2 Samụẹlị 1:3 - FỊAFỊA BAỊBỤLỤ

³ Devidi nwẹnị ọ̀ ḅẹẹ, “Ị́ tọ-anga ḅụ sime tẹ ḅo?” Ọ̀ nwẹnị ọ̀ pakịrị, “Izirẹlị ḅẹ ọmụ-ogbo ḅụ à mangị paka-ḅom.”

2 Samụẹlị 1:3 Iomraidhean Croise

2 Samụẹlị 1:2

Tẹrẹị karama ene mẹ ḅụ, gbọrụ owiḅọ nwẹnị Sọlụ ọmụ-ogbo ḅio sime tẹ ḅo, ọ̀ kaan tẹ kapa na ori na; tẹ ọ̀ sịḅị mẹmgba lịka-lịka-lịka. Ò ḅo Devidi la tẹso, ọ̀ nwẹnị ḅịkị kiri-ḅio koro, tẹ kụn kẹ ọ̀ pịrị.

2 Samụẹlị 1:4

Devidi nwẹnị ọ̀ ḅẹẹ, “Ndẹẹ anị sime-ḅara? Ḍuko ị̀ pịrịị.” Tẹ ọ̀ nwẹnị pakịrị, “Tomi ma owu mẹ tọrọkọ ḅụ ḍumo-mangị kọn tẹ, tẹ tomi ma ḅẹ tọnwa apụ sọ pịkị ḅịkị tẹ fịị tẹẹ, tẹ Sọlụ na, ori owiḅọtụḅọ Jonatanị na sọ fịị tẹ.”

2 Amadapụ 5:25

Ọ̀ nwẹnị warị sọ tẹ mu ọ̀ sịḅịdaḅọ tọrọkọ sịẹsime, tẹ Ịlayịsa nwẹnị ọ̀ gbela, “Ndẹẹ í sime tẹ ḅoarị anga, Gehazi?” Ọ̀ nwẹnị pakịrị, “Ị́ fịrịmẹnjịḅọ gbọrụ anga sọ mu-a.”

1 Samụẹlị 30:13

Devidi nwẹnị ò gbela, “Í sime tụḅọ pịrị? Anịsakị ị́ tọ-anga ḅụ simetẹ ḅo?” Ọ̀ nwẹnị pakịrị, “Yẹrị anie Ijiputi ḅẹ asambịrịma owiḅọ, Amalẹkị ḅẹ gbọrụḅọ fịrịmẹnjịḅọ; tẹra aḍin ḅọrọtẹ sakị ḅụ àrị obim ẹrẹsị, ị̀ sịḅịdaḅọ ì koroma-som.