1 Timoti 3:3 - FỊAFỊA BAỊBỤLỤ

³ mḅọ iru ḅuuḅọ anịanịa gbiri-gbiri-gbiri ḍumo kọn-arị ḅọ sọ ḅịa, kụma gbene tẹ dein tẹ ḍumo; mḅọ igbigi ḅẹlẹma ḅịa;

1 Timoti 3:3 Iomraidhean Croise

Egberima-Ẹkwẹn 1:19

Kụrọ ḅara kẹ jụmọ ye furu ma; ọkọ mịẹarị ḅọ ḍumo mẹ famarị — miemẹ anie kụrọ-kụrọ ḅara kẹ kịnị na mịẹarị ḅọ ḅụ paka-paka ye.

Egberima-Ẹkwẹn 15:27

Í ḅụụkụrọma tẹ kịnị mingirima ḅara kẹ sọye mịẹarị ḅẹḅẹ, ị́ ị́ warị suku kẹ ḅụụ-fụka ḅio suu ḅa. Ọḅụ-fị ma, anịsakị í ḍumo nangwọtẹ.

Nimi Tolumaḅọ 7:8

Ye ḅẹ kunoma iḅi anị ḅẹ suku-saakị nẹngịm; anịsakị dein ḅara kẹ ye mịẹ iḅi kẹ opu amịẹaị nẹngịm.

Ayịzaya 28:1

Izirẹlị ḅẹ ama-da kiri mẹ fa tẹ! Anị ḅẹ ebube mẹ iru ḅuu tọrụ-ḅaamatẹ ḅẹrẹtọn apụ asịḅị ḅụ sime tẹ fịlawa ama-da sun kịka tẹ ḍisiarị. Ịna ḅụụ-gelema asịḅị ma ḅụ ịn kụnụaị kẹ sara lama wararị, kụma anịanga iru ịn ḅaa ḅọlọlọma wararị.

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Izikẹlị 44:21

Agbamịẹapụ iru ḅuu tẹrẹmẹ in ḅioju ḅẹ ogigo mẹ sọ-mu ma.

Lẹvitikọsị 10:9

“Ọ́ mẹnjị Kobiri Akpụrụ-warị mẹ ḅio sọ-mu ḅarị sakị, ị́yẹrị, anịanịa í owiapụ-awọmẹ sọ kẹ ị́ ḅụụ sụa, iru nwẹn-sịn ye, anịanịa, tọrụ-ḅaa gbọrụ iru sọ ó ḅuu ma, anieofori ó ḅofa fịị; anị kẹẹ wararị oloko sọ ọ́ pịrị mu ḅụọ-fa-ḅụọ-paka la ḅa.

Mayịka 2:11

Iruo-iruo oḅori-kẹ-kịnịsịn-arị tomḅọ tẹ ḅẹẹm, “À tọnwa iru na, fịaị na ịkịan koro ọ́ pịrị ḅa nwẹn ḅẹẹ ḅọ” mie ịkịankoroḅọ sọ mịna atomi ma pịrị ḅarị ḅọ!

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Mayịka 3:5

Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara, inima tẹ etela kẹ ị̀ atomi ma ḍie irima apụ ma; inima tẹ fị-fị ye nyana sakị ḅụ dein karị kụma ọmụ kẹ ye kẹ ịna aḅịḅị ḅio suu apụ ma na gbin-arị apụ ma.

Malakayị 1:10

Kụrọmamgba nyana KỊNỊNYANAḄỌ ḅe ḅẹẹarị, “Mimgbe ọmịna ḅụ ḅẹ gbọrụḅọ Tamụnọ-warị mẹ ḅẹ aḅọkọ ma gbaịn tẹẹ, mịẹ tẹ ọ́ ḅarị papaa afịnị tọnọ ḅịa ḅara ị̀ agbamịẹ-anga mẹ ọgọnọ. À ḅioḅẹlẹ nyana ọ́ pịrị-a; ọ́ kẹ ḅo ị̀ pịrịarị aị ma à daa-ọkị ḅịa.

