1 Timoti 4:3 - FỊAFỊA BAỊBỤLỤ

³ Ọkọ sime atomi ma tolumarị mịnẹ ama-na-ere-na sime na, ja afịaị fị na kura-a. Kụma arị afịaị ma Tamụnọ tẹmẹm tomi fị, ịn tẹkẹ tẹ ịmịẹtẹ kẹ Tamụnọ ḅẹẹ tẹ ḅẹḅẹ, anie Kịrayịsị minini tẹ karakara mẹ nimi tẹ apụ ma.

1 Timoti 4:3 Iomraidhean Croise

Suku-saakị 9:3

Àrị eleleinda tọrụ sụa asịn ma kẹ ọ́ pịrị ḅara, ḍumo tẹ mẹnjịarị ye goyegoye pẹị-pẹị ye sọ ọ́ pịrị ḅa. Ye goyegoye à kẹ ọ́ pịrịm.

Nimi Tolumaḅọ 5:18

Ḍikii, mịẹ na-iḅi ye tẹ àrị ẹrị iḅiye anie: fị-na-ḅuu-na, tẹ Tamụnọ kẹ mḅọ pịrị wararị kpụlụtẹ ḍumo mẹ ḅụ mḅọ kọrị pakama-ḅo tẹ ye mẹ ḅụ tọrụ-ḅẹlẹ nyana; miemẹ anie tomḅọ So ḅụ ḅo ye mị tomikiri mẹ ḅụ.

Danẹlị 11:37

Amadaḅọ ḅe ori elemu-aḍapụ ma fịrịmẹnjị pịrị tamụnọ ḅe ḍiki-tọrụsin ḅa, pịkị ereme ma ḅẹlẹmarị tamụnọ ḅe sọ. Ye paka ḅara ḍuko ḅụ, ọ̀ tamụnọ goḅọ-goḅọ ḍiki-tọrụsin ḅa, ò kuroma ḅa mịnẹ ori ịna ḅụ nẹngị-a ḅọ ofori ẹrẹsị.

Matiyo 14:19

Ọ̀ nwẹnị tọn tomi ma pịrị mịnẹ ini osuka mẹ ọgọnọ lẹgị-simee; anịtẹso ọ̀ nwẹnị ịna ḅara fịturu sọnọ akpo ma na inji maa mgbọ ma na daa-ọkị, tọrụ saakị so da, tẹ ịmịẹtẹ kẹ Tamụnọ ḅẹẹ. Ọ̀ nwẹnị fịturu kpo-kpo ma paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Matiyo 15:11

Tomḅọ mịẹ tẹ mḅọ Tamụnọ tọrọkọ fịafịaḅọ sọarị ye, mḅọ kẹ ḅịḅị-ḅio sụa fịarị ye-a; anie nakara mḅọ ḅịḅị-ḅio paka-ḅoarị ye rẹ mie mḅọ kẹ Tamụnọ tọrọkọ fịafịaḅọ sọmarị.”

Matiyo 15:36

Anịtẹso ọ̀ fịturu sọnọma akpo ma na inji mẹ na ọkị tẹ ịmịẹtẹ kẹ Tamụnọ ḅẹẹ tẹ arị paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Luku 24:30

Ọ̀ lẹgị sime tẹ ini na ye fị ḅẹ tẹso, ori nwẹnị fịturu mẹ ọkị, tẹ anị boma tẹ paịn tẹ kẹ ịn pịrị.

Jọnị 6:23

Tayịberiyasị ḅụ ḅo ja arụ nwẹnị KỊNỊNYANAḄỌ ḅe ịmịẹtẹ kẹ Tamụnọ ḅẹẹ tẹ fịturu kẹ tomina-ogbo mẹ pịrị fị anga mẹ na kpeki pọkụ ḅụ sọma.

Fịrịmẹnjịapụ 27:35

Pọlụ ọkọ ḅẹẹ tẹso, ọ̀ nwẹnị fịturu ọkị, tẹ ịmịẹtẹ kẹ Tamụnọ ḅẹẹ tẹ inimgba tọrọkọ anị paịn fị.

Romu 14:17

Tamụnọ Ama-da mẹ anị fị-na-ḅuu-na gboloma-a, kụma Fịafịa Tẹmẹ ḅe ḅara ḅo karakara mịẹ na, dein na, ḍereku na mie anị ḅio simearị.

Romu 14:3

Fị, fị fịye goyegoye fị ḅarị ḅọ mẹ, ọkọ mịẹ-a ḅọ mẹ ḍiki-sima ma. Anịsakị ọgụ kịngẹ fịarị ḅọ mẹ pịkị fị-fị, fịye goyegoye fịarị ḅọ mẹ sọkịrị ḅịa, kẹ gotẹ ọkọ ḅẹẹarị, Tamụnọ mḅọ daa-ọkị tẹ.

Romu 14:6

Gbọrụ ene ọkị gelemarị ḅọ mẹ gotẹ ọkọ mịẹarị ye mḅọ kụn kẹ KỊNỊNYANAḄỌ ḅe pịrị ḅẹ ḅara; fị-fị ye goyegoye fị ḅẹ-ḅiiarị ḅọ mẹ sọ KỊNỊNYANAḄỌ ḅe kụn gotẹ mịẹarị, gbala ọ̀ fịye mẹ gotẹ ịmịẹtẹ kẹ Tamụnọ ḅẹẹarị. Ja afịaị fị ḅẹ ḍọkị-a ḅọ mẹ sọ KỊNỊNYANAḄỌ ḅe kụn ḅẹ gotẹ ọkọ mịẹarị, tẹ ori ịmịẹtẹ kẹ Tamụnọ ḅẹẹarị.

