2 Samụẹlị 9:1 - FỊAFỊA BAỊBỤLỤ

¹ Devidi nwẹnị gbela, “Sọlụ warị mẹ ḅụ kirikọn gbọrụḅọ paa paka ḅịa, mịẹ tẹ à Jonatanị gotẹ iḅi-anga kẹ mḅọ na kọn ḅẹ ḅara?”

2 Samụẹlị 9:1 Iomraidhean Croise

2 Samụẹlị 1:26

Ì iyimbere Jonatanị, à ḅioḅu ị́ pịrịm; ị́ ị̀ ḅụụ yela lamam; ị́ nyana ị̀ pịrị ḅẹlẹma ḅụụ-gbiripumam, anị eremịna ḅẹlẹma sọ ḅọrọm.

2 Samụẹlị 21:7

Kụma amadaḅọ ḅe na Jonatanị na KỊNỊNYANAḄỌ ḅe tọrọkọ fị wararị ọḅọkụ mẹ gotẹ, ọ̀ nwẹnị Mẹfibosẹtị Jonatanị owiḅọtụḅọ, pịkị Sọlụ taa-owiḅọtụḅọ ḅe wẹrịso.

2 Samụẹlị 9:7

Devidi nwẹnị ọ̀ ḅẹẹ, “Ḅalafa ma, kẹ gotẹ ọkọ ḅẹẹarị, ị́ ḍa Jonatanị gotẹ arị iḅi-anga kẹ ị́ na kọn ḅa, tẹ í opu ḍaḅọ Sọlụ kiri mẹmgba pịkịma ị́ pịrị ḅa, anịsakị ị̀ dẹbịlẹ ḅụ mie sakị mamgba í fịye fị ḅarị” ye.

1 Amadapụ 2:7

“Kụma iḅi-anga kẹ Bazilayị, Gilẹdị ḅụ ḅo ḅọ ḅe owiapụ-awọmẹ ma na angaa tẹ ịna ḍikiḍikii, gbala ini iḅi-anga kẹ ị̀nịna kọnm àrị iyimbere Abusalọmụ ḅụụ fịị mangị kọn-arị sakị ḅụ.

Egberima-Ẹkwẹn 27:10

Í ikiapụ anịanịa ị́ ḍa ikiapụ kẹ ḅioḅọrọma ma. Ḅụụ-fụka ị́ la ḅẹḅẹ, í iyimbere ḅara ḅarasụa ḅii ma; jen tomḅọ inetẹ ḅarasụa ḅele-fa wararị mịnaḅọ nẹngị lama ḅa.

Matiyo 10:42

Ọmịnị inetẹ nimi na-iḅim, mịnẹ ḅẹḅọ-ḅẹḅọ tẹ oḅoku minji mọngị sụa ì ḍukamẹnjịapụ ma ḅụ iderima tẹịnḅọ pịrị ḅuu ḅọ, anị ḅọ mẹ ì ḍukamẹnjịḅọ gotẹ, piki-pikiye-ofori ḅara ḅụ mḅọ gbẹẹ-ye nyana ḅa.”

Matiyo 25:40

Amadaḅọ ḅe nwẹnị pakịrị ḅa, ‘À ḍuko ọ́ pịrịarị, ó miemẹ mịẹ tẹ kẹ mịna ị̀ amịnapụ ma ḅụ tomi kẹ ye-sịn-a apụ ma ḅụ iderima-tẹịn ḅọ mẹ pịrị sakị, pịrị sakị, ọ́ mịẹ ị̀ pịrị tẹẹ!’

Makị 9:41

À mịẹtẹ ó nimiarị mịnẹ gbọrụḅọ nwẹnị ó sime ị̀ pịrịm ẹrẹsị minji siye kẹ ọ̀ pịrị ḅuu kụma, piki-pikiye-ofori ḅara ḅụ, mḅọ amịna gbẹẹ-ye nyana ḅa.

1 Pita 3:8

Kunoma ye: ọmịnị-mgba gbọrụ kuroma nyana-a, ye pịkị gbọrụ ḅara kẹ ọmịnị ịnọọ; ọ́ mịnapụ ḅara kẹ jụmọ-jụmọ ḅẹlẹmaa; ọmịnị iḅi ḅara kẹ jụmọ-jụmọ na mịẹ tẹ ḅụụ iderima mḅọ pịrịị.

1 Samụẹlị 20:42

Anịtẹso Jonatanị nwẹnị Devidi ḅẹẹ, “Dein na muu, wamịnị maa apụ ma KỊNỊNYANAḄỌ ḅe ẹrẹ ḅụ ḅụụ-pikima tẹẹ, tẹ ḅẹẹm, ‘KỊNỊNYANAḄỌ ḅe ogbo-sịẹḅọ sọ yẹrị na ị́yẹrị na, ị̀ ḅụụ paka-ḅo apụ na, ị́ ḅụụ paka-ḅo apụ na pịrị gbamasoo.’ ” Tẹ Devidi nwẹnị saakị tẹ mẹnjị so; Jonatanị nwẹnị pịkị so opu ama mẹ ḅio mu.