2 Amadapụ 1:3 - FỊAFỊA BAỊBỤLỤ

³ Kụma KỊNỊNYANAḄỌ ḅe enjẹlị nwẹnị Tisibi ḅẹ Ịlayịja ḅe ḅẹẹ, “Saakị, mu Sameriya ḅẹ amadaḅọ ḅe afịrịmẹnjịapụ ma na bịama tẹ ịn ḅẹẹ, ‘Í gotẹ mu Balị-zibọbụ Ẹkịrọnị ḅẹ oru-tamụnọ ḅe gbela ḅẹ muarị ye anie Izirẹlị ḅụ Tamụnọ ḅarị ofori ẹrẹsị, ọkọ-a?’

2 Amadapụ 1:3 Iomraidhean Croise

1 Amadapụ 11:33

À miemẹ mịẹ ḅa gbala Sọlọmọnị ì sịkị tẹ mu sunsin igoni oru-atamụnọ Asịtatị, Sayịdọnị ḅẹ ere-oru na; Kẹmosi, Mohabụ ḅẹ oru-tamụnọ na; Mịlịkọmụ, Amọnị ḅẹ oru-tamụnọ na pịrị tẹ ẹrẹsị. Sọlọmọnị ḅarị ì ḅịḅị poki-a tẹ ọ̀ mịẹ-irima tẹẹ, tẹ ḅarị ì oloko ma na à tọn aị ma na koko-a, ọ̀ ḍa Devidi wẹrịtẹ mịẹ ḅara.

1 Amadapụ 17:1

Mị sakị ḅụ Tisibi ḅẹ Ịlayịja, Gilẹdị ḅụ sime ḅọ ḅe nwẹnị Ehabụ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe ḍumo wararị ogbo, ori ḅe tẹ à fịrịmẹnjị pịrịarị ḅọ ḅe, à ḍuko-a sime ogbo, mịna akụra ma ḅụ igirigi anịanịa eene koro ḅịa.”

1 Amadapụ 18:1

Tẹra akụra karama kụra mẹ ḅụ, tọnwa aḍin ḅọrọ tẹso, KỊNỊNYANAḄỌ ḅe nwẹnị Ịlayịja ḅẹẹ, “Muu, tẹ ị́ ḅụụ kẹ Ehabụ ḍiee, anịsakị àrị eene kẹ tomikiri mẹ fịrịma ḅa”

1 Amadapụ 18:36

Anị ḅo ḅoḅiri agbamịẹ sakị mẹ la tẹso, Ịkịankoro Ịlayịja nwẹnị sọma-ḅo kpeki tẹ ḅẹẹ. “Yei KỊNỊNYANAḄỌ, Ebira-amụ na Ayịzịkị na pịkị Izirẹlị na sịḅị-tuu pịrị Tamụnọ, yee mịmgba ḅụ in nimi mịnẹ ị́yẹrị anie Izirẹlị ḅụ simearị Tamụnọ ḅee, anịsakị yẹrị anie ị́ fịrịmẹnjịḅọ, mịnẹ ị́ ẹkwẹn-ḅịḅị ḅụ mịẹ à mịna aị mamgba mịẹ yee.

1 Amadapụ 19:5

Ọ̀ nwẹnị ọfịnye mịẹ opu sịn mẹ suku ḅọlọlọ tẹ mono; tẹ ḍikii, gbọrụ enjẹlị ḅẹ ḅọ nwẹnị ò jike tẹ ọ̀ ḅẹẹ, “Saakị tẹ yefịị.”

1 Amadapụ 19:7

KỊNỊNYANAḄỌ ḅe enjẹlị ḅẹ ḅọ nwẹnị pịkị maaịn karama sakị kẹ ḅo ò jike tẹ ọ̀ ḅẹẹ, “Saakị tẹ fịye fị anieofori, í mu ḅẹ ḍọkịarị ye mẹ ḅofa ị́ ḅụụ gburo-gburo ḅaka.”

1 Amadapụ 21:17

Anịtẹso KỊNỊNYANAḄỌ ḅe nwẹnị ẹkwẹn Ịlayịja Tisibi ḅẹ ịkịankoroḅọ ḅe pịrị tẹ ḅẹẹ,

2 Amadapụ 1:2

Mị sakị mẹ ḅụ Amadaḅọ Ahazaya Sameriya ḅụ amadapụ ḅekin-warị ọgọnọ ḅụ ịn sụa-pakama wararị ye ḅụ ḅịkị ḅo kiri koro tẹ anị ḅẹ obi kọn-arị. Anieḅụ ọ̀ nwẹnị fịrịmẹnjịapụ fịrịma tẹ ịn ḅẹẹ, “Mu Balị-zibọbụ Ẹkịrọnị ḅẹ oru-tamụnọ ḅe gbela mị obi mẹ ḅụ à gbeke kụrọma ḅẹ.”

