Danẹlị 1:2 - FỊAFỊA BAỊBỤLỤ

² KỊNỊNYANAḄỌ ḅe minini ọ̀ pịrị tẹ ori Ama-da Jehohakịnị kun tẹ pịkị Tamụnọ-warị mẹ ḅẹ ngọ ma ḅẹ jaị fọịn ọkịm. Ori ikoliapụ ḅara kẹ jen-apụ ọkị ọ́ ḅụ sụa so ori atamụnọ ma warị mum Babịlọnị ḅụ, tẹ fọịn so ngọ ma kẹ ọ̀ tẹkẹarị tamụnọ-warị mẹ ḅẹ ye koko aḅio ḅụ kokom.

Danẹlị 1:2 Iomraidhean Croise

Suku-saakị 10:10

Ori ama-da ye-yọ suku-saakị anga anie: Babẹlị na, Ẹrẹkị na, Akadị na — arịmgba Sina (anie Babịlonịya) ḅụ simem.

Suku-saakị 11:2

Tomi ịrụa-saakịarị-anga mẹ ḅụ mẹnjị ikelema-koroarị ogbo, ịn nwẹnị Babịlonịya nwẹn-sịn anga ḅụ tụndụ ofori lẹsẹrẹtẹ ye-yọ ḍọkị-ẹrị tẹ anịjụ koro anga.

2 Amadapụ 24:1

Ori Ama-daarị eneḅaka ḅụ mie Nebukadineza Babịlọnị ḅẹ amadaḅọ ḅe ḅo Juda gbaịn tẹ fọịn yee, tẹ Jehohakịmụ nwẹnị tẹra kụra kẹ ọ̀ fịrịmẹnjịḅọ so; anịtẹso ọ̀ nwẹnị pịkị tẹ sịḅị-kụrọma ọ̀ pịrị

2 Paka-aị 36:5

Jehohakịmụ sịḅị si sọnọ akụra finji ḅọrọ tẹso, ọ̀ saakị ama-dam, tẹ oyi gbọrụ kụra finji kẹ Jeruselemu ḅụ ama-dam. Ọ̀ KỊNỊNYANAḄỌ ọ̀ Tamụnọ ḅe ḍiki-tọrụ ḅụ siye mịẹm.

2 Paka-aị 36:7

Nebukadineza pịkị KỊNỊNYANAḄỌ ḅe warị ḅẹ ẹfẹrẹ ma ḅẹ pakịrị dogi-so Babịlọnị mum tẹ arị kẹ Babịlọnị ḅụ ọ̀ warị amadapụ opu warị mẹ ḅio koromam.

Ẹzịra 1:7

Sayịrọsị amadaḅọ ḅe pịkị KỊNỊNYANAḄỌ ḅe warị ḅẹ ẹfẹrẹ ma tẹ Nebukadineza Jeruselemu ḅụ dogi-so tẹ kẹ ori atamụnọ warị mẹ ḅio koroma aị ma ọkị-ḅom.

Ayịzaya 11:11

Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.

Ayịzaya 42:24

Tụḅọ Izirẹlị koroma-so ama kẹ fọịn apụ pịrị? KỊNỊNYANAḄỌ ḅe ḅioju, in si kẹ mịẹ ḅọ ḅe! Wa ḍụkụ tẹ ò ḅiim wa ḍumo kọn ḅẹ ḅara kẹ ḍumo kọn-a anịanịa ọ̀ kẹ wa pịrị tolumaye mẹ poki tẹ mị.

Jerimaya 25:1

Jehohakịmụ Josaya tụḅọ ḅe Juda da tẹ ini akụra karama kụra mẹ ḅụ, à KỊNỊNYANAḄỌ ḅe ḅara ḅo oku nyanam, anie Juda ḅẹ apụ mamgba gboloma ye. (Miemẹ anie Nebukadineza Babịlonịya da tẹ tarị kụra mẹ ḅụ)

Jerimaya 27:16

Anịtẹso à ḍuko agbamịẹapụ ma na tomi ma na pịrịm mịnẹ KỊNỊNYANAḄỌ ḅe ḅẹẹm: “Ọmịnị ịkịankoroapụ ma poki ma, anie ḅẹẹarị apụ ma mịnẹ Tamụnọ-warị ḅẹ ngọ ma, ala-a ịn Babịlonịya ḅụ arị kẹ pịkịma-ḅo ḅa. Ini iruo ọ́ pịrịarị.

Jerimaya 28:3

Maa kụra la ḅẹ sakị Tamụnọ-warị ḅẹ ngọ mamgba tẹ Ama-da Nebukadineza ọkị so Babịlonịya mu aị ma à kẹ pịkị-ḅo mịanga lama ḅa.

