2 Samụẹlị 9:6 - FỊAFỊA BAỊBỤLỤ

⁶ Mẹfibosẹtị, Jonatanị owiḅọtụḅọ, pịkị Sọlụ taa-owiḅọtụḅọ ḅe nwẹnị Devidi ḍọkụma-ḅo, tẹ kụn pịrị ḅụ ọ̀ tọrụkuḅu kẹ ḅịkị kiri koro. Tẹ Devidi nwẹnị Mẹfibosẹtị sịn, “Mẹfibosẹtị!” Tẹ ọ̀ nwẹnị pakịrị, “Ḍikii, mie ị́ fịrịmẹnjịḅọ ḅee.”

2 Samụẹlị 9:6 Iomraidhean Croise

Suku-saakị 18:2

Ori ọ̀ tọrụ saakị tẹ ḍikim, tẹ tẹra owiapụ ẹrịm ini ọ̀ tọrọkọ ḅụ sịẹsime wararị. Ori in ẹrị tẹso, ọ̀ nwẹnị akpụrụ-warị mẹ ḅọkọ mẹ ḅụ mangị ini na bịama ḅẹ mu, tẹ ọ̀ sịḅị-tuu mu kiri lama,

Suku-saakị 33:3

Oriḅe ḅioju nwẹnị mẹnjị inimgba tọrọkọ ḅọrọ tẹ sọnọma asakị kẹ ọ̀ sịḅị-tuu-tuu mu kiri lama nwenii ò ḅo ò iyimbere kpekim.

2 Samụẹlị 1:7

Ọ̀ tọrụ-pịkị ori ọḅụ ḍiki tẹso, ọ̀ nwẹnị ị̀ ẹrị, tẹ ị̀ sịn. À nwẹnị pakịrị, ‘Mie yẹrịị.’

2 Samụẹlị 16:4

Anịtẹso amadaḅọ ḅe nwẹnị Ziba ḅẹẹ, “Ọkọọ ḅẹḅẹ, mịọkụ ye mamgba tẹ sime Mẹfibosẹtị pịrị aị goyegoye í nye.” Ziba nwẹnị pakịrị, “À kụn kẹ ị́ pịrịm, yee à sakị mamgba í ḍiki-tọrụ ḅụ ḍiki-ḅụụjịrị ḍọkị-ẹrị ị̀ nyana amadaḅọ.”

2 Samụẹlị 21:7

Kụma amadaḅọ ḅe na Jonatanị na KỊNỊNYANAḄỌ ḅe tọrọkọ fị wararị ọḅọkụ mẹ gotẹ, ọ̀ nwẹnị Mẹfibosẹtị Jonatanị owiḅọtụḅọ, pịkị Sọlụ taa-owiḅọtụḅọ ḅe wẹrịso.

2 Samụẹlị 4:4

Jonatanị, Sọlụ owiḅọtụḅọ ḅe gbọrụ owiḅọtụḅọ tẹ ngụrọ-kọnḅọ nyanam, Sọlụ na Jonatanị gboloma oku mẹ ḅo Jẹzirili la sakị anie ọ̀ sịḅị sọnọ akụra; tẹ ò ḍikiḍikiarị ḅọ ò dogi ḍumo-mangị kọnm; tẹ árị ḅẹ fọnya mangị ḅụ, ọ̀ ḅịkịm, tẹ ekelim. Ori ẹrẹ anie Mẹfibosẹtị.

2 Samụẹlị 9:5

Anịtẹso Devidi nwẹnị fịrịma mu Lodeba ḅụ Mahaka, Amịyẹlị owiḅọtụḅọ ḅe warị ori ọkị-ḅo.

1 Paka-aị 8:34

Jonatanị anie Mẹrịbị-balị ḍa, Mẹrịbị-balị anie Mayịka ḍa.

1 Paka-aị 9:40

Jonatanị owiḅọtụḅọ anie Mẹrịbị-balị; Mẹrịbị-balị anie Mayịka ḍa.

1 Samụẹlị 20:41

Tẹ owiḅọtụḅọ ḅe paa so gbọrụ sakị, Devidi nwẹnị kpoli wararị aḍụḅarị ma akaka ḅụ saakị, tẹ ọ̀ tọrụkuḅu kẹ kiri-ḅio ḅịkị-koro, tẹ tẹra asakị kẹ sịḅị-tuu, tẹ in nwẹnị ḅẹlẹma ḅara ḅụ ekpe kẹ jụmọ-jụmọ fịnama, tẹ tẹmẹ-la ḅara kẹ owu gbolomam, nwenii Devidi siin amịna ḅụụ kẹ ḅiokoromam.

1 Samụẹlị 25:23

Abigẹlị, Devidi ẹrị tẹso, á nwẹnị fọnya mịẹ, tẹ yedogi-nama mẹ ọgọnọ koro, tẹ nwẹnị á tọrụkuḅu kẹ Devidi tọrọkọ ḅịkị, tẹ sịḅị-tuu mu kiri lama.