2 Amadapụ 8:1 - FỊAFỊA BAỊBỤLỤ

¹ Ịlayịsa tụḅọ fịị tẹ ọ̀ sịn-saakịma pịrị ẹrẹḅọ ma ḅẹẹm, “Í bebe warị-kpo na saakị mu í inetẹ ḅẹ anga ḅẹ anga ḅụ sime, gbala Tamụnọ ịnụ kẹ ama mẹ fịrịmarị tẹ sọnọma kụra ḅụ fịye ama mẹ ḅio kụrọ ḅa”

2 Amadapụ 8:1 Iomraidhean Croise

Suku-saakị 12:10

Mịọkụ Kenanị ama mẹ ḅio ịnụ pakam. Mie ḅụ Ebiramụ ideri-so Ijiputi anịjụ sime ḅẹ ḅara, gbala ama mẹ ḅio ịnụ mẹ kụrọ ḅakam ẹrẹsị.

Suku-saakị 26:1

Ịnụ mẹ tẹ Ebira-amụ ene ma ḅụ paka ḅọrọ tẹ ye mẹ sikima, mị sakị mẹ ḅụ ịnụ pakam, tẹ Ayịzịkị so Gira mu tẹ Abimẹlẹkị, Filisiteniapụ ma amadaḅọ ḅe ḍọkụma-mum.

Suku-saakị 41:25

Anịtẹso Josẹfụ nwẹnị Fero ḅẹẹ, “Fero kọn maa aḍawọ ma gberie fiem; Tamụnọ ọ̀ mịẹ ḅẹ-yearị ye mịẹfinji Fero pịrị tẹẹ.

Suku-saakị 41:32

Anịsakị Fero maa asakị kẹ gbọrụ ḍawọ mẹ kọn ye mẹ fiearị mịnẹ Tamụnọ paka ḅarịye mẹ tọn-pẹlẹ tẹ, anịsakị ala-a sakị ḅụ anị paka ḅa.

Suku-saakị 41:54

tẹ ịnụ sọnọma akụra suku-saakị sọ-ḅom, Josẹfụ wẹrịtẹ ḅẹẹ ḅara. Ama mamgba ḅụ fịye kụrọarị ịnụ emi, kụma Ijiputi ḅẹ ama mamgba ḅụ fịye emi.

Suku-saakị 47:4

Ịn nwẹnị Fero ḅẹẹ, “Wa igoni kẹ ama mẹ ḅio anga ḅẹ ḅom, gbala ị́ afịrịmẹnjịapụ iḅi osuka nyana tẹ kẹ anana ogbo-ogbo ma pịrị fị ḅẹ anga ofori ẹrẹsị; kẹ gotẹ ọkọ ḅẹẹarị, ịnụ mẹ Kenanị ama mẹ ḅio kụrọ-gbaị wararị ẹrẹsị, anịsakị mịọkụ wa ị́ tẹkẹm, yee ị́ afịrịmẹnjịapụ Gosẹnị ama mẹ ḅụ anga.”

2 Samụẹlị 21:1

Mịọkụ Devidi Ama-daarị ene ma ḅụ sịḅị, sịḅị tẹra kụra ḅụ ịnụ ama mẹ ḅio simem, tẹ Devidi, KỊNỊNYANAḄỌ ḅe tọrụkuḅu ḍọkịm. KỊNỊNYANAḄỌ ḅe nwẹnị ḅẹẹ, “Ọmbie ọsụma ḅẹrẹ-ḅarasii Sọlụ na, ọ̀ warị na ọgọnọ emi, gbala ò Gibiyọnị ḅẹ apụ ma ḅaam ẹrẹsị.”

2 Samụẹlị 24:13

Anieḅụ Gadi, Devidi ḍọkụma-ḅo tẹ ḍuko ọ̀ pịrị tẹ ọ̀ ḅẹẹm, “Tẹra akụra ḅẹ ḅuru-ḅa ị́ ama koro ḅẹ mụnọọ? Anịanịa, tẹra akalụ kẹ ọmụ ḅio ị́ na fịya-a apụ tọrọkọ ini í ḍukarị ogbo ḍumo-mangị kọn ḅẹ mụnọọ? Anịanịa, tẹra aḍin ḅẹ ama gbaịn obi ị́ ama koro ḅẹ mụnọọ? Mịọkụ anị kẹ ḅiokoromaa, tẹ à pịkịma-mu oriḅe tẹ ị̀ fịrịma ḅọ ḅe pịrị ḅarị pakịrị-ḅịḅị tọn pẹlẹ.”

1 Amadapụ 17:1

Mị sakị ḅụ Tisibi ḅẹ Ịlayịja, Gilẹdị ḅụ sime ḅọ ḅe nwẹnị Ehabụ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe ḍumo wararị ogbo, ori ḅe tẹ à fịrịmẹnjị pịrịarị ḅọ ḅe, à ḍuko-a sime ogbo, mịna akụra ma ḅụ igirigi anịanịa eene koro ḅịa.”

1 Amadapụ 18:2

Anieḅụ Ịlayịja nwẹnị ọ̀ ḅụụ kẹ Ehabụ ḍie ḅẹ mu. Mị sakị mẹ ḅụ kụrọ ịnụ Sameriya ḅụ emi.

2 Amadapụ 4:18

Tụḅọ ḅe gburo-gburo tẹso, ọ̀ nwẹnị gbọrụ dede-ḅio ọ̀ ḍa sime anga mu fịye soku apụ ma ogboku ḅụ.

