2 Amadapụ 7:3 - FỊAFỊA BAỊBỤLỤ

³ Mịọkụ mẹnjị Sameriya ogigo mẹ sọarị ḅọkọ mẹ akaka sofịnị-obi kọn-arị ini apụ simem; ịn nwẹnị jụmọ-jụmọ ḅẹẹ, “Wa tiegotẹ mị yọ lẹgị-sime wenii fịị ḅẹ?

2 Amadapụ 7:3 Iomraidhean Croise

2 Amadapụ 5:1

Nahamanị Siriya ḅẹ ọmụ-ogbo mẹ sịḅịdaḅọ ḅe anie gburo-gburo ḅọ Amadaḅọ ḅe tọrọkọ, tẹ ọ̀ kẹ ye-sịn pịkị mangịma nyana ọ̀ pịrị ḅọ. Kẹ gotẹ ọkọ ḅẹẹarị, ọ̀ ḅụụ ḅụ mie KỊNỊNYANAḄỌ ḅe owu-ḅara-iḅi kẹ Siriya pịrị ye. Ori anie kụrọ nyana tẹ ọmụgbinḅọ, kụma ò sofịnị-obi kọnm.

2 Amadapụ 7:4

Wa nwẹnị ḅẹẹ, ‘Yee wa mẹnjị opu ama mẹ ḅio sọ-mu’ sọ, ịnụ ama mẹ ḅio emi, wa fịị ḅa anịjụ; wa nwẹnị mị yọ lẹgị-sime sime, wa pịkị paa fịị ḅa. Ọkọẹrẹsị ó ḅo wa mẹnjị saḅa Siriya ḅẹ apụ ma akpụrụ-warị mu. Ịn wa ḅaa-a ḅẹḅẹ wa ḍumo ḅa; ịn wa ḅaam ḅẹḅẹ, wa paa pịkị fịị ḅa.”

2 Amadapụ 8:4

Á sọ-ḅo sakị, árị ẹrịm amadaḅọ ḅe Gehazi, Ịlayịsa fịrịmẹnjịḅọ ḅe na ẹkwẹnmarị, tẹ ọ̀ ḅẹẹm, “Ịlayịsa kọrị opu aị mamgba ḍuko ị̀ pịrịị.”

Jerimaya 27:13

Tiye ẹrẹsị ị́yẹrị na ị́ atomi na fịị ḅẹ ọmụ ḅio, anịanịa ḅuru-ḅa ḅụ, anịanịa obi ḅụ? Anie KỊNỊNYANAḄỌ ḅe ọkọ ḅẹẹm ye mịnẹ sịḅị-tuu Babịlonịya ḅẹ amadaḅọ ḅe pịrị-a ḅọ pịrị-a ḅọ ḅụ paka ḅarị ye.

Jerimaya 8:14

Tamụnọ atomi ma gbelarị, “Tiye ẹrẹsị wa paa mị yọ lẹgị-sime wararị? Ó ḅoo, wa mangị kụrọnị opu ama ma mu tẹ arị anga ḅụ fịị. KỊNỊNYANAḄỌ, wamịna Tamụnọ ḅe, fịị ḅẹrẹ-pẹlẹ wamịna ọgọnọ gbana tẹẹ; ọ̀ kịnị-ḅaaḅa ye kẹ wa pịrị ḅuu tẹẹ, wa si kẹ ọ̀ mịẹ tẹ ẹrẹsị.

Kịẹn-aḅịḅị 12:10

tẹ oḅuto mẹ Akpụrụ-warị mẹ ọgọnọ-jụ so tẹso, Mirihamụ oju ḅụ sofịnị-obi paka tẹ arị eene-mgbọ pịna ḅara kẹ peema ḅịyam. Erọnị tọrụ-pịkị Mirihamụ ḍiki tẹ ẹrịm sofịnị-obi árị oju paka tẹso,

Kịẹn-aḅịḅị 12:14

Kụma KỊNỊNYANAḄỌ ḅe nwẹnị Mozizi ḅẹẹ; “Á ḍa nwẹnị fịla kẹ á tọrụkuḅu sara kụma, á sọnọma aḍin kẹ anị ḅẹ ḅụụ-jịrị nyana ḅịa? Yee á sọnọma aḍin kẹ kobiri-ogbo mẹ ḅio paka tẹ ịkasị tẹ sime, anịsakị aniemẹ ḅọrọ sakị, ọ́ pịkị inetẹ sin arị ọkị-ḅo suu ḅa.”