2 Amadapụ 6:1 - FỊAFỊA BAỊBỤLỤ

¹ Gbọrụ sakị ḅụ Ịlayịsa ḍikiḍikiarị ịkịankoroapụ ma nwẹnị ọ̀ ḅẹẹ, “Wa sime tẹ ị́ wa ḍikiḍikiarị anga mẹ wamịna aḅụụ ịrụ ḅakam

2 Amadapụ 6:1 Iomraidhean Croise

1 Amadapụ 20:35

KỊNỊNYANAḄỌ ḅe tọn ḅara ḅụ, ịkịankoroapụ ma owiapụ-awọmẹ ma ḅe gbọrụ owiḅọ nwẹnị ò pembe gbọrụḅọ ḅẹẹ, “Arị ị́ tẹkẹm, ì fomuu.” Kụma tomḅọ ḅe ò fomu ḍụkụ-a.

2 Amadapụ 2:15

Ịkịankoroapụ amesi oyi finji ma tẹ Jeriko ḅụ ḅo apụ ma ori ịna tọrọkọ ḅụ mẹnjị ḅoarị ẹrị tẹso, ịn nwẹnị ḅẹẹ, Ịlayịja tẹmẹ mẹ Ịlayịsa ọgọnọ gbana tẹẹ. Ịn nwẹnị ori na bịama ḅẹ ḅo tẹ ọ̀ tọrọkọ sịḅị-tuu mu kiri lama,

2 Amadapụ 2:3

Bẹtẹlị ḅụ simearị ịkịankoroapụ gbọrụ ogbo nwẹnị paka Ịlayịsa ḍọkụma-ḅo, tẹ ọ̀ ḅẹẹ, “í gbeke nimi mịnẹ mịmgba KỊNỊNYANAḄỌ ḅe ị́ ḅụụ ḅụ ị́ sịḅịdaḅọ ḅe ọkị so ḅẹ?” Tẹ ọ̀ nwẹnị ḅẹẹ, “Inn, à nimi wararị, ó dein simee.”

2 Amadapụ 2:5

Jeriko ḅụụ simearị ịkịankoroapụ gbọrụ ogbo nwẹnị sọma Ịlayịsa kpeki tẹ ọ̀ ḅẹẹ, “í gbeke nimi mịnẹ mịmgba KỊNỊNYANAḄỌ ḅe ị́ ḅụụ ḅụ ị́ sịḅịdaḅọ ḅe ọkị so ḅẹ?” Tẹ ọ̀ nwẹnị pakịrị, “Inn, à nimi wararị, ó dein simee.”

2 Amadapụ 2:7

Ịkịankoroapụ ma ḅụ, kịnị amesi oyi finji tombi kẹ ịn pịrị-pịrị mẹnjị mu ala-jụ sịẹsimem ini maa apụ ma Jodanị tọrụ mẹ akaka ḅụ sịẹ sime sakị.

2 Amadapụ 4:1

Ịkịankoroapụ ma ogbo ḅẹ gbọrụ owiḅọ ta nwẹnị owu Ịlayịsa pịrị, “Ị́ fịrịmẹnjịḅọ ì di ḅe ọ̀ fịị tẹẹ; í nimi wararị mịnẹ ị́ fịrịmẹnjịḅọ ḅe KỊNỊNYANAḄỌ ḅe ḍiki-ḅalafaam, kụma ọ̀ ḅara ḅụ saa fị ḅọ ọ̀ fị saa mẹ gotẹ ḅo ị̀ maa awọmẹ ma ọkị ori omoni sọma ḅẹ tẹẹ.”

2 Amadapụ 4:38

Ịlayịsa nwẹnị siin Giligalị ḅo ịnụ ama mẹ ḅio emi ogbo. Ịkịankoroapụ ma ọ̀ tọrọkọ lẹgị-sime wararị ḅara ḅụ, ọ̀ nwẹnị ọ̀ fịrịmẹnjịḅọ ḅẹẹ, “Gburo-gburotẹ ḅẹlẹ mẹ saakị ọpọ ḅio sịẹma tẹ ọḍụ sọ ịkịankoroapụ ma pịrị.”

2 Amadapụ 6:2

Yee wa Jodanị mu tẹ wamịna aḅụụ gbọrụḅọ-gbọrụḅọ anịanga sịn gbọrụ ḅiri gbọrụ ḅiri pẹlẹ ḅo tẹ arị kẹ gbọrụ anga ḅụ warị nama tẹ anịanga anga.” Ịlayịsa nwẹnị pakịrị, “Ó muu.”

Jobu 36:16

Ḅụụ-ḅalaḅala ḅụ sọ ori í toluma pakama-ḅo mu finjimatẹ kpasịma ofori anga ḅio sunm, tẹ ḅẹlẹkị ḅụụ ḅio ḅin wararị ye kẹ ị́ dẹbịlẹ ọgọnọ gbanam.

Hiburu 11:34

ini opu kọrị afịnị ḅinmam, ogie fịị ḅio ịn pụkọ-pakaḅom. Ịnyọ ịna ḅụụ faam, kụma ịn pịkị ịnyọ sụam; ọmụ kiri ḅụ ini kụrọnịapụụ, tẹ ja asịẹ ḅẹ ọmụ-ogbo ma nẹngịma, nẹngịmam.

Jọsụwa 17:14

Josẹfụ furo mẹ nwẹnị ẹkwẹn Jọsụwa pịrị tẹ ḅẹẹ, “KỊNỊNYANAḄỌ ḅe ì boma tẹ ḅẹẹ-sakị, á kịẹnkịẹn-ọkụ-ofori ḅẹ atomi sọ tẹ, í tiegotẹ ye kẹ ị̀ pịrị ḅẹ kụma anịsọ gbọrụ kpo na gbọrụ ḍiekiri na ngẹrị kẹ ị̀ pịrị sime anga ḅara ḅụ?”

Jọsụwa 19:47

Danị furo-ḅẹ-apụ ma ye-yọ mẹ fa ịn piri tẹso, Danị furo-ḅẹ-apụ ma nwẹnị iwo mu tẹ Lẹsẹmụ na owu sọ, ini anị ọkị tẹ okologie kẹ anị fama, tẹ anị ọkị nyana tẹ anị ḅio koro anga tẹso, ịn nwẹnị ịna atẹngịḅọ ẹrẹ Danị kẹ Lẹsẹmụ kuro.

1 Samụẹlị 19:20

Anịtẹso Sọlụ nwẹnị fịrịmẹnjịapụ fịrịma in mu Devidi ọlọọ, tẹ in ḅo ịkịankoroarị ịkịankoroapụ ogbo mẹ na, Samụwẹlị ịn kẹ sịḅịda ḅara kẹ sịẹsime wararị ẹrị tẹso, Tamụnọ Tẹmẹ ḅe nwẹnị ḅo Sọlụ afịrịmẹnjịapụ ma ọgọnọ gbana, tẹ ini sọ nwẹnị ịkịankoro.