1 Kọrịntị 6:13

Jụmọ pịkị ḅẹẹ ḅa, “Fịye sime furo pịrịm, tẹ furo pịkị sime fịye pịrịm.” Ọkọ; kụma Tamụnọ mịẹtẹ maaịn ma ḅo kunoma ḅa. Tomḅọ amịna oju ọkị tẹ kẹ owiḅọ na ẹrẹḅọ na mịẹye si kọn ḅịa, kụma mḅọ anị kẹ fịrịmẹnjị KỊNỊNYANAḄỌ ḅe pịrị ḅa; anịsakị KỊNỊNYANAḄỌ ḅe pịkị oju mẹ ḅiiarị ye kẹ anị pịrị ḅa.

1 Kọrịntị 7:28

Kụma ị́ ẹrẹḅọ sime-sime, í siye mịẹ-a; amụ owiḅọ sime-a ẹrẹḅọ owiḅọ sime-sime, á siye mịẹ-a. Kụma à ḅii-a mịnẹ, ene-ḅaaene-ḅaaene owiapụ na ereme na ḅụụ paka ḅarị ḅụụ-fụka ḅo ọ́ la.

1 Kọrịntị 8:8

Anị sime-ḅara, sime-ḅara sọ, fịye rẹ wa mịẹtẹ wa Tamụnọ na sime ḅarị ḅara iḅi tarị ḅara nẹngị ḅịa; wa ye fị-a ẹrẹsị wa fama ḅẹ gberie-sọ ofori, anịsakị wa ye fị ye ẹrẹsị wa nyana ḅẹ gbọrụ sọye sọ pịkị ofori.

Kọlọsị 2:16

Mie ḅụ, gbọrụḅọ-sọ fị ḅẹ ye, anịanịa ḅuu ḅẹ ye, anịanịa wẹrị fịafịama ḅẹ ene, anịanịa Ịwọ Akalụ Alalị, anịanịa Ịnyọsara-Ene mẹ, gboloma oloko sụa ma.

Kọlọsị 3:17

Ọkọẹrẹsị, ọ́ mịẹarị, anịanịa ḍukoarị, ye goyegoye KỊNỊNYANAḄỌ Jizọsị ẹrẹ ḅụ anị mịẹ, anie ọmịnị ọ̀ ḅụ ḅọrọ tẹ ịmịẹtẹ kẹ Tamụnọ Ḍaḅọ ḅe ḅẹẹ ḅẹ ḅara.

1 Timoti 2:4

anie ḅiiarị ḅẹḅọ-ḅẹḅọ ḅọrọma tẹ karakara mẹ nimi ḅẹẹ ḅọ ḅe.

1 Timoti 4:4

Tamụnọ tẹmẹ ye goyegoye iḅim; tomḅọ sịkị ḅẹ ye ofori, kụma mḅọ inetẹ ḅẹẹye-ḅẹẹye fị ḅa, mḅọ Tamụnọ tẹkẹ tẹ ịmịẹtẹ ḅẹẹ tẹ ḅẹḅẹ,

1 Timoti 5:14

Anie ḅụ ị̀ ḅụụ-ḅẹlẹ tẹịn ye anie, iriawọ tẹ diapụ-fịtẹ-ereme ma owiapụ simee, tẹ awọ iyi tẹ ịna awarị nyana tẹ ḍikiḍiki, mie ḅụ ịn ḅarị kiri kẹ si kẹ wa tọn-arị apụ ma pịrị tẹ ịn wamịna ḅụụ siye ḍuko ḅịa.

Hiburu 13:4

Ama-na-ere-na ḍumo mẹ kịnị mamgba kụn kẹ anị pịrịị, tẹ diapụ na tapụ na ẹrị mịnẹ ịn ḅioḅẹngbọ-kẹ-sịrẹrẹ-niḅi ḅara sime jụmọ-jụmọ pịrịm. Ḅụụ-sima ḍumo kọn-arị apụ na, sẹfị-apụ na Tamụnọ ịn kọn ḅa.

Hiburu 13:9

Ọ́ ḍụkụ tẹ tọnwa kịrị-kịrị atoluma-aị karakara etela mẹ ḅụ ọ́ da sikima ma. Tamụnọ ḍiki-ḅụụjịrị mẹ ḅụ ḅọrọ tẹ tẹmẹ ḅụ ḅẹ ịnyọ nyana mẹ iḅim; fịaị gboloma kịrị-kịrị oloko koko ḅụ-a. Mịna oloko ma kokoarị apụ ma arị amụ ḅarasụa ịn pịrị-a.

1 Samụẹlị 9:13

Ọmịnị opu ama mẹ ḅio mẹnjị sọ-mu gbọrụ sakị, ọmịnị ọ̀ ḍọkị-ẹrị tẹrẹmẹ ò so gele yọ mẹ ḅụ fịye fị ḅẹ mu ḅa; kẹ gotẹ ọkọ ḅẹẹarị, agba mẹ ori anị boma nyanam, anịtẹrẹmẹ inima tẹ ịn sịn ḅo apụ ma fịye mẹ fị ḅa nwẹn ḅẹẹ sakị, tomi ma fịye mẹ fị ḅịa nwenii ò ḅo ḅa. Mịọkụ ọmịnị iwo muu, kẹ gotẹ ọkọ ḅẹẹarị, anị gbọrụ sakị ḅụ ọmịnị ori na bịama ḅa.