2 Amadapụ 8:8 - FỊAFỊA BAỊBỤLỤ

⁸ Amadaḅọ ḅe nwẹnị Azẹlị ḅẹẹ, “Ḍiepịrịye ọkị tẹ mu Ịlayịsa na bịama tẹ ọ̀ ḅụụ ḅụ ḅọrọ tẹ KỊNỊNYANAḄỌ ḅe ḅịḅị gbela, ‘Mị obi mẹ ḅụ ì oju gbeke iḅi ḅẹ mọ?’ ”

2 Amadapụ 8:8 Iomraidhean Croise

1 Amadapụ 19:15

KỊNỊNYANAḄỌ ḅe nwẹnị ọ̀ ḅẹẹ, “Pịkịma-so Damasịkọsị ḅẹ ịkpa mẹ ḅio muu; í mu la tẹ ḅẹḅẹ Siriya ḅẹ amadaḅọ sọ ḅarị ḅọ ḅara ḅụ pulo kẹ Hazẹlị sịḅị saraa.

1 Amadapụ 19:17

Hazẹlị okologie ḅụ mangị-so ḅọ so ḅọ, Jehu mḅọ ḅaa ḅa; anịsakị Jehu okologie ḅụ mangị-so ḅọ so ḅọ, Ịlayịsa mḅọ ḅaa ḅa.

2 Amadapụ 1:16

tẹ nwẹnị ọ̀ ḅẹẹ, “Mie KỊNỊNYANAḄỌ ḅe ḅẹ ḅara, ‘ị́ fịrịmẹnjịapụ fịrịma mu Balị-zibọbụ, Ẹkịrọnị ḅe oru-tamụnọ ḅe gbela ḅe mum — anie gbala Izirẹlị ḅụ ị́ ḅịḅị ḅii ḅẹ Tamụnọ ofori-a? Ọkọẹrẹsị í mono tẹ iḅila mẹ ọgọnọ í kuro-ḅo ḅịa, kụma karakara-ḅara-ḅụ ị́ fịị ḅa.’ ”.

2 Amadapụ 1:2

Mị sakị mẹ ḅụ Amadaḅọ Ahazaya Sameriya ḅụ amadapụ ḅekin-warị ọgọnọ ḅụ ịn sụa-pakama wararị ye ḅụ ḅịkị ḅo kiri koro tẹ anị ḅẹ obi kọn-arị. Anieḅụ ọ̀ nwẹnị fịrịmẹnjịapụ fịrịma tẹ ịn ḅẹẹ, “Mu Balị-zibọbụ Ẹkịrọnị ḅẹ oru-tamụnọ ḅe gbela mị obi mẹ ḅụ à gbeke kụrọma ḅẹ.”

2 Amadapụ 1:6

Ịn nwẹnị ọ̀ ḅẹẹ, “Gbọrụ owiḅọ ḅo wamịnị na bịama tẹ wa ḅẹẹm wa pịkị-so wa fịrịma amadaḅọ ḅe ḍọkụma-muu, tẹ ọ̀ ḅẹẹ mie KỊNỊNYANAḄỌ ḅe ḍuko yee, ‘Ị́ gotẹ mu Balị-zibọbụ Ẹkịrọnị ḅẹ oru-tamụnọ ḅe gbela ḅẹ muarị ye anie Izirẹlị ḅụ gbala Tamụnọ ḅarị ofori ẹrẹsị, ọkọ-a? Anịẹrẹsị í mu mono tẹ iḅila mẹ ọgọnọ ị́ ḅarị kuro-ḅo ḅịa, kụma karakara-ḅara-ḅụ ị́ fịị ḅa.’ ”

2 Amadapụ 5:5

Siriya ḅẹ amadaḅọ ḅe nwẹnị ḅẹẹ, “Mịọkụ muu, anịsakị à ḍiri kẹẹ tẹ kẹ Izirẹlị ḅẹ amadaḅọ ḅe fịrịma ḅa.” Anieḅụ ọ̀ nwẹnị iku fụn ninea akpa na gbasị seleḅa na, iku kẹlẹ-fa fụn maa akpa na gbasị golu na, oyi ye ḅiri opu-akapa na ọkị tẹ mu.

Luku 13:23

gbọrụḅọ nwẹnị ò gbela, “Ị̀ Nyanaḅọ, boowa kala apụ ngẹrị mie ḅọrọma ḅarịye aro?” Jizọsị nwẹnị ịn pakịrị,

Fịrịmẹnjịapụ 16:30

Anịtẹso ọ̀ nwẹnị ịn sịn paka tẹ ḅẹẹ, “Ị̀ nyana apụ, ndẹẹ à mịẹ tẹ ḅọrọma ḅarịye?”

1 Samụẹlị 9:7

Anịtẹso Sọlụ nwẹnị ọ̀ fịrịmẹnjịḅọ ḅe gbela, “Wa mu kụma wa inetẹ tiye ọkị-ḅo tomḅọ ḅe pịrị ḅẹ? Kẹ gotẹ ọkọ ḅẹẹarị, wamịna akpa ma ḅio sime fịturu fa tẹẹ, anịsakị wa ọkị-ḅo Tamụnọ tomḅọ ḅe pịrị ḅẹ ḍiepịrịye sọ ofori, wa tiye nyana?”