2 Samụẹlị 9:7 - FỊAFỊA BAỊBỤLỤ

⁷ Devidi nwẹnị ọ̀ ḅẹẹ, “Ḅalafa ma, kẹ gotẹ ọkọ ḅẹẹarị, ị́ ḍa Jonatanị gotẹ arị iḅi-anga kẹ ị́ na kọn ḅa, tẹ í opu ḍaḅọ Sọlụ kiri mẹmgba pịkịma ị́ pịrị ḅa, anịsakị ị̀ dẹbịlẹ ḅụ mie sakị mamgba í fịye fị ḅarị” ye.

2 Samụẹlị 9:7 Iomraidhean Croise

Suku-saakị 43:18

Tomi ma ḅalafaam ini ịn kẹ Josẹfụ warị ḅo ye mẹ ẹrẹsị, tẹ ịn nwẹnị ḅẹẹ, “Igbigi mẹ tẹ tarị sakị mẹ ḅụ ịn kẹ pịkị wamịna akpa ḅio sụa ye mẹ mie in gotẹ wa ọkị-ḅo ọ̀ warị ḅio suu ye, mịẹtẹ ọ̀ ḅọkọ ḍọkị tẹ owu kẹ wa paka tẹ wa kẹ omoni atomi mịẹ, tẹ wamịna yedogi-anama kọrị-ọkị ḅarị ḅara.”

Suku-saakị 43:23

Fịrịmẹnjịḅọ ḅe nwẹnị pakịrị, “Ọmịnị ịnyọ ḅaa, tẹ ḅalafa ma, sosi ọmịna Tamụnọ, pịkị ọmịna ḍaḅọ Tamụnọ ḅe ngọ kẹ ọmịna akpa ma ḅio sụa ọ́ pịrị tẹ. Ọmịna igbigi à daa-ọkịm.” Anịtẹso ọ̀ nwẹnị Simiyọnị pakama-ḅo ịn pịrị.

2 Samụẹlị 12:8

tẹ à nwẹnị ị́ sịḅịdaḅọ warị na, ị́ sịḅịdaḅọ sime-ereme na kẹ ị́ pịrị, nwẹnị pịkị Izirẹlị warị mẹ na, Juda warị na kẹ ị́ pịrị; tẹ miemẹ nwẹnị ị́ ḅụụ ḅụ ịrụ ḅaka ḅaka, à jaị-jaị kẹ sụa ị́ pịrị ḅarị ya.

2 Samụẹlị 19:28

Kẹ gotẹ ọkọ ḅẹẹarị, ị̀ ḍa warị mẹmgba anie tomi tẹ ịn fịị pẹlẹ pịrị tẹ apụ famam, ị́yẹrị ị̀ nyanaḅọ ḅe tọrọkọ; kụma ị́ yẹrị ị̀ fịrịmẹnjịḅọ kẹ inima tẹ ị́ dẹbịlẹ ḅụ fịye fịarị apụ ma ogbo-ḅio wẹrịm. Anịtẹrẹmẹ tọ jen ye sime ị̀ pịrị na-iḅi tẹ àrị owu ị́yẹrị ị̀ nyanaḅọ ḅe pịrị ḅẹ?”

2 Samụẹlị 19:29

Tẹ amadaḅọ ḅe nwẹnị ọ̀ ḅẹẹ, “Í tiegotẹ paa ị́ amịẹaị ḅẹ jaị ẹkwẹn-arị? À tọn-pẹlẹ tẹẹ, ị́yẹrị na Ziba na kiri mẹ ḍiema ḅa.”

2 Samụẹlị 19:33

Amadaḅọ ḅe nwẹnị Bazilayị ḅẹẹ, “Ḅo ị̀ ḅụụ sọ tẹ ị̀ na saḅa Jeruselemu muu, anịsakị ị́ ị̀ na Jeruselemu ḅụ emi ye ḅụ àrị í ḅii-ye ḅii-ye kẹ ị́ pịrị ḅa.”

2 Samụẹlị 21:7

Kụma amadaḅọ ḅe na Jonatanị na KỊNỊNYANAḄỌ ḅe tọrọkọ fị wararị ọḅọkụ mẹ gotẹ, ọ̀ nwẹnị Mẹfibosẹtị Jonatanị owiḅọtụḅọ, pịkị Sọlụ taa-owiḅọtụḅọ ḅe wẹrịso.

2 Samụẹlị 9:1

Devidi nwẹnị gbela, “Sọlụ warị mẹ ḅụ kirikọn gbọrụḅọ paa paka ḅịa, mịẹ tẹ à Jonatanị gotẹ iḅi-anga kẹ mḅọ na kọn ḅẹ ḅara?”

2 Samụẹlị 9:10

Anịsakị ị́yẹrị na, í owiapụ-awọmẹ na ị́ afịrịmẹnjịapụ na, ḍụọ ḍiḅi-ḍiḅi ọ̀ pịrị ḅa, anị ḅio paka-ḅo aị ọkị-ḅo ḅa, mịẹ tẹ ị́ sịḅịdaḅọ taa-owiḅọtụḅọ ḅe inetẹ fịye nyana tẹ fị ḅẹ ḅara; kụma Mẹfibosẹtị ị́ sịḅịdaḅọ taa-owiḅọtụḅọ ḅe sakị mamgba ị̀ dẹbịlẹ ḅụ fịye fị ḅa.” Mịọkụ Ziba owiapụ-awọmẹ jei apụ na, fịrịmẹnjịapụ si-kem na nyana wararị.

