2 Amadapụ 8:4 - FỊAFỊA BAỊBỤLỤ

⁴ Á sọ-ḅo sakị, árị ẹrịm amadaḅọ ḅe Gehazi, Ịlayịsa fịrịmẹnjịḅọ ḅe na ẹkwẹnmarị, tẹ ọ̀ ḅẹẹm, “Ịlayịsa kọrị opu aị mamgba ḍuko ị̀ pịrịị.”

2 Amadapụ 8:4 Iomraidhean Croise

2 Amadapụ 2:14

Anịtẹso ọ̀ nwẹnị Ịlayịja opu kapa mẹ tẹ ọ̀ ḅara ḅụ siin-koro ye mẹ ọkị tẹ kẹ minji mẹ fomu, tẹ ḅẹẹm, “Ndẹẹ KỊNỊNYANAḄỌ, Ịlayịja Tamụnọ ḅe mọ?” Tẹ ọ̀ pịkị kapa mẹ kẹ minji mẹ fomu tẹso, minji mẹ nwẹnị maa anga ḍie tẹ Ịlayịsa nwẹnị mẹnjị saḅa.

2 Amadapụ 2:24

Ịlayịsa vuunma pịkị tẹ ini ẹrị tẹso, ọ̀ nwẹnị KỊNỊNYANAḄỌ ḅe ẹrẹ ḅụ ịn wori. Ịyọrọ tuu amẹngbọ nwẹnị piri-ḅio paka-ḅo tẹ ḍọkọḍọkọ owiapụ-awọmẹ ma ḅụ kịnị amesi maa apụ finji kanị-kọsịma.

2 Amadapụ 4:12

Ọ̀ nwẹnị ọ̀ fịrịmẹnjịḅọ Gehazi ḅẹẹ, “Ma Sunemu ḅẹ ḅọ ma sịn.” Ori á sịn ḅo tẹso, á nwẹnị ọ̀ tọrọkọ sịẹsime.

2 Amadapụ 4:25

Anieḅụ á nwẹnị dọkụ paka tẹ ḅo Tamụnọ tomḅọ ḅe la Kamẹlị Tụndụ ḅụ. Ịlayịsa á ḅoarị tẹ árị ẹrị tẹso, ọ̀ nwẹnị ọ̀ fịrịmẹnjịḅọ Gehazi ḅẹẹ, “Ḍikii, ala-jụ Sunemu ḅẹ ẹrẹḅọ ma ḅoarị.

2 Amadapụ 5:14

Anieḅụ ọ̀ nwẹnị mu Ịlayịsa wẹrịtẹ ḅẹẹ ḅara ḅụ, sọnọma asakị kẹ Jodanị tọrụ mẹ ḅụ jaankoro; tẹ ori oju-meni nwẹnị ḅo tarị anị sime-ḅara sime tẹ kalatụḅọ oju-meni kịka tẹ ọ̀ nwẹnị welewele.

2 Amadapụ 6:32

Ịlayịsa ọ̀ warị ḅio emi, tẹ omongiapụ ma na ori na lẹgị-sime wararị. Mị sakị mẹ amadaḅọ ḅe ọ̀ fịrịmẹnjị gbọrụ owiḅọ fịrịma tọrọkọ tọrọkọ mu tẹ; kụma tẹrẹmẹ fịrịmẹnjịḅọ ḅe ḅo la Ịlayịsa nwẹnị omongiapụ ma ḅẹẹ, “Ọ́ kọkọ ḅị nini-kọnḅọ ḅe kịnị kẹ fịrịma ḅo ị̀ sịḅị pẹlẹ-siin ḅẹ ḅoarị ḅara ẹrị tẹ? Ḍikii, fịrịmẹnjịḅọ ḅe ḅo la-la, ọ́ ḅọkọ mẹ gbaịn ọ̀ pịrị tẹ kụrọma anị ọlọ wẹrị. Ori ọḅụjụ fie ma ḅoarị aḅụọ ma anie ọ̀ sịḅịdaḅọ ḅe aḅụọ ma arị-a?”

2 Amadapụ 6:6

Anịtẹso Ịlayịsa nwẹnị gbela, “Anị tọ-anga koro?” Ori anị koro anga mẹ kẹ ò ḍie tẹso, ọ̀ nwẹnị gbọrụ kala sịn ikiḅa pẹlẹ ọkị tẹ kẹ anịanga ḅụ gbin su, tẹ mịẹtẹ ikulele mẹ nwẹnị foin paka.