2 Amadapụ 1:6

Ịn nwẹnị ọ̀ ḅẹẹ, “Gbọrụ owiḅọ ḅo wamịnị na bịama tẹ wa ḅẹẹm wa pịkị-so wa fịrịma amadaḅọ ḅe ḍọkụma-muu, tẹ ọ̀ ḅẹẹ mie KỊNỊNYANAḄỌ ḅe ḍuko yee, ‘Ị́ gotẹ mu Balị-zibọbụ Ẹkịrọnị ḅẹ oru-tamụnọ ḅe gbela ḅẹ muarị ye anie Izirẹlị ḅụ gbala Tamụnọ ḅarị ofori ẹrẹsị, ọkọ-a? Anịẹrẹsị í mu mono tẹ iḅila mẹ ọgọnọ ị́ ḅarị kuro-ḅo ḅịa, kụma karakara-ḅara-ḅụ ị́ fịị ḅa.’ ”

2 Amadapụ 1:8

Ịn nwẹnị ọ̀ pakịrị, “Ọ̀ Nama oju ḅẹ isuke kẹ mịẹ opu kapa sụa tẹ nama apara kẹ ò ḅiri ponom.” Ọ̀ nwẹnị ḅẹẹ, “Anie Tisibi ḅẹ Ịlayịja ḅee.”

2 Amadapụ 5:15

Anịtẹso ori na ori na ḅo apụ ma na nwẹnị pịkịma Ịlayịsa ḍọkụma-ḅo tẹ ọ̀ tọrọkọ sịẹsime; tẹ ọ̀ nwẹnị ḅẹẹ, “Mẹkịnẹ à nimim mịnẹ tomikiri mẹmgba ḅụụ Tamụnọ ofori Izirẹlị ḅụ sakị sikima tẹ; ọkọẹrẹsị mịọkụ ị́ fịrịmẹnjịḅọ ḅara ḅụ gbọrụ ḍiepịrịye daa-ọkị.”

2 Amadapụ 5:8

Kụma Ịlayịsa Tamụnọ tomḅọ ḅe naam mịnẹ Izirẹlị ḅe amadaḅọ ọ̀ kapa kan tẹ ḅẹ ye ḅụ, ọ̀ nwẹnị fịrịma tẹ amadaḅọ ḅe gbela, “Í tiegotẹ ị́ kapa kan? Yee ori ị̀ ḍọkụma-ḅo mịọkụ, mịẹtẹ ò nimi ḅẹ ḅara mịnẹ Izirẹlị ḅụ ịkịankoroḅọ emi!”

Devidi-Anume 76:1

Juda ḅụ ịn Tamụnọ nimi wararị; tomi ori ẹrẹ kụn-arị Izirẹlị ḅụ.

Ayịzaya 8:19

Kụma tomi ḅẹẹ ḅa, mịnẹ ḅịrịapụ na, ḍụẹịn-ḅịḅị-gbelaapụ, tẹ feni pọkọ na, kịnị iḅiọkụ naa-a ḅara na kẹ ẹkwẹn-arị apụ na ḅara oku da ḅo ịn pịrị. Ịn ḅẹẹ ḅa. “Anị ḅẹ kunoma kịnị paa tẹmẹ ma oku-ḅịḅị ḅii tẹ ḍumo wararị apụ sịḅị gotẹ fịtẹ-apụ ḅịḅị gbela ḅarị ya.”

Jona 2:8

Sunsin gberie-sọ ḅụ ofori oru-afụḅara pịrịarị apụ ma ini ị́ sịkị tẹẹ, ị́yẹrị ọkụrụkụrụ nyana in pịrị ḅọ ḅe.

Makị 3:22

Oloko mẹ tolumapụ ḅẹ ja apụ tẹ Jeruselemu ḅụ sime tẹ ḅo apụ ḅẹẹ simem, “Bẹlịzibulu nwẹn-sịn oru ḅe ọ̀ ḅụụ ḅio emi! Ori oru ma sịḅịdaḅọ ḅe mie kụrọ kẹ ọ̀ pịrị tẹ ọ̀ kẹ in dee pakamarị.”

Fịrịmẹnjịapụ 8:26

KỊNỊNYANAḄỌ ḅe enjẹlị nwẹnị Filipu ḅẹẹ, “Tẹlẹma tẹ tọrụ kẹ suku-jụ daa, tẹ Jeruselemu ḅụ ḅọrọ mu Gaza la etela mẹ ḍuka-muu.” (Mị etela mẹ anie ịkpa ḅio ḅẹ etela)

1 Samụẹlị 17:46

Mịmgba mẹ ḅụ KỊNỊNYANAḄỌ ḅe ị́ ḅọrọma ḅo ị̀ ḅara-ḅio suu ḅa, tẹ àrị í fomu-gbin tẹ ị́ sịḅị pẹlẹ-siin ḅa; anịsakị mịmgba mẹ ḅụ à Filisiteni ḅẹ ọmụ-ogbo ma ḅẹ apụ ma aḍụẹịn oju ma kẹ So-tọrụ ḅẹ afeni ma na, tomikiri mẹ ḅẹ piri-ḅio-ḅẹ anama ma na pịrị ḅa; mịẹtẹ tomikiri mẹmgba nimi ḅarị ḅara mịnẹ gbọrụ Tamụnọ Izirẹlị ḅụ emi,