mẹ ḍuko ị̀ pịrịị; anị ḅọị ma ị̀ ḅụụ ḅụ.”