2 Amadapụ 8:16 - FỊAFỊA BAỊBỤLỤ

¹⁶ Izirẹlị ḅẹ amadaḅọ Ehabụ owiḅọtụḅọ Joramụ ama-da tẹ sọnọa kụra karama kụra ḅụ mie Jehosafatị owiḅọtụḅọ Jehoramụ saakị Juda da kụra.

2 Amadapụ 8:16 Iomraidhean Croise

2 Amadapụ 1:17

Anieḅụ KỊNỊNYANAḄỌ ḅe ẹkwẹn-ḅịḅị mẹ tẹ Ịlayịja wẹrịtẹ ḍuko tẹ ḅara ḅụ, Ahazaya fịịm. Ahazaya owiḅọtụḅọ iyi-a ẹrẹsị ori iyimbere Jehoramụ nwẹnị ò kiri ọkị tẹ ḅo ama-da, Jehosafatị owiḅọtụḅọ Joramụ Juda ḅẹ amadaḅọ ḅe maaịn karama kụra ḅụ.

2 Amadapụ 3:1

Jehosafatị Juda ḅẹ amadaḅọ ḅe ama-da tẹ maa kụra fa si karama kụra ḅụ Ehabụ owiḅọtụḅọ Joramụ ḅo Sameriya ḅụ sime tẹ oyi ma kụra finji kẹ Izirẹlị ḅụ ama-dam.

1 Amadapụ 22:50

Jehosafatị nwẹnị fịị, tẹ ịn nwẹnị ọ̀ ḍa Devidi opu ama mẹ ḅio ori aḍapụ ma ḍiḅi anga ḅụ ò ḍiḅi. Ori owiḅọtụḅọ Joramụ nwẹnị ò kiri ọkị tẹ ama-da.

1 Amadapụ 22:44

Jehosafatị Izirẹlị ḅẹ amadaḅọ na ḅẹrẹ sọ famam.

1 Amadapụ 22:42

Jehosafatị sịḅị kụra suei sọnọa akụra finji ḅọrọ tẹ ọ̀ saakị Jeruselemu ḅụ ama-da sakị. Ò iyingi ẹrẹ Azuba, Silihi ẹrẹḅọtụḅọ ma.

1 Amadapụ 22:51

Jehosafatị Juda ḅẹ amadaḅọ ḅe ama-da tẹ tẹra kụra fa si karama kụra ḅụ mịẹ Ahazaya Ehabụ owiḅọtụḅọ ḅe saakị Sameriya ḅụ sime tẹ maa kụra kẹ Izirẹlị da yee.

2 Amadapụ 8:25

Izirẹlị ḅẹ amadaḅọ Ehabụ tụḅọ Joramụ ama-da tẹ oyi maa kụra finji karama kụra ḅụ mie Jehoramụ owiḅọtụḅọ Ahazaya Juda ḅẹ amadaḅọ saakị ama-da ye.

2 Amadapụ 11:2

Kụma Jehosẹba, amadaḅọ Joramụ ẹrẹḅọtụḅọ ma, pịkị Ahazaya ịyịmbara ma nwẹnị Johasị Ahazaya owiḅọtụḅọ ḅe dogi-ḅọị ịn ḅaa ḅe mịẹarị amadaḅọ owiapụ-awọmẹ ma ogboku ḅụ. Á nwẹnị ori na ò ḍikiḍikiarị ḅo ma na kẹ mono kala-ḅio ḅụ ḅọị. Mị-ḅara mie á kẹ ọ̀ ḅọị tẹ ini ọ̀ ḅaa-a so yee.

2 Paka-aị 22:1

Jeruselemu ḅụ angarị apụ ma nwẹnị Ahazaya asambịrịma tẹịn owiḅọtụḅọ ḅe kẹ ò kiri ḅụ amadaḅọ sọma, gbala tomina-ogbo mẹ tẹ Arabụ ḅẹ apụ ma na in sime anga ḅo apụ ma ọ̀ tọrọkọ paka owiapụ-awọmẹ mamgba ḅaa tẹ ẹrẹsị. Anieḅụ Ahazaya Juda ḅẹ amadaḅọ Jehoramụ owiḅọtụḅọ ḅe ama mẹ dam.