Jerimaya 35:11

Kụma Nebukadineza, Babịlonịya ḅẹ amadaḅọ owu kẹ mị ama mẹ paka sakị wa tọn pẹlẹm wa so Jeruselemu mu tẹ Babịlonịya na Siriya na ḅẹ apụ ma ọmụ-ogbo-ogbo ma aḅara gbarị. Anie wa gotẹ Jeruselemu ḅụ angarị.”

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 51:44

À fomu-ḅara kẹ Bẹlị pịrị ḅa, Babịlonịya ḅẹ tamụnọ ḅe, tẹ ọ̀ mịẹ tẹ ori ò furu tẹ ngọ ma pakama-ḅo nyana apụ pịrị ḅa; sịẹ-sịẹ ma ḅarị jen kẹ sunsin ọ̀ pịrị ḅịa.” Babịlọnị ḅẹ onu ma ḅịkị tẹẹ.

Danẹlị 5:13

Ịn nwẹnị anị-gbọrụ-kirikiri Danẹlị kẹ amadaḅọ ḅe tọrọkọ ḅo, tẹ amadaḅọ ḅe nwẹnị ọ̀ ḅẹẹ, “Ị́yẹrị anie Danẹlị ḅe aro, anị Juu-ḅẹ omoniḅọ ḅe tẹ ị̀ ḍa Juda sịẹ ḅụ ọkị-ḅo ḅe?

Danẹlị 5:18

“Kụrọmamgba-Nyana Tamụnọ ḅe ị́ ḍa kẹ gburo-gburo amadaḅọ sọmam tẹ ebube na opu na kẹ ọ̀ pịrịm.

Habakọkụ 1:16

Ịn pịkị sunsin ịna ịgbọ ma pịrị tẹ agba mịẹ arị pịrịarị, ịna ịgbọ ma ye goyegoye ḅẹ iḅi tẹịn ye nyana ḅo ịn pịrịarị ẹrẹsị.”

Zẹkaraya 5:11

Ọ̀ pakịrịm, “Ịn kẹ Babịlonịya muarị, ịn tamụnọ-warị nama anị pịrị ḅẹ anga. Ịn tamụnọ-warị mẹ nama fama tẹ ḅẹḅẹ, ịn kana mẹ kẹ anịanga koroma tẹ sunsin anị pịrị ḅa.”

Ditẹrọnọmị 32:30

Gbọrụḅọ tọ-ḅara kẹ kịnị maa ẹndẹ oyia asi finji ḍuka na-iḅi, tẹ maa apụ kịnị puku, sọnọ ẹndẹ finji dee mangịma, ịna Ịkụ Ḅe ịn dẹrị tẹ sikima tẹ KỊNỊNYANAḄỌ ḅe ịn wẹrịso tẹ?

Ḅẹrẹkọn-apụ 2:14

Anieḅụ KỊNỊNYANAḄỌ ḅe ịganị kẹngẹma Izirẹlị ọgọnọ saram tẹ ori ịn kẹ inima tẹ kụrọ ḅara kẹ ngọ fọịn-arị apụ ma ḅara-ḅio suu, tẹ ini ịn fọịnm; ọ̀ pịkị ịn kẹ ini na fịya-a tẹ ini ikelema-koro wararị apụ ma kụrọ ḅio dẹrịmam, anie mịẹtẹ ini inetẹ ḅarị ini na fịya-a apụ ma kuḅu sịẹ-a.

Ḅẹrẹkọn-apụ 3:8

Ọkọẹrẹsị, KỊNỊNYANAḄỌ ḅe ịganị kẹngẹma Izirẹlị da-pakam, tẹ ọ̀ nwẹnị ịn kẹ Kusani Rusatemu, Mẹsopotemịya ḅẹ amadaḅọ ḅe ḅara-ḅio dẹrịma, tẹ Izirẹlịapụ ma ninea kụra kẹ fịrịmẹnjị Kusani Risatemu pịrịm.

Ḅẹrẹkọn-apụ 4:2

Anie ḅụ KỊNỊNYANAḄỌ ḅe mịẹtẹ Jabini, Kenanị ḅe amadaḅọ ḅe tẹ Hazọ ḅụ sime tẹ ama-da ḅọ ḅe ịn nẹngịmam. Ori ọmụ-ogbo ḅẹ ḅẹrẹtọnḅọ ḅe anie Sisera, oriḅe tẹ Harosẹtị-agoyimụ ḅụ sime ḅọ ḅe.

1 Samụẹlị 5:2

anịtẹso Filisiteniapụ ma anị ọkị-ḅo Degọnị warị ḅio suu tẹ anị kẹ Degọnị akaka ḅụ wẹrịm.