2 Amadapụ 4:36

Anịtẹso Ịlayịsa nwẹnị Gehazi sịn tẹ ọ̀ ḅẹẹ, “Ma Sunemu ḅẹ ḅọ ma sịn.” Anieḅụ ọ̀ nwẹnị á sịn. Árị ọ̀ ḍọkụma-ḅo tẹso, ọ̀ nwẹnị á ḅẹẹ, “Í owiḅọtụḅọ saakị ọkị.”

2 Amadapụ 4:38

Ịlayịsa nwẹnị siin Giligalị ḅo ịnụ ama mẹ ḅio emi ogbo. Ịkịankoroapụ ma ọ̀ tọrọkọ lẹgị-sime wararị ḅara ḅụ, ọ̀ nwẹnị ọ̀ fịrịmẹnjịḅọ ḅẹẹ, “Gburo-gburotẹ ḅẹlẹ mẹ saakị ọpọ ḅio sịẹma tẹ ọḍụ sọ ịkịankoroapụ ma pịrị.”

2 Amadapụ 7:20

Anị ḅara mie anị paka ọ̀ pịrị ḅara, gbala tomi ma ori ọgọnọ ḅụ ọ̀ nanga-nanga ḅọrọ tẹ ọ̀ fịịm.

2 Amadapụ 8:2

Anieḅụ ẹrẹḅọ ma nwẹnị saakị tẹ Tamụnọ tomḅọ ḅe kẹ wẹrịtẹ á ḅẹẹ ḅara mịẹ. Á nwẹnị á warị-kpo mẹ na mu sọnọma kụra kẹ Filisiteni ḅụ anga.

Devidi-Anume 105:16

KỊNỊNYANAḄỌ ḅe ḅuru-ḅa kẹ ịna sịẹ mẹ fịrịma tẹ ịna fịye mamgba ọkị-som.

Devidi-Anume 107:34

Ọ̀ mịẹ tẹ ye pakama-pakama kiri ḅo fụn-fụn-fụn simearị ịkpa sọm anị yọ anga apụ sụa si-sịḅịḅio gotẹ.

Jerimaya 25:29

Àrị à nyana tẹ kọrị ḅẹ guluguluma kọrịnama mẹ saakị ḅa ị̀ ḅara-kuḅu ḅẹ opu ama mẹ ḅio. In kuromarị in fomu-ḅara da-a so ḅa aro? Ẹn-ẹn; in fomu-ḅara da ḅa, kẹ gotẹ ọkọ ḅẹẹarị, arị ọmụ kẹ bebe tomikiri mẹ fịrịma ḅẹ-yearị. Yẹrị, Kụrọmamgba nyana KỊNỊNYANAḄỌ ḅe ọkọ ḅẹẹm.”

Lẹvitikọsị 26:26

À fịye ḅo, ḅo ọ́ laarị anga mẹ pẹlẹ-siin sakị, oyi ereme gbọrụ fịturu fọị ọpọ ḅio, ọmịna fịye fọị ḅa, anịsakị fịye mẹ, iku ḅụ mie ini ọmịna fịye tọn, tọn ọ́ pịrị ḅarịye; tẹ ọ́ fị ḅa, kụma ọmịna furo ḅin ḅịa.”

Emọsị 4:6

“Yẹrị anie ḅuru-kụrọ kẹ ọmịna opu ama mamgba pịrị yee, anịsọ ọ́ pịkị ị̀ ḍọkụma-ḅoa.

Hegayị 1:11

À samụnọ sakị ọkị-ḅo kiri mẹ lama tẹ — anị ḅẹ tụndụ ma ọgọnọ na, mbịaka aḍụọ ma na, kụrọ aḍụọ ma na, fị sịn mgbọlụ aḍụọ ma na — kiri mẹ pakama-ḅoḅo ye goyegoye, tomi na nama amẹẹ ma ọgọnọ na, ọ́ ḅụụkụrọma tẹ ḍiḅi ḅarịye goyegoye ọgọnọ ḅụ.”

Luku 21:11

Kiri ḅalafama ḅara kẹ jike ḅa; ḅuru tomi ḅaa ḅa, ama-fama obi anga, anga la ḅa; jen ene kịnị amụ ẹrị-a ḅalafama aị So-tọrụ paka ḅa.

Luku 21:22

Arị ene ma anie ‘Fomu-ḅara ḅo tomi la ḅẹ ene ma,’ tẹ Fịafịa Ḍiri mẹ ḍuko aị mamgba mịẹ fama ḅa.

Luku 4:25

“Ọmịnị ì pokii: karakara ye Ịlayịja ḍumo wararị sakị ḅụ Izirẹlị ḅụ tọnwa diapụ-fịtẹ-ereme simem, anie eene koro-a nwenii tẹra kụra na pakịrị na la tẹ opu ḅuru-ḅa bebe amakiri mẹ gbaịn koro sakị mẹ.

Fịrịmẹnjịapụ 11:28

Ịna ḅụ ḅẹ gbọrụḅọ, Agabọsị nwẹn sịn ḅọ, nwẹnị saakị sịẹ tẹ Tẹmẹ ḅe kụrọ ḅụ ịkịankoro ḅara kẹ ḍuko pakama mịnẹ opu ḅuru-ḅa ḅo bebe tomikiri mẹ gbaịn ḅa. (Anị ḅom Kịladịyọsị tomikiri mẹ daarị sakị.)

Rufu 1:1

Alatẹ sakị ḅụ, Ḅẹrẹtọn-apụ ma Izirẹlị mẹ ḅio ḅẹrẹtọn-arị sakị, ama mẹ ḅio ịnụ pakam. Aniemẹ gotẹ, Juda ḅẹ Bẹtịlịhẹmụ ḅẹ gbọrụ owiḅọ ori na, ọ̀ ta na, ori maa owiapụ-awọmẹ na nwẹnị igoni ḅara kẹ so Mohabụ mu tẹ anịjụ anga.