Danẹlị 3:3 - FỊAFỊA BAỊBỤLỤ

³ Miemẹ ẹrẹsị, mịna amadapụ awọmẹ ma na, gọvịna apụ ma na ịn palị-apụ ma na, ịna suku-ḅio sime apụ ma na, igbigi-koko apụ ma na, ḅẹrẹtọn-apụ ma na ịn palị-apụ ma na, pịkị osi ibe ma ḅẹ fịrịmẹnjị-opuapụ mamgba na ḅo kobirim, Nebukadineza tẹmẹ wararị mḅudu mẹ kẹ tọn-tọn ḅara wẹrị gotẹ. Ini mḅudu mẹ tọrọkọ sịẹ wararị ogbo,

Danẹlị 3:3 Iomraidhean Croise

Danẹlị 3:2

Anịtẹso Amadaḅọ ḅe tọn ọ̀ fịrịmẹnjị-opuapụ mamgba pịrịm in ḅo kobiri — amadapụ awọmẹ na, gọvịna apụ na ịn palị-apụ na, ịna suku-ḅio sime apụ na, igbigi-koko apụ na, ḅẹrẹtọn-apụ na ịn palị-apụ na, pịkị osi ibe ma ḅẹ fịrịmẹnjị-opuapụ mamgba na. Ini Amadaḅọ Nebukadineza tẹmẹ wararị mḅudu mẹ kẹ tọn-tọn ḅara wẹrị ḅẹ alalị mẹ ḅoo.

Danẹlị 3:27

Amadapụ awọmẹ mamgba na, gọvịna apụ na ịn palị-apụ na, osi amadaḅọ ḅe opu ma na kobiri ḅo tẹra owiapụ ma ḍikim, anie fịnị mẹ ye kẹ lama-a apụ ma. Ịna sịḅị-ḅẹ-inume dọkị-a, ịna akapa dọkị-a, anịsakị onwi fụrụ sọ ịna ḅụ nini-la-a.

Danẹlị 3:4

kpokpo-gboloḅọ nwẹnị gele pọkọ kẹ oloku pakama tẹ ḅẹẹ, “Ọmịnị sịẹ-sịẹ ma ḅẹ atomi mamgba na, tomi ḅara-ḅara mamgba na, ẹkwẹn-ḅịḅị-ḅịḅị mamgba na, ó pokii!

Romu 3:11

gbọrụḅọ-sọ ye fieye naa-a, anịanịa sunsin Tamụnọ pịrịarị gbọrụḅọ-sọ ofori.

Mịẹfinji 17:13

Mịna oyi apụ mamgba gbọrụ ye mie ịn mịẹ ḅẹ tẹ ịna ḅioḅẹngbọ simearị ye, tẹ ịn nwẹnị ịna opu na kụrọ na kẹ kịnị-ḅaaḅa opu nama ḅe pịrịarị.

Mịẹfinji 17:17

Anị gotẹ ọkọ mịẹ ḅarịye, Tamụnọ ini ọ̀ tọn ye mịẹ ḅẹ ḅioḅẹngbọ kẹ ịn pịrị tẹ, ịn gbọrụ ḅụ ḅụ ịna kụrọ kẹ kịnị-ḅaaḅa opu nama ḅe pịrị tẹ, ọ̀ kẹ ḅẹrẹtọn nwenii mu Tamụnọ ẹkwẹn-aḅịḅị ma mịẹ fama ḅẹ sakị la ḅa.