2 Amadapụ 8:7 - FỊAFỊA BAỊBỤLỤ

⁷ Siriya ḅẹ amadaḅọ Bẹnị-hadadị obiarị ogbo Ịlayịsa nwẹnị Damasịkọsị ḅo. Ịn nwẹnị ḍuko amadaḅọ ḅe pịrị, “Ịlayịsa mị yọ ḅo tẹ.”

2 Amadapụ 8:7 Iomraidhean Croise

Suku-saakị 14:15

Ḍin ḅụ mẹ ori, ori ọmụgbin apụ ma ḍiema ye ori na, ori afịrịmẹnjịapụ na nwẹnị ịn ḍuka mangịma mu Hoba, Damasịkọsị ọgọnọ-jụ la.

1 Amadapụ 11:24

tẹ ọ̀ nwẹnị tomi kobiri tẹ, ịna kẹ sịḅịda tẹ tọrụ fọịn ma ḅọrọarị. Devidi, Adadeza na ọ̀ ḅụụ sọ apụ ma na ḅaa fama tẹrẹmẹ mịẹ-mịẹ mẹ pakaye. Rezọnị na ori atomi na nwẹnị so Damasịkọsị mu, tẹ ịn nwẹnị anịjụ ọ̀ kẹ Siriya ḅẹ amadaḅọ mịẹ.

1 Amadapụ 13:1

KỊNỊNYANAḄỌ ḅe tọn ḅara ḅụ, gbọrụ ịkịankoroḅọ nwẹnị Juda ḅụ ḅo Bẹtẹlị la Jerobohamụ agbamịẹ-anga mẹ akaka ḅụ sịẹsime tẹ agba mịẹ ḅẹ-yearị ogbo.

1 Amadapụ 15:18

Anịtẹso Asa nwẹnị KỊNỊNYANAḄỌ ḅe warị mẹ ḅio ngọ ma na, amadaḅọ ḅe warị ḅio ḅẹ ngọ ma na, kọn wararị golu mẹ na seleḅa mẹ na ọkị tẹ kẹ ori afịrịmẹnjịapụ ḅara sụa; tẹ ịn nwẹnị arị kẹ Siriya ḅẹ amadaḅọ Bẹnị-hadadị, Tabirimọnị owiḅọtụḅọ pịkị Eziyọnị taa-owiḅọtụḅọ ḅe tẹ Damasịkọsị ḅụ sime ḅọ ḅe fịrịma tẹ ḅẹẹm,

1 Amadapụ 20:1

Bẹnị-hadadị Siriya ḅẹ amadaḅọ ḅe nwẹnị ori ọmụ-ogbo mamgba kobiri ḅo gboloma; ja amadapụ suei maaịn finji ọ̀ ḅụụ ḅụ emi; ịna asụ ma na, ịna kirimẹnjị-ọmụarụ na ini na. Ọ̀ nwẹnị mu Sameriya ikelema-koro tẹ owu kẹ anị paka.

1 Amadapụ 20:34

Bẹnị-hadadị nwẹnị ọ̀ ḅẹẹ, “Opu ama ma tẹ ị̀ ḍa ị́ ḍa ḅara ọkị ama ma àrị arị pịkịma ị́ pịrị ḅa, ị́ ḅụụ ḅẹlẹ-ḅẹlẹ tuḅokọn anga sọ finji ị́ ḅụụ pịrị Damasịkọsị ḅụ, ị̀ ḍa wẹrịtẹ Sameriya ḅụ mịẹ ḅara.” Ehabụ nwẹnị ḅẹẹ, “Mịna aị ma tẹ à kẹ ị́ na ḅịḅị-kẹ-ogbosọ ḅarị aị ma ḅụ mịẹ arị ị́ wẹrịso tẹ í so ḅarịye.” Anieḅụ ọ̀ nwẹnị ori na ọḅọkụ fị tẹ ọ̀ wẹrịso tẹ ò som.

2 Amadapụ 1:2

Mị sakị mẹ ḅụ Amadaḅọ Ahazaya Sameriya ḅụ amadapụ ḅekin-warị ọgọnọ ḅụ ịn sụa-pakama wararị ye ḅụ ḅịkị ḅo kiri koro tẹ anị ḅẹ obi kọn-arị. Anieḅụ ọ̀ nwẹnị fịrịmẹnjịapụ fịrịma tẹ ịn ḅẹẹ, “Mu Balị-zibọbụ Ẹkịrọnị ḅẹ oru-tamụnọ ḅe gbela mị obi mẹ ḅụ à gbeke kụrọma ḅẹ.”

