2 Samụẹlị 3:3 - FỊAFỊA BAỊBỤLỤ

³ ò gboloo anie Kilihabụ, Kamẹlị ḅẹ fịtẹ Nabalị ta Abigẹlị ori iyim; anịsakị gbolo-palịḅọ anie Abusalọmụ, Talịmayị, Gẹsọ ḅẹ amadaḅọ ḅe ẹrẹḅọtụḅọ ma ori iyim,

2 Samụẹlị 3:3 Iomraidhean Croise

2 Samụẹlị 13:1

Mịọkụ Abusalọmụ, Devidi owiḅọtụḅọ ḅe iḅi tẹ amụ owiḅọ sime-a gbọrụ ịyịmbara nyanam, arị ẹrẹ Tama; sakị kẹlẹ ḅọrọ tẹso, á nwẹnị Amịnọnị, Devidi owiḅọtụḅọ ḅụụ-ḅẹlẹ.

2 Samụẹlị 14:23

Anieḅụ Johabụ nwẹnị saakị, tẹ Gẹsọ mu, tẹ Abusalọmụ kẹ Jeruselemu ḅom.

2 Samụẹlị 14:24

Amadaḅọ ḅe nwẹnị ḅẹẹ, “Yee ò sikima ḅele tẹ ò soku-ḅẹ warị ḅụ anga, ọ̀ sọ à sime anga ḅụ ị̀ tọrọkọ ḅo ḅịa ḅara.” Anieḅụ Abusalọmụ sikima ḅele tẹ ò soku-ḅẹ warị ḅụ angam, tẹ sọ amadaḅọ ḅe sime anga ḅụ ọ̀ tọrọkọ ḅo-a.

2 Samụẹlị 14:32

Abusalọmụ nwẹnị Johabụ pakịrị, “Ḍikii, à ḅịḅị kẹ ị́ fịrịmam mịanga ḅoo, mịẹ tẹ àrị ị́ kẹ amadaḅọ ḅe fịrịma tẹ gbela ḅẹ ḅara, ‘À tiegotẹ Gẹsọ ḅụ sime-a tẹ ḅo? Mimgbe à paa anịjụ sime iḅitẹịnm.’ Anịẹrẹsị yee mịọkụ à nwẹnị amadaḅọ ḅe sime anga sọ-mu, tẹ mịẹ-irima ị̀ ḅụụ emi-emii, yee ori ị̀ ḅaa!”

2 Samụẹlị 15:7

Inia akụra kunoma ḅụ Abusalọmụ nwẹnị amadaḅọ ḅe ḅẹẹ, “À tẹkẹm yee àrị Hẹbụrọnị mu tẹ ịlọ tẹ à minini KỊNỊNYANAḄỌ ḅe pịrị tẹ ye mẹ suma.

2 Samụẹlị 15:8

Kẹ gotẹ ọkọ ḅẹẹarị, ị́ fịrịmẹnjịḅọ Aramụ ḅio Gẹsọ ḅụ angarị sakị àrị ịlọ minini tẹ ḅẹẹm, ‘KỊNỊNYANAḄỌ ḅe tụkụma ḅara ḅụ ị̀ pịkịma Jeruselemu ḅom ḅẹḅẹ, à sunsin KỊNỊNYANAḄỌ ḅe pịrị ḅa.’ ”

2 Samụẹlị 18:33

Anị nwẹnị ḅẹlẹma amadaḅọ ḅe ḅụụ koro lama, tẹ ọ̀ nwẹnị iwo ogigo-ḅọkọ mẹ ọgọnọ ḅẹ kala-ḅio mẹ mu, tẹ tẹmẹ-la ḅara kẹ owu; tẹ ò muarị sakị ọ̀ nwẹnị ḅẹẹ, “yei ì owiḅọtụḅọ Abusalọmụ! Ì owiḅọtụḅọ, ì owiḅọtụḅọ Abusalọmụ! Mimgbe ị́yẹrị fịị ḅẹ nakara yẹrị kọkọ fịị tẹ, yei ì owiḅọtụḅọ, í owiḅọtụḅọ Abusalọmụ!”

