2 Amadapụ 8:6 - FỊAFỊA BAỊBỤLỤ

⁶ Amadaḅọ ḅe anị kẹ á gbela sakị á nwẹnị ḍuko ọ̀ pịrị. Anieḅụ amadaḅọ ḅe nwẹnị ọ̀ fịrịmẹnjị gbọrụ opuḅọ tọn á pịrị tẹ ḅẹẹ, “Sime á pịrị-aị mamgba kẹ mu á so ene mẹ kụra-ḅio ḅo mịọkụ la ḅụ á ḍụọ mẹ ḅio paka-ḅo aị mamgba ḅụ sụa tẹ kẹ á pịrị fama.”

2 Amadapụ 8:6 Iomraidhean Croise

Suku-saakị 37:36

Mịọkụ Midiyanị ḅẹ apụ ma ọ̀ kẹ mu Ijiputi ḅụ Fero opu fịrịmẹnjịḅọ Pọtifa ye-yọ ḍikiḍiki ọmụapụ ma sịḅịdaḅọ ḅe dẹrị tẹ.

2 Samụẹlị 9:7

Devidi nwẹnị ọ̀ ḅẹẹ, “Ḅalafa ma, kẹ gotẹ ọkọ ḅẹẹarị, ị́ ḍa Jonatanị gotẹ arị iḅi-anga kẹ ị́ na kọn ḅa, tẹ í opu ḍaḅọ Sọlụ kiri mẹmgba pịkịma ị́ pịrị ḅa, anịsakị ị̀ dẹbịlẹ ḅụ mie sakị mamgba í fịye fị ḅarị” ye.

2 Amadapụ 8:5

Ori Ịlayịsa wẹrịtẹ fịị tẹ ḅọ sịn-saakịma tẹ mḅọ ḍumo ḅara ḍukoarị ogbo, ẹrẹḅọ ma tẹ tụḅọ fịị tẹ Ịlayịsa sịn-saakị tẹ ḍumo wararị ẹrẹḅọ ma nwẹnị amadaḅọ ḅe tọrọkọ ḅụ á warị na á kiri na gotẹ ọ̀ tẹkẹ. Tẹ Gehazi nwẹnị ḅẹẹ, “yei Amadaḅọ, ị̀ nyanaḅọ, mie ẹrẹḅọ ma, mie pịkị árị owiḅọtụḅọ ḅe tẹ Ịlayịsa sịn-saakịma tẹ ḍumo tụḅọ ḅe.”

2 Amadapụ 8:7

Siriya ḅẹ amadaḅọ Bẹnị-hadadị obiarị ogbo Ịlayịsa nwẹnị Damasịkọsị ḅo. Ịn nwẹnị ḍuko amadaḅọ ḅe pịrị, “Ịlayịsa mị yọ ḅo tẹ.”

2 Amadapụ 9:32

Ọ̀ nwẹnị tọrụ saakị ikiḅa-ḅọkọ mẹ da, tẹ ḅẹẹ, “Tụḅọ ị̀ jụụ ḅụ emi? Tụḅọ? Ḅụụ fịị tẹ maa apụ anịanịa tẹra apụ nwẹnị ikiḅa-ḅọkọ ḅụ toluma ò ḍiki.

1 Paka-aị 28:1

Devidi Jeruselemu ḅụ Izirẹlị ḅẹ kọrịnama kiri ḅẹ opu-apụ mamgba na, furo-furo ma ḅẹ kọrịnama kiri ḅẹ opu-apụ ma na, itu-itu ma ḅẹ ọmụ alapụ ma tẹ fịrịmẹnjị amadaḅọ ḅe pịrị apụ ma na, ḅẹrẹtọn kịnị maa ẹndẹ oyia asi finji-finji pịrịarị apụ ma na, ḅẹrẹtọn kịnị sonioa si, sonioa si pịrịarị apụ ma na, amadaḅọ ḅe na ori owiapụ-awọmẹ na nyana aị mamgba ḅẹ ḅio-koruapụ na, ini ḅẹ anana-ḍikiḍikiapụ ma na, kẹ mu amadaḅọ ḅe warị mẹ ḅẹ kọrịnama kiri ḅẹ opu-apụ na, opu atomi ma na, ḅiokpọtẹ ịnyọ nyana wararị ḅeri ḅẹrẹ naa-a apụ ma ḅụụ sụa tẹ sịn kobirim.

Egberima-Ẹkwẹn 16:7

Ị́ mịẹ ye KỊNỊNYANAḄỌ ḅe ḅụụ-ḅẹlẹarị ḅẹḅẹ, í inetẹ mịẹ tẹ si kẹ ị́ tọn-arị apụ í ikiapụ sọ ḅa.

Egberima-Ẹkwẹn 21:1

KỊNỊNYANAḄỌ sarasarama mẹnjịarị minji mẹ da anị mu ḅẹ anga pịrịarị ḅara mẹ, anie ọ̀ kẹ ḅẹrẹtọn amadaḅọ ḅe kuroma pịrịarị ḅara.

Ditẹrọnọmị 22:2

Anịsakị ori í kpeki-a tẹ ala-jụ emi, anịanịa í ò nimi-a ḅẹḅẹ, ị́ anị kẹ ị́ ama ḅo ị́ warị koroma ḅa, tẹ anị ị́nịna sime nwenii ị́ iyimbere anị ḍọkị ḅa; anịsakị rẹ ị́ anị kẹ ọ̀ pịrị ḅa.

Ḅẹrẹkọn-apụ 11:13

Amọnị ḅẹ apụ ma amadaḅọ ḅe nwẹnị Jẹfụta oku-mẹnjịapụ ma pakịrị, “Anị kẹ gotẹ ọkọ pakarị, Izirẹlị Ijiputi ḅụ paka-ḅoarị sakị ini ị̀ ama ḅụ Anọnị mẹ ḅụ ọkị mu Jabọkụ mẹ la, tẹ mu Jodanị mẹ la ọkịm; anịẹrẹsị dein ḅara ḅụ mịọkụ anị pịkịma ị̀ pịrịị.”