2 Amadapụ 2:15

Ịkịankoroapụ amesi oyi finji ma tẹ Jeriko ḅụ ḅo apụ ma ori ịna tọrọkọ ḅụ mẹnjị ḅoarị ẹrị tẹso, ịn nwẹnị ḅẹẹ, Ịlayịja tẹmẹ mẹ Ịlayịsa ọgọnọ gbana tẹẹ. Ịn nwẹnị ori na bịama ḅẹ ḅo tẹ ọ̀ tọrọkọ sịḅị-tuu mu kiri lama,

2 Amadapụ 5:20

Gehazi, Ịlayịsa Tamụnọ tomḅọ ḅe fịrịmẹnjịḅọ nwẹnị ọ̀ ḅụụ ḅẹẹ, “Ḍikii, ị̀ sịḅịdaḅọ ḅe ḅie Nahamanị Siriya ḅẹ ḅọ ḅe ḅara ḅụ ọ̀ kẹ ḅo aị ma ọkị-a tẹ ọ̀ wẹrịso tẹ ò so tẹẹ. KỊNỊNYANAḄỌ ḅe ḍumo-sime wararị ogbo, arị ò ḍuka tẹ ọ̀ ḅara ḅụ ye ọkị ḅa.”

2 Amadapụ 6:12

Ori afịrịmẹnjịapụ ma ḅẹ gbọrụḅọ nwẹnị ḅẹẹ, “Gbọrụḅọ-sọ ofori, yei amadaḅọ, ị̀ nyanaḅọ; kụma Ịlayịsa, ịkịankoroḅọ ḅe tẹ Izirẹlị ḅụ simearị ḅọ ḅe mie í mono-ḅio ḅụ ị́ kọn ẹkwẹn kọn ẹkwẹn ḍuko kẹ Izirẹlị ḅẹ amadaḅọ ḅe pịrịarị ye.”

2 Amadapụ 6:24

Sakị kẹlẹ ḅọrọ tẹso, Bẹnị-hadadị Siriya ḅẹ amadaḅọ nwẹnị ò bebe ọmụ-ogbo kobiri tẹ mu Sameriya ikelema-koro.

2 Amadapụ 8:6

Amadaḅọ ḅe anị kẹ á gbela sakị á nwẹnị ḍuko ọ̀ pịrị. Anieḅụ amadaḅọ ḅe nwẹnị ọ̀ fịrịmẹnjị gbọrụ opuḅọ tọn á pịrị tẹ ḅẹẹ, “Sime á pịrị-aị mamgba kẹ mu á so ene mẹ kụra-ḅio ḅo mịọkụ la ḅụ á ḍụọ mẹ ḅio paka-ḅo aị mamgba ḅụ sụa tẹ kẹ á pịrị fama.”

Ayịzaya 7:8

Tiye ẹrẹsị? Anị gotẹ ọkọ mịẹ ḅịa ye, Siriya kụrọ anị ḅẹ sịḅịda ama, Damasịkọsị, nẹngị-a, tẹ Damasịkọsị pịkị kụrọ Ama-da Rezini nẹngị-a. Izirẹlị kịngẹ kụma, kụra atesi sọnọ akụra finji sakị ḅụ anị kan-sara la ḅarị ḅara ḅụ anị ḅarị sime tẹ jen kẹ sịẹ ẹrẹ fị ḅịa.

Jerimaya 40:5

Amụ à pakịrị-a ogbo Nebuzaradanị ḅẹẹm, “Pịkị-so Gedalaya dama-muu, Ahikamụ owiḅọtụḅọ, pịkị Safani taa-owiḅọtụḅọ tẹ Babịlonịya ḅẹ amadaḅọ ḅe kẹ Juda ḅẹ ama ma ḅẹrẹtọnḅọ mịẹ ḅọ ḅe. Í inetẹ ori na sime tẹ ị́ atomi ma ogboku anga ḅa, anịanịa í inetẹ í kuromarị í na-iḅi anga-anga mu ḅa.” Anịtẹso ọ̀ fịaị kẹ ḍie ị̀ pịrịm à kẹ soo, tẹ ị̀ wẹrịso tẹ arị à mu ḅẹ anga mum.

Fịrịmẹnjịapụ 17:6

Kụma ịn Pọlụ amẹẹ ẹrị-a ye ḅụ ịn nwẹnị Jesịnị na minini apụ ma ḅẹ ja apụ na fọnọ mu ama ḍikiḍiki kụrọ ḅara ḅụ sime apụ ma pịrị tẹ oloku tẹ ḅẹẹ, “Mịna atomi ma la tẹ ini ama fiema-a anga ofori! Mịọkụ in ḅo wamịna ama la tẹ,

Ditẹrọnọmị 33:1

Mie boma mẹ tẹ Mozizi Tamụnọ Fịrịmẹnjịḅọ ḅe tẹrẹmẹ ọ̀ fịị, kẹ Izirẹlị ḅẹ awọmẹ ma boma boma mẹ.

Ḅẹrẹkọn-apụ 16:2

Ịn nwẹnị ḍuko Gaza ḅẹ apụ ma pịrị, “Samụsịnị mịanga ḅo tẹ,” tẹ ịn nwẹnị bebe ḍin mẹmgba kẹ ye-yọ mẹ ikelema-koro tẹ sime ò koru opu ama mẹ ḅẹ ogigo-ḅọkọ mẹ ḅụ. Ịn bebe ḍin mẹmgba kẹ yaụ-simem, tẹ ḅẹẹm, “Ó yee wa koru nwenii ene mẹ finji koro; anịrẹ wa ọ̀ ḅaa ḅa.”