2 Amadapụ 13:3 - FỊAFỊA BAỊBỤLỤ

³ KỊNỊNYANAḄỌ ḅe ịganị nwẹnị Izirẹlị ọgọnọ gbana, tẹ ọ̀ nwẹnị sịkọpẹlẹ-a ḅara kẹ ịn kẹ Azẹlị Siriya ḅẹ amadaḅọ na, Azẹlị owiḅọtụḅọ Bẹnị-hadadị na ḅara-ḅio suu.

2 Amadapụ 13:3 Iomraidhean Croise

1 Amadapụ 19:17

Hazẹlị okologie ḅụ mangị-so ḅọ so ḅọ, Jehu mḅọ ḅaa ḅa; anịsakị Jehu okologie ḅụ mangị-so ḅọ so ḅọ, Ịlayịsa mḅọ ḅaa ḅa.

2 Amadapụ 12:17

Anie Azẹlị, Siriya amadaḅọ mu Gati na owu-sọ tẹ anị ọkị sakị. Kụma ò ḅo tọrụ kẹ Jeruselemu da tẹso,

2 Amadapụ 13:22

Azẹlị Siriya ḅẹ amadaḅọ mịna ene mamgba tẹ Jehohahazị Ama-daarị sakị ḅụ Izirẹlị ponomam.

2 Amadapụ 17:20

KỊNỊNYANAḄỌ ḅe nwẹnị Izirẹlị ḅụ paka-ḅo apụ mamgba sịkị, tẹ ḅụụ-fụka kẹ ịn pịrị, ịn kẹ ye sima apụ ḅara-ḅio suu, nwenii ori ò ḍiki-tọrụ ḅụ ini nguma famam.

Jerimaya 49:27

À fịnị kẹ Damasịkọsị onu ma ḅụ sụa ḅa tẹ Ama-da Bẹnị-hadadị amada-awarị ma dọkịma kiri lama ḅa. Yẹrị, Kụrọmamgba nyana KỊNỊNYANAḄỌ ḅe, ọkọ ḅẹẹm.”

Lẹvitikọsị 26:17

Àrị ị̀ tọrụkuḅu kẹ ọmịna si anga ḅụ wẹrị ḅa, tẹ ọmịnị na fịya-a apụ tọrọkọ ḅụ ọ́ fịị sara ḅa; ó ḍiki-ḅioḅẹlẹ-a apụ ḅẹrẹtọn ọ́ pịrị ḅa, gbọrụḅọ-sọ ó ḍuka-a ogbo ó ḍumo-mangị kọn ḅa.”

Emọsị 4:10

À si obi kẹ ọ́ fịrịmam, à kẹ Ijiputi fịrịma ye pembe ye. Àrị ọmụ kiri ḅụ ọmịna asawọ ma ḅaam, tẹ ọmịna asụ ma ọkị-som. Ọmịna akpụrụ awarị ma tẹ ó sime tẹ paka-paka mu ọmụgbin-gbin aị ma ḅio fịtẹ oju-oju-oju fụrụ ọmịna anini ḅinmam. Anịsọ ọ́ paa pịkị ị̀ dama-ḅoa.

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.

Hiburu 12:29

kẹ gotẹ ọkọ ḍukoarị, karakara-ḅara-ḅụ, wamịna Tamụnọ ḅe anie ye dọkịma fama-fama kọrị-fịnị.

Ḅẹrẹkọn-apụ 2:14

Anieḅụ KỊNỊNYANAḄỌ ḅe ịganị kẹngẹma Izirẹlị ọgọnọ saram tẹ ori ịn kẹ inima tẹ kụrọ ḅara kẹ ngọ fọịn-arị apụ ma ḅara-ḅio suu, tẹ ini ịn fọịnm; ọ̀ pịkị ịn kẹ ini na fịya-a tẹ ini ikelema-koro wararị apụ ma kụrọ ḅio dẹrịmam, anie mịẹtẹ ini inetẹ ḅarị ini na fịya-a apụ ma kuḅu sịẹ-a.

Ḅẹrẹkọn-apụ 3:8

Ọkọẹrẹsị, KỊNỊNYANAḄỌ ḅe ịganị kẹngẹma Izirẹlị da-pakam, tẹ ọ̀ nwẹnị ịn kẹ Kusani Rusatemu, Mẹsopotemịya ḅẹ amadaḅọ ḅe ḅara-ḅio dẹrịma, tẹ Izirẹlịapụ ma ninea kụra kẹ fịrịmẹnjị Kusani Risatemu pịrịm.