2 Amadapụ 2:3 - FỊAFỊA BAỊBỤLỤ

³ Bẹtẹlị ḅụ simearị ịkịankoroapụ gbọrụ ogbo nwẹnị paka Ịlayịsa ḍọkụma-ḅo, tẹ ọ̀ ḅẹẹ, “í gbeke nimi mịnẹ mịmgba KỊNỊNYANAḄỌ ḅe ị́ ḅụụ ḅụ ị́ sịḅịdaḅọ ḅe ọkị so ḅẹ?” Tẹ ọ̀ nwẹnị ḅẹẹ, “Inn, à nimi wararị, ó dein simee.”

2 Amadapụ 2:3 Iomraidhean Croise

1 Amadapụ 18:4

Jezibẹlị KỊNỊNYANAḄỌ ḅe ịkịankoroapụ ma pẹlẹ-ḅaa sakị, Obadaya ịkịankoroapụ sọnọa si ọkị tẹ kịnị amesi oyia apụ finji finji kẹ gbọrụ fukuru gbọrụ fukuru ḅio ḅọị tẹ fịye na minji na kẹ in kokom.)

1 Amadapụ 20:35

KỊNỊNYANAḄỌ ḅe tọn ḅara ḅụ, ịkịankoroapụ ma owiapụ-awọmẹ ma ḅe gbọrụ owiḅọ nwẹnị ò pembe gbọrụḅọ ḅẹẹ, “Arị ị́ tẹkẹm, ì fomuu.” Kụma tomḅọ ḅe ò fomu ḍụkụ-a.

2 Amadapụ 2:15

Ịkịankoroapụ amesi oyi finji ma tẹ Jeriko ḅụ ḅo apụ ma ori ịna tọrọkọ ḅụ mẹnjị ḅoarị ẹrị tẹso, ịn nwẹnị ḅẹẹ, Ịlayịja tẹmẹ mẹ Ịlayịsa ọgọnọ gbana tẹẹ. Ịn nwẹnị ori na bịama ḅẹ ḅo tẹ ọ̀ tọrọkọ sịḅị-tuu mu kiri lama,

2 Amadapụ 2:5

Jeriko ḅụụ simearị ịkịankoroapụ gbọrụ ogbo nwẹnị sọma Ịlayịsa kpeki tẹ ọ̀ ḅẹẹ, “í gbeke nimi mịnẹ mịmgba KỊNỊNYANAḄỌ ḅe ị́ ḅụụ ḅụ ị́ sịḅịdaḅọ ḅe ọkị so ḅẹ?” Tẹ ọ̀ nwẹnị pakịrị, “Inn, à nimi wararị, ó dein simee.”

2 Amadapụ 2:7

Ịkịankoroapụ ma ḅụ, kịnị amesi oyi finji tombi kẹ ịn pịrị-pịrị mẹnjị mu ala-jụ sịẹsimem ini maa apụ ma Jodanị tọrụ mẹ akaka ḅụ sịẹ sime sakị.

2 Amadapụ 4:1

Ịkịankoroapụ ma ogbo ḅẹ gbọrụ owiḅọ ta nwẹnị owu Ịlayịsa pịrị, “Ị́ fịrịmẹnjịḅọ ì di ḅe ọ̀ fịị tẹẹ; í nimi wararị mịnẹ ị́ fịrịmẹnjịḅọ ḅe KỊNỊNYANAḄỌ ḅe ḍiki-ḅalafaam, kụma ọ̀ ḅara ḅụ saa fị ḅọ ọ̀ fị saa mẹ gotẹ ḅo ị̀ maa awọmẹ ma ọkị ori omoni sọma ḅẹ tẹẹ.”

2 Amadapụ 4:38

Ịlayịsa nwẹnị siin Giligalị ḅo ịnụ ama mẹ ḅio emi ogbo. Ịkịankoroapụ ma ọ̀ tọrọkọ lẹgị-sime wararị ḅara ḅụ, ọ̀ nwẹnị ọ̀ fịrịmẹnjịḅọ ḅẹẹ, “Gburo-gburotẹ ḅẹlẹ mẹ saakị ọpọ ḅio sịẹma tẹ ọḍụ sọ ịkịankoroapụ ma pịrị.”

