Danẹlị 2:2 - FỊAFỊA BAỊBỤLỤ

² mie ḅụ ọ̀ fịrịma mu ḅịrị-ẹrịapụ na, majịkị-mịẹapụ na, si-atẹmẹ na mịẹ gbolomarị apụ na arịapụ na sịnm, in ḅo ḍawọ mẹ puu-finji ọ̀ pịrị. In ḅo tẹ amadaḅọ ḅe tọrọkọ sịẹ sakị

Danẹlị 2:2 Iomraidhean Croise

Suku-saakị 41:8

Mie ḅụ dede-ḅio ò ḅioḅẹngbọ ọ̀ ḅụụ-fụkamam, tẹ ọ̀ nwẹnị fịrịma Ijiputi ḅẹ majịkị-mịẹapụ mamgba na, anị ḅẹ ye-nimi apụ mamgba na sịn-ḅo, tẹ Fero ọ̀ kọn ḍawọ ḍuko ịn pịrịm, kụma gbọrụḅọ tẹ inetẹ anị fieye puu-finji Fero pịrị ḅọ ofori.

Ẹsịta 1:13

Anịtẹso amadaḅọ ḅe nwẹnị ye-nimiapụ tẹ sakị ma nimi apụ ma (gbala mie amadaḅọ ḅe kẹ oloko na, ḅẹrẹkọn na nimi ḅara-ḅaatẹ apụ mamgba na mịẹ-mịẹ ḅara;

Paka-so 7:11

Anịtẹso Fero nwẹnị ye-nimiapụ ma na, majịkị-mịẹapụ ma na sịn ḅo kobiri, tẹ ini Ijiputi ḅẹ majịkị-mịẹapụ ma sọ nwẹnị ịn ḍawọ tẹ ḍịn ḅọị aị ḅụ mị gbọrụ ye mẹ mịẹ.

Ayịzaya 19:3

Arị Ijiputi-ḅẹ-apụ ma tọn-arị aị ma pikirima tẹ ịn ḅarị tẹmẹ nyana ḅịa. Ini ịna oru-afụḅara ma tẹkẹ ḅa ịn ḅarasụa ịn pịrịị. In mu tọrụ tolu apụ ḅara ye ḅii ḅa, pịkị fịtẹ-apụ atẹmẹ ḅịḅị ḅii ḅa.

Ayịzaya 8:19

Kụma tomi ḅẹẹ ḅa, mịnẹ ḅịrịapụ na, ḍụẹịn-ḅịḅị-gbelaapụ, tẹ feni pọkọ na, kịnị iḅiọkụ naa-a ḅara na kẹ ẹkwẹn-arị apụ na ḅara oku da ḅo ịn pịrị. Ịn ḅẹẹ ḅa. “Anị ḅẹ kunoma kịnị paa tẹmẹ ma oku-ḅịḅị ḅii tẹ ḍumo wararị apụ sịḅị gotẹ fịtẹ-apụ ḅịḅị gbela ḅarị ya.”

Danẹlị 1:20

Anị ḅẹrẹ nyana-a amadaḅọ ḅe gbela-ye gbela-ye sọ, anịanịa ḅụụ-fụkama ye tẹ ò ḍukoye-ḍukoye sọ, mịna inia apụ ma oyia asakị kẹ anị nimi bebe ọ̀ daarị yọ mẹ ḅụ sime ḅịrị-ẹrịḅọ anịanịa majịkị-mịẹḅọ goḅọ-goḅọ nẹngịm.

Danẹlị 1:4

Ịn tọrụ-gbẹ apụ sọọ, ye nimii, iḅiọkụ ḍikiḍiki pakama-ḅo tẹ sarama ye ḍawọ ḅo ḅẹ apụ, oju ḅụ gbọrụ ḅẹkụ sọ ofori apụ, mịẹ tẹ ini ama-da warị mẹ ḅio fịrịmẹnjị gbẹẹ apụ sọ ḅarị ḅara. Asịpịnazị ḅe pịkị in toluma tẹ ịn Babịlonịya ama-ḅịḅị mẹ go ḍịn, pịkị kẹẹ ḍịn ḅẹ ḅara.

Danẹlị 2:10

Ḅẹrẹ ḍuko ò tolumapụ ma nwẹnị pakịrị, “Gburo-gburo Opuḅọ, mị bebe tomikiri mẹ ḅụ gbọrụḅọ-sọ ofori inetẹ í ḅiiarị ye mẹ nimi tẹ ḍuko ị́ pịrị ḅẹ ḅọ. Jene gbọrụ amadaḅọ sọ ofori, anị ḅọrọ opu sọ tẹịn tẹ pịkị kụrọ nyana tẹịn ḅọ sọ, nwẹn sime ye ḅii mḅọ ḅịrị-ẹrịapụ, majịkị-mịẹapụ, na arịapụ na aḅara ḅụ.

Danẹlị 2:27

Danẹlị pakịrịm, “Gburo-gburo Opuḅọ, gbọrụ arịḅọ, anịanịa majịkị-mịẹḅọ, anịanịa ḅịrị-ẹrịḅọ, anịanịa lolia-ḍikiḅọ sọ ofori inetẹ anie ḍuko ị́ pịrị ḅẹ ḅọ.

Danẹlị 3:8

Anị sakị mie Babịlonịya ḅẹ jen-apụ ọkị tẹkẹ Juu-ḅẹ-apụ ma si ḅara ḍuko ye.

Danẹlị 4:3

Tamụnọ ḅụụ-gbiripuma-aị ma ḅakam! Ọ̀ kọrịarị ịkịan ma kụrọ nyanam! Tamụnọ ḅe anie sime gbamaso amadaḅọ; ọ̀ ḅẹrẹtọn mu ḅẹẹ-sakị ḅẹẹ-sakị la ḅa.

Danẹlị 4:6

À nwẹnị tọn mịnẹ ịn mu Babịlọnị ḅụ simearị Ye-nimiapụ mamgba sịn ḅoo, ịn ḍawọ mẹ puu-finji ị̀ pịrị ḅẹ ḅara.

Danẹlị 5:7

Ọ̀ nwẹnị oloku tẹ ḅẹẹ mịnẹ kịnị fọnya-fọnya mu ibiam-tiapụ ma na, arịapụ ma na pịkị so-ḍikiapụ ma na sịn ḅoo. Ịn sọ ḅo tẹso, amadaḅọ ḅe nwẹnị ịn ḅẹẹ, “Mị kẹẹ ye mẹ go, pịkị anị fieye ḍuko ị̀ pịrị ḅọ goḅọ-goḅọ, ịn amadaḅọ vọrọrọ-kapa kẹ mḅọ sụa ḅa, pịkị kpọma ye la golu-golu pọkọsụaye kẹ mḅọ pọkọ sụa ḅa, tẹ mḅọ tẹrẹị karama opu ḅọ sọ ḅa mị sịẹ mẹ ḅụ.

1 Samụẹlị 6:2

Filisiteniapụ ma nwẹnị agbamịẹapụ ma na, ḅịrị-tọrụ kẹ ye ẹrịarị apụ ma na sịn, tẹ gbela, “Wa tọ-ḅara kẹ KỊNỊNYANAḄỌ ḅe Ọḅọkụ-Igbe mẹ mịẹ ḅẹ? Wa kẹ anị na sụa anị ḅẹ sime anga fịrị ḅẹ ye ḍuko wa pịrịị.”