2 Samụẹlị 9:11

Anịtẹso Ziba nwẹnị amadaḅọ ḅe ḅẹẹ, “ị̀ nyana amadaḅọ ḅe wẹrịtẹ tọn ọ̀ fịrịmẹnjịḅọ pịrị ḅara mamgba, anị ḅara mie ị̀ fịrịmẹnjịḅọ mịẹ ḅarị ḅara.” Anieḅụ Mẹfibosẹtị amadaḅọ ḅe owiapụ-awọmẹ ma fịye fị ḅara kẹ Devidi dẹbịlẹ ḅụ fịye fịm.

2 Samụẹlị 9:13

Anieḅụ Mẹfibosẹtị Jeruselemu ḅụ angam; anị gotẹ ọkọ mịẹ ye ọ̀ sakị mamgba amadaḅọ ḅe dẹbịlẹ ḅụ fịye fịarị. Mịọkụ ori maa ḅụọ mamgba ḅụ ori ekeli wararị.

2 Samụẹlị 9:3

Devidi nwẹnị gbela, “Sọlụ warị mẹ ḅụ gbọrụḅọ paa paka ḅịa, mịẹ tẹ à Tamụnọ iḅi-anga mẹ kẹ mḅọ na kọn ḅẹ ḅara?” Ziba nwẹnị amadaḅọ ḅe pakịrị, “Jonatanị gbọrụ owiḅọtụḅọ paa emi; ori ngụrọ kọn-arị.”

1 Amadapụ 2:7

“Kụma iḅi-anga kẹ Bazilayị, Gilẹdị ḅụ ḅo ḅọ ḅe owiapụ-awọmẹ ma na angaa tẹ ịna ḍikiḍikii, gbala ini iḅi-anga kẹ ị̀nịna kọnm àrị iyimbere Abusalọmụ ḅụụ fịị mangị kọn-arị sakị ḅụ.

2 Amadapụ 25:29

Anieḅụ Jehohakịnị nwẹnị ori oju ḅụụ ikoli opu akapa ma siin-koroma. Ọ̀ nwẹnị ò ḍumo ḅụ ene-ḅaaene-ḅaaene, sakị mẹmgba amadaḅọ ḅe dẹbịlẹ ọgọnọ ḅụ yefịm.

Devidi-Anume 41:9

Ị̀ iḅi tẹịn ikiaḅọ ḅe, tẹ à kẹ ḅiokpọma tẹịn ḅọ ḅe, ị̀ na ị̀ fịye fị-fị ḅọ ḅe sọ, pịkị tẹ ị̀ na tụḅụrụ tẹẹ.

Jerimaya 52:33

Anie ḅụ ò minini Jehohakịnị pịrịtẹ ori ikoli kapa ḍima tẹ amadaḅọ ḅe dẹbịlẹ ḅụ fịye fịm ò ḍumo mu la ene mamgba ḅụ.

Zẹkaraya 7:9

“Alatẹ sakị kụra ḅio à ma oloko ma sụa ị̀ atomi pịrịm: ‘Ọmịnị ẹrị mịnẹ ọ́ jụmọ-jụmọ inoma-a, tẹ iḅi ḅara na ọkụrụkụrụ ḅara kẹ jụmọ-jụmọ na angarị.

Matiyo 6:11

Mịmgba wa fị na-iḅi fịye kẹ wa pịrịị.

Luku 22:30

Ị̀ Ama mẹ ḅụ ọ́ fị-na-ḅuu-na ḅa ị̀ dẹbịlẹ ọgọnọ, tẹ ọ́ pịkị ọrụ emine, emine ḅụ lẹgị tẹ ḅẹrẹtọn ḅa Izirẹlị oyi maa furo finji ma ḅụ.

Mịẹfinji 3:20

Pokii! À ḅọkọ anga sịẹ tẹ ḅọkọ mẹ ḅakụarị, ị̀ pọkọ lekiri tẹ ḅọkọ mẹ finji ị̀ pịrị ḅọ emi-emii, à sọ mḅọ warị ḅio mu tẹ mḅọ na fịye fị ḅa, tẹ mḅọ ị̀ na fị gboloma ḅa.

1 Samụẹlị 12:24

Ọmịnị paa KỊNỊNYANAḄỌ ḅe ḍiki-ḅalafaa tẹ minini nyana ḅara kẹ ọmịna ḅioḅẹngbọ mẹmgba kẹ fịrịmẹnjị ọ̀ pịrịị, kẹ gotẹ ọkọ ḅẹẹarị, gburo-gburotẹ opu aị ma tẹ ọ̀ mịẹ-mịẹ ọ́ pịrị tẹ aị ma ọ́ nwẹn kẹ ḅiokoromaa.

1 Samụẹlị 20:15

anịsakị ị̀ warị ḅụ í minini ḅẹlẹma mẹ pẹlẹ-siin ma gbamasoo, KỊNỊNYANAḄỌ ḅe tomikiri mẹ ḅẹ tọrụkuḅu mẹ ḅụ ḅẹḅọ-ḅẹḅọ tẹ Devidi na fịya-a ḅọ pẹlẹ-siin ḅẹ sakị,

1 Samụẹlị 22:23

Ị̀ na simee, ḅalafa ma; kẹ gotẹ ọkọ ḅẹẹarị, oriḅe tẹ ì ḍumo fama ḍọkịarị ḅọ ḅe mie pịkị í ḍumo fama ḍọkịarị; ị́ ị̀ na emi ọkụma, ị́ la-la ye ofori.”