2 Amadapụ 8:9 - FỊAFỊA BAỊBỤLỤ

⁹ Anieḅụ Azẹlị nwẹnị Damasịkọsị ḅụ ịn mịẹ pakama-ḅo kịrị-kịrị ngọ kẹ ike-sụa-anama ịn kẹ kamẹlị sịn ye mẹ ḅẹ amesi ọgọnọ gbana tẹ kẹ mu. Ò ḅo ọ̀ tọrọkọ la tẹso, ọ̀ nwẹnị ḅẹẹ, “Í owiḅọtụḅọ Siriya ḅẹ amadaḅọ Bẹnị-hadadị ì kẹ ị́ fịrịmam tẹ gbelarị, ‘Mị obi mẹ ḅụ ì oju gbeke iḅi ḅẹ?’ ”

2 Amadapụ 8:9 Iomraidhean Croise

1 Amadapụ 14:3

Fịturu oyi akpo na, kịkị na ḅẹm gbọrụ jongo na ọkị tẹ kẹ ọ̀ ḍọkụma-mu tẹ ò gbela ọ̀ tụḅọ ḅe ḅụụ paka ḅẹ ye ḍuko ị́ pịrị ḅa.”

1 Amadapụ 15:18

Anịtẹso Asa nwẹnị KỊNỊNYANAḄỌ ḅe warị mẹ ḅio ngọ ma na, amadaḅọ ḅe warị ḅio ḅẹ ngọ ma na, kọn wararị golu mẹ na seleḅa mẹ na ọkị tẹ kẹ ori afịrịmẹnjịapụ ḅara sụa; tẹ ịn nwẹnị arị kẹ Siriya ḅẹ amadaḅọ Bẹnị-hadadị, Tabirimọnị owiḅọtụḅọ pịkị Eziyọnị taa-owiḅọtụḅọ ḅe tẹ Damasịkọsị ḅụ sime ḅọ ḅe fịrịma tẹ ḅẹẹm,

1 Amadapụ 19:15

KỊNỊNYANAḄỌ ḅe nwẹnị ọ̀ ḅẹẹ, “Pịkịma-so Damasịkọsị ḅẹ ịkpa mẹ ḅio muu; í mu la tẹ ḅẹḅẹ Siriya ḅẹ amadaḅọ sọ ḅarị ḅọ ḅara ḅụ pulo kẹ Hazẹlị sịḅị saraa.

2 Amadapụ 1:2

Mị sakị mẹ ḅụ Amadaḅọ Ahazaya Sameriya ḅụ amadapụ ḅekin-warị ọgọnọ ḅụ ịn sụa-pakama wararị ye ḅụ ḅịkị ḅo kiri koro tẹ anị ḅẹ obi kọn-arị. Anieḅụ ọ̀ nwẹnị fịrịmẹnjịapụ fịrịma tẹ ịn ḅẹẹ, “Mu Balị-zibọbụ Ẹkịrọnị ḅẹ oru-tamụnọ ḅe gbela mị obi mẹ ḅụ à gbeke kụrọma ḅẹ.”

2 Amadapụ 13:14

Ịlayịsa ọ̀ kọn tẹ fịị ḅẹ obi mẹ kọn-arị ogbo, Izirẹlị ḅẹ amadaḅọ Jehohazị nwẹnị toluma ò ḍiki ḅẹ mu tẹ ọ̀ tọrọkọ ḅụ owu, “Ị̀ ḍa, ị̀ ḍa! Izirẹlị ḅẹ kirimẹnjị-ọmụarụ ma na anị ḅẹ asụ-dọkụ-ọmụapụ na!”

2 Amadapụ 16:7

Anieḅụ Ahazi nwẹnị oku kẹ Asiriya ḅẹ amadaḅọ Tigilati-Pilesa fịrịma, tẹ ḅẹẹm, “Yẹrị anie ị́ fịrịmẹnjịḅọ, pịkị ị́ tụḅọ. Ḅoo, tẹ ị̀ ḅọrọmaa, owu kẹ ị̀ pakarị Siriya ḅẹ amadaḅọ ḅe na, Izirẹlị ḅẹ amadaḅọ ḅe na aḅara-ḅio.”

2 Amadapụ 5:13

Kụma ori afịrịmẹnjịapụ nwẹnị sọma-ḅo kpeki tẹ ọ̀ ḅẹẹ, “Wamịna ḍaḅọ, ịkịankoroḅọ ḅe nwẹnị gbọrụ gburo-gburotẹ ye kẹ ị́ ḅẹẹm mịẹ ḅẹ kụma, ị́ anị mịẹ ḅịa? Tọ-ḅara ḅụ, ‘Mu minji ḅiri tẹ fịafịa’ ngẹrị ọ̀ nwẹn kẹ ị́ ḅẹẹ ye mẹ sarasara na-iḅi-a?”

2 Amadapụ 5:5

Siriya ḅẹ amadaḅọ ḅe nwẹnị ḅẹẹ, “Mịọkụ muu, anịsakị à ḍiri kẹẹ tẹ kẹ Izirẹlị ḅẹ amadaḅọ ḅe fịrịma ḅa.” Anieḅụ ọ̀ nwẹnị iku fụn ninea akpa na gbasị seleḅa na, iku kẹlẹ-fa fụn maa akpa na gbasị golu na, oyi ye ḅiri opu-akapa na ọkị tẹ mu.

2 Amadapụ 6:21

Izirẹlị ḅẹ amadaḅọ ḅe ini ẹrị tẹso, ọ̀ nwẹnị Ịlayịsa gbela, “Ị̀ ḍa, àrị ịn ḅaa mọ? Àrị ịn ḅaa mọ?”

Nimi Tolumaḅọ 3:6

Ḍọkị sakị emii, fama sakị emii. Koko sakị emii, kẹ gbin nguma sakị emii.

Filimọnị 1:14

Anị sime-ḅara, sime-ḅara sọ, à ḅii-a arị í ponoma tẹ ị́ ḅarasụa ị̀ pịrị; anie nakara à ḅii ḅa mịnẹ anị ḅarana í kuroma ḅio paka-ḅo ḅara kẹ ị́ mịẹ. Anie ḅụ à ḅii ḅịa mịnẹ à gberie mịẹ, ị́ ḅịḅị sọ-a ogbo.

1 Samụẹlị 25:8

Ị́ asawọ ma gbela, anịsakị in ḍuko ị́ pịrị ḅa. Anịẹrẹsị yee ị́ asawọ ma ị́ tọrụ ḅụ ḍiki-ḅụụjịrị ḍọkị-ẹrị; kẹ gotẹ ọkọ ḅẹẹarị, kopini alalị fị eneḅaka mie wa ḅo ye. Wa tẹkẹm, ị́ ḅara ḅụ ị́ nyana-ye nyana-ye kẹ ị́ afịrịmẹnjịapụ na, í owiḅọtụḅọ Devidi na pịrịị.”

1 Samụẹlị 9:7

Anịtẹso Sọlụ nwẹnị ọ̀ fịrịmẹnjịḅọ ḅe gbela, “Wa mu kụma wa inetẹ tiye ọkị-ḅo tomḅọ ḅe pịrị ḅẹ? Kẹ gotẹ ọkọ ḅẹẹarị, wamịna akpa ma ḅio sime fịturu fa tẹẹ, anịsakị wa ọkị-ḅo Tamụnọ tomḅọ ḅe pịrị ḅẹ ḍiepịrịye sọ ofori, wa tiye nyana?”