2 Samụẹlị 5:3 - FỊAFỊA BAỊBỤLỤ

³ Anieḅụ Izirẹlị ḅẹ omongiapụ mamgba Hẹbụrọnị ḅụ amadaḅọ ḅe ḍọkụma-ḅom; tẹ Amadaḅọ Devidi, Hẹbụrọnị ḅụ KỊNỊNYANAḄỌ ḅe tọrọkọ ini na ọḅọkụ fịm, tẹ ịn nwẹnị pulo kẹ Devidi sịḅị sara, tẹ ọ̀ kẹ amadaḅọ mịẹ Izirẹlị pịrị.

2 Samụẹlị 5:3 Iomraidhean Croise

2 Samụẹlị 2:4

Juda ḅẹ owiapụ ma paka-ḅom, tẹ anịjụ ḅụ tẹ pulo kẹ Devidi sịḅị saram, amadaḅọ sọ Juda warị mẹ pịrịị. “Jabẹsị-giliyadị ḅẹ owiapụ mie Sọlụ ḍiḅi ye,” ịn nwẹn ḍuko Devidi pịrị tẹso,

2 Samụẹlị 2:7

Anịẹrẹsị yee mịọkụ ọmịna aḅara kụrọ, tẹ ó ḅiokpọma owu sọ, kẹ gotẹ ọkọ ḅẹẹarị, Sọlụ ọ́ nyanaḅọ ḅe ọ̀ fịị tẹ, anịsakị Juda warị mẹ pulo kẹ ị̀ sịḅị sara tẹ, arị amadaḅọ sọ ịn pịrịị.”

2 Samụẹlị 3:21

Abụna nwẹnị Devidi ḅẹẹ, “À saakị tẹ so ḅa, tẹ Izirẹlị mẹmgba kobiri ị́ nyanaḅọ amadaḅọ ḅe pịrị ḅa, mịẹ tẹ ini ị́ na ọḅọkụ fị ḅẹ ḅara, anieḅụ ị́ inetẹ ama-da í ḅioḅẹngbọ ḅii apụ mamgba pịrị ḅa.” Anieḅụ Devidi, Abụna fịrịma som; tẹ ò dein na som.

1 Amadapụ 1:34

Anị yọ ḅụ Zadọkụ agbamịẹḅọ ḅe na, Netanị ịkịankoroḅọ ḅe na pulo kẹ ọ̀ sịḅị saraa Izirẹlị ḅẹ amadaḅọ ḅara ḅụ. Anịsakị ọmịnị ọdụ mẹ ofuro tẹ oloku, ‘Ḍumo nangwọmaa Amadaḅọ Sọlọmọnị!’

2 Amadapụ 11:17

Jehohada nwẹnị amadaḅọ ḅe na tomi ma na mịẹtẹ ịn KỊNỊNYANAḄỌ ḅe na ọḅọkụ fịm mịnẹ ịn sime KỊNỊNYANAḄỌ ḅe pịrị atomi sọọ, amadaḅọ ḅe na tomi ma na pịkị ọḅọkụ fịm,

1 Paka-aị 11:1

Anịtẹso bebe Izirẹlị mamgba nwẹnị amịna ḅụụ kobiri gboloma tẹ Hẹbụrọnị ḅụ Devidi ḍọkụma-mu tẹ ọ̀ ḅẹẹ, “Ḍikii, wamịnị ma anie sime ị́ pịrị mgbe na meni na.

1 Paka-aị 11:3

Anieḅụ Izirẹlị ḅẹ omongiapụ mamgba nwẹnị Hẹbụrọnị ḅụ amadaḅọ ḅe ḍọkụma-ḅo; tẹ Devidi nwẹnị KỊNỊNYANAḄỌ ḅe tọrọkọ ini na ọḅọkụ fị Hẹbụrọnị ḅụ, tẹ ịn nwẹnị Izirẹlị ḅẹ amadaḅọ ḅara ḅụ pulo kẹ Devidi sịḅị ḅụ sara. KỊNỊNYANAḄỌ ḅe ẹkwẹn mẹ wẹrịtẹ kọn ḅara Samụwẹlị ḅụụ ḅụ.