2 Samụẹlị 2:2

Anieḅụ Devidi so anịjụ mum, tẹ ori maa ereme Jẹzirili ḅẹ Ayinohamụ na, Abigẹlị, Kamẹlị ḅẹ fịtẹ Nabalị ta ma na sọ mum.

1 Amadapụ 1:6

Ọ̀ ḍa Devidi jene-jene amụ ịganị ọ̀ pịrị ḅara ḅụ ò ḅio-sima tẹ ò gbela-a, “Í tiegotẹ nwẹn mịẹ mọ?” Anịsakị in wẹrịtẹ iyi ḅara ḅụ ori Abusalọmụ palịm.

1 Amadapụ 2:15

Ọ̀ nwẹnị pakịrị, “Í nimi wararị mịnẹ mimgbe à ḅo amadaḅọ sọ tẹẹ, anịsakị Izirẹlị ḅụ ḅẹḅọ-ḅẹḅọ sọ anị kẹ ḅiotọnm. Kụma kịrị ḅara mie anị kẹ paka ye, tẹ ì iyimbere ḅe ḅo amadaḅọ sọ ye, gbala anie KỊNỊNYANAḄỌ ḅe kẹ anị ḅii ḅara.

1 Paka-aị 3:1

Mịna apụ ma anie Devidi owiapụ-awọmẹ ma tẹ Hẹbụrọnị ḅụụ ini iyi ọ̀ pịrị apụ ma: Ori mgbe anie Amọnị Jẹzirili ḅẹ Ahinohamụ iyi ḅọ ḅẹ; ò gboloo ḅe anie Danẹlị, Kamẹlị ḅẹ Abigẹlị iyi ḅọ ḅe.

1 Paka-aị 3:2

Gbolo ḅe palịḅọ anie Abusalọmụ, oriḅe iyingiḅọ anie Mahaka, Talịmayị Gẹsọ ḅẹ amadaḅọ ḅe ẹrẹḅọtụḅọ ma; ini karama ḅọ anie Adonịja, oriḅe iyingiḅọ anie Agiti;

Ditẹrọnọmị 3:14

Jayẹ, Manasẹ furo-ḅẹ-ḅọ Agọbụ ye-yọ mẹmgba, anie Basani ḅụ ọkị mu Gẹsọ furo-ḅẹ-apụ ma na, Mahaka furo-ḅẹ-apụ ma na agara la ọkịm, tẹ ò soku-ḅẹ ẹrẹ Avọtị Jayẹ kẹ kala-ama ma kurom, anị wẹrịtẹ sime ḅo mịmgba la ḅara.)

Jọsụwa 13:13

Anịsọ Izirẹlịapụ ma Gẹsọ ḅẹ apụ ma, anịanịa Mahaka ḅẹ apụ ma dee-a; kụma Gẹsọ na, Maka na Izirẹlị ogbo-ḅio sime ḅo mịmgba lam.

1 Samụẹlị 25:3

Mịọkụ owiḅọ ḅe ẹrẹ anie Nabalị, anịsakị ọ̀ ta ẹrẹ anie Abigẹlị. Ẹrẹḅọ ma iḅi ḅara kẹ yefieye naarị tẹ tọrụ-iḅi kọnm, kụma owiḅọ ḅe iḅi ḍikiḍiki nyana-a tẹ si-yemịẹ-ḅara nyanam; ori anie Kẹlẹbụ furo-ḅẹ-ḅọ.

1 Samụẹlị 25:42

Abigẹlị nwẹnị fọnya ḅara kẹ saakị, tẹ á yedogi-nama ọgọnọ kpọlị, tẹ arị sọnọ afịrịmẹnjị-eremịna-awọmẹ arị na mum, á nwẹnị Devidi afịrịmẹnjịapụ ma ḍuka mu, tẹ ḅo Devidi ta sọm.

1 Samụẹlị 27:8

Mịọkụ Devidi na, ori atomi na iwo mu Gẹsọ ḅẹ apụ na, Gazi ḅẹ apụ na, Amalẹkị ḅẹ apụ na gbaịn tẹ fọịn-fọịnm; gbala mịna apụ ma anie elemu sakị ḅụ ama mẹ nyana apụ ma, ọkị mu Sọọ jụjụ-ḅio ḅụ mu Ijiputi ama mẹ la.