2 Amadapụ 5:22

Gehazi nwẹnị pakịrị, “Ye goyegoye iḅi wararị. Ị̀ sịḅịdaḅọ ị̀ kẹ fịrịmam àrị ị́ ḅẹẹ, ‘Mị gbọrụ sakị ḅụ Iferemu tụndụ ọgọnọ ḅẹ opu sịẹ mẹ ḅụ asambịrịma maa ịkịankoroapụ ogbo mẹ ḅio ị̀ ḍọkụma-ḅo tẹẹ; àrị ị́ tẹkẹm seleḅa pakịrị sọnọma ẹndẹ oyia asi finji na, ye-ḅiri maa opu akapa na kẹ ịn pịrịị.’”

2 Amadapụ 6:1

Gbọrụ sakị ḅụ Ịlayịsa ḍikiḍikiarị ịkịankoroapụ ma nwẹnị ọ̀ ḅẹẹ, “Wa sime tẹ ị́ wa ḍikiḍikiarị anga mẹ wamịna aḅụụ ịrụ ḅakam

2 Amadapụ 9:1

Anịtẹso Ịlayịsa nwẹnị ịkịankoroarị asambịrịma owiapụ ma ḅẹ gbọrụḅọ sịn tẹ ọ̀ ḅẹẹ, “Ị́ ḅụụ tẹlẹma tẹ mị pulo-sụaye mẹ ọkị tẹ Ramọtị-giliyadị muu.

Ayịzaya 8:18

Mie yẹrị, KỊNỊNYANAḄỌ ḅe kẹ ị̀ pịrịtẹ awọmẹ ma na ị̀ na, Kụrọmamgba nyana KỊNỊNYANAḄỌ, Zayọnị tụndụ ọgọnọ ḅụ amịna emine emi ḅọ ḅe, ḍumo pịrịarị oku ma kẹ wa fịrịma tẹ mịnẹ kẹ Izirẹlịapụ pịrịị.

Emọsị 7:14

Emọsị pakịrịm, “Yẹrị gbẹẹ-ye gotẹ ịkịankoroapụ ma ḅẹ gbọrụḅọ-a. Yẹrị nama-ḍikiḍikiḅọọ, tẹ à pịkị figi asịn sọ ḍikiḍikim

Fịrịmẹnjịapụ 22:3

“Yẹrị Juu-ḅẹ ḅọ, Silisiya ḅẹ Tasọsị ḅụ ini ì iyim, kụma mị Jeruselemu mẹ ḅụ arị anga paka tẹ pịkị Gamalịyẹlị ḅara ye ḍawọm. Wamịna atẹngịapụ ma Oloko mẹ ḅẹ kụrọ-ḅara ḅụ ịn ye kẹ ì toluma pakama ḅom. Ọmịnị-mgba mịmgba ḅụ Tamụnọ ḅụụ sịẹ-kụrọ ḅara mie yẹrị sọ kẹ ọ̀ ḅụụ sịẹ-kụrọ ḅara.

Ditẹrọnọmị 33:3

Karakara-ḅara-ḅụ ori ori atomi ḅẹlẹmam; ịn mịẹ-fịafịama ọ̀ pịrị apụ mamgba ọ̀ ḅara ḅio emi; anị ḅara mie ini ị́ mẹnjị-aḅụọ ḍukamẹnjị ḅịa, ị́ ḅụụ datụkụma ọkịarị,

1 Samụẹlị 10:5

Aniemẹ ḅọrọ sakị í ḅo Gibiyati-elohimu ḅụ Filisiteniapụ ma gbọrụ ọmụ-ogbo simearị anga la ḅa; anịsakị anịjụ í ḅo opu ama mẹ laarị ogbo, ị́ ịkịankoroapụ ogbo na bịama ḅa, ịna tọrọkọ ḅụ ini ọbọ na, nyẹịn-nyẹịn fiearị farị-aị na, ofuro-ofuro-aị na, alili na farị ma gele yọ mẹ ḅụ iderima-ḅoarị, tẹ ịkịankoroarị.

1 Samụẹlị 19:20

Anịtẹso Sọlụ nwẹnị fịrịmẹnjịapụ fịrịma in mu Devidi ọlọọ, tẹ in ḅo ịkịankoroarị ịkịankoroapụ ogbo mẹ na, Samụwẹlị ịn kẹ sịḅịda ḅara kẹ sịẹsime wararị ẹrị tẹso, Tamụnọ Tẹmẹ ḅe nwẹnị ḅo Sọlụ afịrịmẹnjịapụ ma ọgọnọ gbana, tẹ ini sọ nwẹnị ịkịankoro.