2 Samụẹlị 7:3 - FỊAFỊA BAỊBỤLỤ

³ Netanị nwẹnị amadaḅọ ḅe ḅẹẹ, “Muu, ì ḅioḅẹngbọ sime ye mẹmgba mịẹ, kẹ gotẹ ọkọ ḅẹẹarị, KỊNỊNYANAḄỌ ḅe ị̀ na emi.”

2 Samụẹlị 7:3 Iomraidhean Croise

2 Samụẹlị 7:4

Kụma anị gbọrụ ḍin mẹ ḅụ KỊNỊNYANAḄỌ ḅe nwẹnị ẹkwẹn Netanị pịrị,

1 Amadapụ 1:8

Kụma Zadọkụ, agbamịẹḅọ ḅe na, Bẹnaya, Jehohada owiḅọtụḅọ ḅe na, Netanị ịkịankoroḅọ ḅe na, Simeyi na, Rehi na pịkị Devidi ḅụụ-ḍikiḍiki apụ ma na ini Adonịja ḅụ ofori.

2 Amadapụ 4:27

Kụma á ḅo tụndụ mẹ ḅụ Ịlayịsa la tẹso, á nwẹnị ọ̀ ḅụọ-suku fịnama. Gehazi nwẹnị á sukuruma siin ḅẹ ḅo, kụma Ịlayịsa nwẹnị ḅẹẹ, “Á wẹrịsoo, gbala ye ḅụụ ḅụ akụ ḅụụ-ḅalaḅala ḅio árị emi; tẹ KỊNỊNYANAḄỌ anị kẹ ị̀ ḅọịma tẹ amụ ḍuko ị̀ pịrị-a.”

1 Paka-aị 22:7

Devidi Sọlọmọnị ḅẹẹm, “Ị̀ tụḅọ, warị nama kẹ KỊNỊNYANAḄỌ ị̀ Tamụnọ ḅe ẹrẹ mẹ pịrị mẹ í ḅioḅẹngbọ ḅụ simem.

1 Paka-aị 28:2

Anịtẹso Devidi nwẹnị saakị sịẹsime tẹ ḅẹẹ, “Ị̀ amịnapụ na, ị̀ atomi na, ọmịnị ì pokii. Anị ì ḅioḅẹngbọ ḅụ simem ịnyọsara warị nama tẹ kẹ KỊNỊNYANAḄỌ ḅe Ọḅọkụ-Igbe mẹ pịrị tẹ anị pịkị sime wamịna Tamụnọ ḅụọ gbana ịkasiye pịrị; tẹ àrị ị̀ ḅụụ tẹlẹma anị nama mẹ pịrịm,

1 Paka-aị 29:29

Mịọkụ Amadaḅọ Devidi tarị ye-mịẹ-ḅara ọkị mu kunoma la, Samụwẹlị so-ḅịrịḅọ ḅe Paka-aị kẹẹ Ḍiri mẹ ḅio na, Netanị ịkịankoroḅọ ḅe Paka-aị kẹẹ Ḍiri mẹ ḅio na, Gadi so-ḅịrịḅọ ḅe Paka-aị kẹẹ Ḍiri mẹ ḅio na,

2 Paka-aị 29:25

Ọ̀ nwẹnị Livayị furo-ḅẹ-apụ ma na saịn-saịn-aị ma na, ọbọ ma na, alili ma na kẹ Devidi na, Gadi, amadaḅọ ḅe so-ḅịrịḅọ ḅe na, Netanị ịkịankoroḅọ ḅe oloko mẹ wẹrịtẹ ḅẹẹ ḅara ḅụ KỊNỊNYANAḄỌ ḅe warị mẹ ḅio wẹrị: gbala KỊNỊNYANAḄỌ ḅe ori ịkịankoroapụ ma ḅụụ ḅụ ḅọrọtẹ ọkọ ḍukom ẹrẹsị.

Devidi-Anume 20:4

Yee ori ị́ tẹmẹ ịgbanịarị ye mẹ kẹ ị́ pịrị; tẹ ị́ tọn aị mamgba lolo.

Devidi-Anume 37:4

KỊNỊNYANAḄỌ ḅe ḅụ í ḅioḅẹlẹ ḍọkị; anịsakị ori ị́ tẹmẹ ịgbanịarị aị ma kẹ ị́ pịrị ḅa.

1 Jọnị 2:27

Ọmịnị kịngẹ kụma, Kịrayịsị ọ̀ Tẹmẹ ḅe kẹ ọmịna ọgọnọ ọsụma sara tẹ. Ọ̀ Tẹmẹ ḅe ọmịna ḅụụ ḅio emi sakị goyegoye, ò ḅii ḅịa kịnị ye kẹ ó toluma. Kẹ gotẹ ọkọ ḍukoarị, ọ̀ Tẹmẹ ḅe ye goyegoye kẹ ó tolumarị, anịsakị ò tolumarị ye mẹ karakaram, iruo ye ofori. Ọ́ Fịafịa Tẹmẹ ḅe tolumarị ye mẹ mịẹ, tẹ Kịrayịsị na gbọrụ ḅụ simee.

1 Samụẹlị 10:7

Mịọkụ mịna elekima ma ḅo ị́ na donia sakị, ị́ ḅara mịẹ ḅẹ ḍọkị ye ḍọkị ye mịẹ, kẹ gotẹ ọkọ ḅẹẹarị, Tamụnọ ị́ na emi.

1 Samụẹlị 14:7

Ori ọmụ-aị dogiḅọ ḅe nwẹnị ọ̀ ḅẹẹ “Ị́ mịẹ ḅẹ tẹ ị́ ḅioḅẹngbọ kuroma ye mẹmgba mịẹẹ. Ḍikii, àrị ị́nịna emi; anị wẹrịtẹ í ḅioḅẹngbọ sime-ḅara, mie anị ì ḅioḅẹngbọ sime-ḅara.”

1 Samụẹlị 16:7

Kụma KỊNỊNYANAḄỌ ḅe nwẹnị Samụwẹlị ḅẹẹ, “Ọ̀ sime-ḅara, anịanịa ò gele la ḅara ḍiki ma. Àrị ọ̀ sịkị tẹẹ ẹrẹsị, kẹ gotẹ ọkọ ḅẹẹarị, à tomḅọ ye ḍiki ḅara kẹ ye ḍiki-a. Tomḅọ paka-ḅo tẹ sime-ḅara mie tomi ḍikiarị ye, kụma yẹrị, ḅioḅẹngbọ mẹ mịẹ à ḍikiarị ye.”