1 Paka-aị 28:4

Anịsọ KỊNỊNYANAḄỌ Izirẹlịapụ tẹkẹarị Tamụnọ ḅe ị̀ ḍa warị mẹmgba ḅụ ị̀ sẹlẹ-ọkịm à ḅo Izirẹlị ḅụ ama-da gbamasoo; ọ̀ gbala tọrọkọ-tarịḅọ ḅara kẹ Juda sẹlẹ-ọkịm, tẹ Juda warị mẹ ḅio ị̀ ḍa warị sẹlẹ-ọkịm, tẹ ị̀ ḍa owiapụ-awọmẹ ma ogboku ḅụ arị ọ̀ ḅụụ-ḅẹlẹm tẹ ori ị̀ kẹ Izirẹlị mẹmgba ḅụ ama-damam ẹrẹsị.

2 Paka-aị 23:16

Jehohada nwẹnị mịẹ tẹ ò ḅioju na, tomi mamgba na, amadaḅọ ḅe na ọḅọkụ fị mịnẹ in KỊNỊNYANAḄỌ ḅe atomi sọ ḅa.

Nehimaya 9:38

Mie-mẹmgba gotẹ wa kụrọtẹ ọḅọkụ fịm, tẹ anị kẹẹm; tẹ wamịna amadapụ awọmẹ na, wamịna Livayị furo-ḅẹ-apụ na, wamịna agbamịẹapụ na nwẹnị ịna aḅara pono anị pịrị.

Paka-so 3:16

Mu tẹ Izirẹlị ḅẹ omongiapụ mamgba kobiri ḅo gboloma, tẹ ịn ḅẹẹ, ‘KỊNỊNYANAḄỌ ḅe, ọmịna atẹngịapụ ma sịḅị-tuu pịrị Tamụnọ ḅe, anie Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅe amịna ḅụụ pakama ì ḍie tẹẹ,’ ḅẹẹarị, ‘àrị ọmịnị na, Ijiputi ḅụ ịn kẹ ọ́ mịẹ tẹ aị ma na kẹ elekima sụa tẹ.

Jọsụwa 10:36

Anịtẹso Jọsụwa nwẹnị Izirẹlị mẹmgba na Igilọnị ḅụ iwo Hẹbụrọnị mu, tẹ owu kẹ anị paka;

Ḅẹrẹkọn-apụ 11:11

Anieḅụ Jẹfụta Gilẹdị ḅẹ omongiapụ ma ḅụụ sọ tẹ mum, tẹ tomi ma ọ̀ kẹ sịḅịdaḅọ na, ịn kẹ tọrọkọ-tarịḅọ na sọmam; tẹ Jẹfụta, Mizipa ḅụ KỊNỊNYANAḄỌ ḅe tọrọkọ ori ẹkwẹn mamgba kọnm.

1 Samụẹlị 11:15

Anieḅụ tomi mamgba so Giligalị mum, tẹ anịjụ in KỊNỊNYANAḄỌ ḅe tọrọkọ Sọlụ kẹ amadaḅọ mịẹm Giligalị ḅụ. In nwẹnị anịjụ ḅụ KỊNỊNYANAḄỌ ḅe tọrọkọ tọnwa dein-pịrị-agba mịẹ, tẹ Sọlụ na, Izirẹlịapụ mamgba na, nwẹnị gburo-gburo ḅara kẹ ḍereku.

1 Samụẹlị 16:13

Anịtẹso Samụwẹlị nwẹnị pulo ḅio ḅụ simearị ịfalị mẹ ọkị, tẹ pulo kẹ ori owiapụ-amịnapụ ma ogboku ḅụ ọ̀ sịḅị sara; tẹ anị ene mẹ saakị tọrọkọ mu ḅụ KỊNỊNYANAḄỌ ḅe Tẹmẹ ḅe ḅo Devidi ọgọnọ gbanam. Samụwẹlị nwẹnị saakị tẹ so Rama mu.

1 Samụẹlị 23:18

Tẹ ini maa apụ ma nwẹnị KỊNỊNYANAḄỌ ḅe tọrọkọ ọḅọkụ fị. Devidi Horesi ḅụ simem tẹ Jonatanị nwẹnị so ama mu.