2 Amadapụ 8:10 - FỊAFỊA BAỊBỤLỤ

¹⁰ Ịlayịsa nwẹnị ọ̀ ḅẹẹ, “Mu tẹ ọ̀ ḅẹẹ, ‘Karakara-ḅara-ḅụ í oju iḅi ḅa’ kụma KỊNỊNYANAḄỌ ḅe kẹ ì ḍie tẹ mịnẹ karakara-ḅara-ḅụ ọ̀ fịị ḅa.”

2 Amadapụ 8:10 Iomraidhean Croise

Suku-saakị 2:17

Kụma iḅiye-na-siye-na nimi pịrịarị sịn mẹ ḅụ paka-ḅo sịnmgbọlụ mẹ fị ma, kẹ gotẹ ọkọ ḅẹẹarị, anị ene mẹ tẹ ị́ anị fị ene mẹ ḅụ ị́ fịị ḅa.”

Suku-saakị 41:39

Mie ḅụ Fero nwẹnị Josẹfụ ḅẹẹ, “Tamụnọ mie mẹmgba kẹ í ḍie tẹ nwẹn ḅẹẹ sakị í sikima kụma jụmọ tẹ ye-nimi tẹ, ye ḅio sime ye lekiri, tẹ tọnwa ẹkwẹn kọn-a ḅara kẹ amịna tọn ye nimi tẹ mịẹ ḅẹ jụmọ ofori.

1 Amadapụ 22:15

Ò ḅo amadaḅọ ḅe la tẹso, amadaḅọ ḅe nwẹnị ọ̀ ḅẹẹ, “Mayịkaya, wa mu Ramọtị-giliyadị na owu so mụnọọ, wa mu ma mọ?” Ọ̀ nwẹnị ọ̀ pakịrị. “Muu, tẹ owu-ḅara-iḅi nyana-a, KỊNỊNYANAḄỌ ḅe anị kẹ amadaḅọ ḅe ḅara-ḅio suu ḅa.”

2 Amadapụ 1:16

tẹ nwẹnị ọ̀ ḅẹẹ, “Mie KỊNỊNYANAḄỌ ḅe ḅẹ ḅara, ‘ị́ fịrịmẹnjịapụ fịrịma mu Balị-zibọbụ, Ẹkịrọnị ḅe oru-tamụnọ ḅe gbela ḅe mum — anie gbala Izirẹlị ḅụ ị́ ḅịḅị ḅii ḅẹ Tamụnọ ofori-a? Ọkọẹrẹsị í mono tẹ iḅila mẹ ọgọnọ í kuro-ḅo ḅịa, kụma karakara-ḅara-ḅụ ị́ fịị ḅa.’ ”.

2 Amadapụ 1:4

Anịẹrẹsị mịọkụ mie KỊNỊNYANAḄỌ ḅe ḍuko yee, ‘Í mu mono tẹ iḅila mẹ ọgọnọ ị́ ḅarị kuro-ḅo ḅịa, karakara-ḅara-ḅụ ị́ fịị ḅa.’ ” Anịtẹso Ịlayịja nwẹnị mu.

Jerimaya 38:21

Kụma KỊNỊNYANAḄỌ ḅe ịkịan ḅara kẹ paka ḅẹ ye kẹ ì ḍie tẹ ị́ ḍụkụ tẹ ḅara saakị-a ḅẹḅẹ.

Izikẹlị 11:25

tẹ à ye goyegoye tẹ KỊNỊNYANAḄỌ ḅe kẹ ì ḍie tẹ ye mẹ ḍuko kun-so apụ ma pịrịm.

Izikẹlị 18:13

tẹ sọye fị ḅara kẹ igbigi kẹ kịnị ḅọlọarị. Anị ḅọ ḅe ò ḍumo ḅẹ? Ẹn-ẹn, ò ḍumo ḅịa. Ọ̀ mịna sịḅị-ngụngụnmarị aị mamgba mịẹ tẹ, anie ḅụ ọ̀ fịị ḅa. Ọ̀ fịị ḅẹ ḅẹrẹ mẹ, ọ̀ sịḅị ọgọnọ gbana ḅa.

Emọsị 3:7

Gbala-gbala Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gberie-sọ mịẹ-mịẹ-a, ọ̀ tarị anị kẹ giregire ḅara kẹ ori afịrịmẹnjị-ịkịankoroapụ ma ḍie-a ogbo.

Emọsị 7:1

À Tẹịn-Ḅẹrẹtọn-Kụrọ-Nyana KỊNỊNYANAḄỌ ḅara ḅo ịkịan ẹrịm. Anị ḅio arị ẹrịm ori Igurube ogbo tẹmẹarị, anie ịn sime amadaḅọ ḅe pịrị opu anama koko osuka ma pẹlẹ fama tẹ ịwọ osuka saakị pakarị sakị ḅụ.

Emọsị 7:4

À Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅara ḅo jen ịkịan ẹrịm. Anị ḅio ḅụ arị ori ẹrịm ọ́ tẹlẹma tẹ kọrị-fịnị kẹ ori atomi fomu ḅẹ-yearị. Fịnị mẹ kiri mẹ suku-ḅio simearị opu abajị mẹ dọkịma fama tẹ saakị amakiri mẹ dọkịmarị.

Emọsị 7:7

À KỊNỊNYANAḄỌ ḅe ḅara ḅo jen ịkịan ẹrịm. Anị ḅio ḅụ arị ori ẹrịm ọ́ warị akaka sịẹ wararị, anie ịn gononoye-tọn-ḍikiye kẹ nama ye, tẹ tọn ye ọ̀ ḅara emi.

Emọsị 8:1

À KỊNỊNYANAḄỌ ḅe ḅara ḅo jen ịkịan ẹrịm. Anị ḅio ḅụ à sịnmgbọlụ ḅin wararị kana ẹrịm.

Zẹkaraya 1:20

Anịtẹso KỊNỊNYANAḄỌ ḅe amana ọlọ wararị ini akọrịnama-kọrịapụ kẹ ì ḍiem.

Mịẹfinji 22:1

Enjẹlị ḅe pịkị ḍumo minji tọrụ kẹ ì ḍiem, anị kịọnkịọn-arị, kirisitalị nwẹn-sịn ye mẹ sime-ḅara, tẹ Tamụnọ na Anana-Tụḅọ ḅe na emine mẹ ḅụ mie anị sarasara paka ḅoarị ye,