2 Amadapụ 7:1

Kụma Ịlayịsa nwẹnị ḅẹẹ, “KỊNỊNYANAḄỌ ḅe ẹkwẹn-ḅịḅị mẹ pokii; mie KỊNỊNYANAḄỌ ḅe ḅẹẹ ḅara! Ḅaa nwẹn pembe sakị, Sameriya ogigo-ḅọkọ ḅụ witi kẹ mie fịlawa akpa ikiḅa, anịanịa bali kẹ mie fịlawa gbọrụ akpa, seleḅa pakịrị la ḅa.”

2 Amadapụ 7:10

Anieḅụ ịn nwẹnị opu ama mẹ ḅẹ ogigo-ḅọkọ ḍikiḍikiapụ ma ḍọkụma-ḅo tẹ ḍuko ịn pịrị, “Wa mu Siriya ḅẹ apụ ma akpụrụ-warị mẹ lam, tẹ ḍikii gbọrụḅọ-sọ wa ẹrị-a, anịanịa ọwụ naa sọ ofori, kụma asụ ma na, yedogi-anama ma na ḍiki ḅio kpọọ kpọ tẹ emii, tangbolo awarị ma sọ arị sime-ḅara sime wararị.”

2 Amadapụ 7:3

Mịọkụ mẹnjị Sameriya ogigo mẹ sọarị ḅọkọ mẹ akaka sofịnị-obi kọn-arị ini apụ simem; ịn nwẹnị jụmọ-jụmọ ḅẹẹ, “Wa tiegotẹ mị yọ lẹgị-sime wenii fịị ḅẹ?

2 Amadapụ 8:3

Sọnọma kụra ma ḅẹ kuno ma ḅụ ẹrẹḅọ ma Filisiteni ḅụ pịkịma-ḅo tẹso, á nwẹnị á warị na, á kiri na ḅii ḅẹ tẹ amadaḅọ ḅe ḍọkụma-mu.

Matiyo 2:8

Anịtẹso ọ̀ nwẹnị mịna aị ma ḍuko ịn pịrị tẹ ịn fịrịma Bẹtịlịhẹmụ mu mịnẹ: “Ó mu tẹ tọrụ kẹ kiri lama tẹ iḅiọkụ tụḅọ ḅe ḍọkị-ẹrị, tẹ mịẹtẹ à nimi, yẹrị sọ mu sunsin ọ̀ pịrị ḅarị ḅara.”

Luku 23:8

Ẹrọdị ḅe Jizọsị gbolomaye naa tẹ ori ẹrị ḅẹ ḍọkịarị kụra-ḅio iḅerea ẹrẹsị ò Jizọsị ẹrị ye mẹ kpọma ò ḅioḅẹlẹmam. Ò ḅiotọnm Jizọsị ḅụụ-buamaye mịẹ tẹ ori ẹrị ḅa.

Luku 9:9

Ẹrọdị kụma ori mẹẹ, “Yẹrị kọkọ Jọnị sịḅị pẹlẹ-siin, à nwẹn kẹ ẹrẹ naarị ḅọ ḅe pịkị tụḅọ?” Ọ̀ nwẹnị ọ̀ mịẹ tẹ Jizọsị ẹrị ḅẹ ḅara ḍọkị lama.

Jọnị 9:27

Ọ̀ nwẹnị pakịrị, “À ḍuko ọ́ pịrị ḅọrọma tẹ, tẹ ó poki ḍụkụ-a. Ó tiegotẹ sin anị naa ḅẹ ḅiiarị? Ẹbịa kụma ọmịnị sọ ò ḍukamẹnjịapụ sọ ḅẹ ḅii ḅarị ḅoto?”

Fịrịmẹnjịapụ 24:24

Ḍin kẹlẹ ḅọrọ tẹso, Fẹlịkisi nwẹnị ọ̀ ta Juu-ḅẹ ẹrẹḅọ Durusila na ḅo, tẹ fịrịma Pọlụ sịn ḅo, tẹ ó Jizọsị Kịrayịsị ḅụ minini nyana gbolomaye ḍuko ịn pịrị tẹ ịn pokim.