Matiyo 21:13

tẹ ịn ḅẹẹ, “Fịafịa Ḍiri mẹ ḅio anị kẹẹ koro wararị, mịnẹ Tamụnọ ḅẹẹm, ‘Ịn kẹ ị̀ Warị mẹ sịn ḅarịye, tẹkẹ warị.’ Kụma ọmịnị anị kẹ furuapụ ḅọị, ḅọị tẹ paka mu furuarị anga mịẹarị!”

Fịrịmẹnjịapụ 20:33

Gbọrụḅọ-sọ golu, anịanịa seleḅa, anịanịa kapa amụ ị̀ pọkọ sọlịma-a.

Romu 16:18

Mịna aị ma mịẹarị apụ ma, ịn Wa Nyanaḅọ Kịrayịsị ḅe fịrịmẹnjị-a, ịna pọkọ-ḅẹngbọ ịna ḅụụ ḅẹrẹ tẹịnm. Ḅịḅị ḅẹlẹ ẹkwẹn mie ịn kẹ ye-nimia-apụ ma furuma, furuma tẹ in toluma irimarị.

Ẹfisọsị 5:18

Ọmịnị iru ḅụụ tọrụ-ḅaama ma, ó guluguluma ngẹrị mie anị mịẹ ḅarịye; anie nakara, yee Tẹmẹ ḅe ọmịna ḅụụ ḅio sọ ḅin.

1 Tẹsalonịka 5:14

Wamịna amịnapụ, wa ḍuko kụrọma ọ́ pịrịarị, ọ́ gbọrụ kọrịnama sọ kọrị ḅẹ ḅii-a apụ ma ḅeri nụnụụ, ḅioḅẹngbọ lọkọarị apụ ma ḅiokpọmaa, ḅarasụa ịnyọ nyana-a apụ pịrịị, tẹ ye-inema nyana ḅẹḅọ-ḅẹḅọ pịrịị.

1 Timoti 3:8

Sọsị ḅio ḅarasụarị apụ sọ iḅi-yemịẹ-ḅara nyana tẹ epele ofori ḅara simee; ini iru ḅuu ḅụrama ma, anịanịa igbigi opu pọkọ-ḅẹngbọ sụa ma;

2 Timoti 3:2

Tomi ịna ḅụụ ngẹrị bala ḅa, fị-ye fị-ye pọkọ-ta-a, ḅụụ-boma na ḅụụ-gelema na; ịn ja apụ mịẹ-sima ma ḅọrọ ḅa, ini ịna ḍapụ-na-iyingiapụ-na ḅịḅị poki ḅịa, ịmịẹtẹ ḅẹẹ ḍịn-a, Tamụnọ etela kẹ ye-sịn-a;

Tayịtọsị 1:11

Igbigi pọkọ-ḅẹngbọ gotẹ, ịn ḅụụ-jịrị-a ḅara kẹ toluma na-iḅi-a ye kẹ warị, warị pịkị-tungboarị mẹ ẹrẹsị, ịna ḅịḅị gbaịn na-iḅim.

Tayịtọsị 1:7

Kẹ gotẹ ọkọ ḍukoarị, sọsị omongiḅọ mẹ mḅọ Tamụnọ atomi ḍikiḍikiarị sakị goyegoye, mḅọ ḅụụ ḅụ si ofori ḅara simee. Mḅọ opu ẹkwẹn kọn na owi ḅioḅẹngbọ na nyana ma, anịanịa iru ḅuu tọrụ-ḅaama, anịanịa kụrọ-kụrọ amịẹaị mịẹ, anịanịa igbigi kọn pọkọ-ḅẹngbọ sụa.

Tayịtọsị 2:3

Anị gbọrụ ḅara ḅụ, omongi ereme ma toluma tẹ ini ereme kẹ ye mịẹ na-iḅi ḅara kẹ ye mịẹ, tẹ fịafịa ḍumo kọn. Ịn kịnị kẹ oḅukulo worima ḅọrọma, pịkị omoni sọ iru pịrị ma. Ini iḅiye tolumaa,

Tayịtọsị 3:2

Ḍuko ịn pịrị ịn gbọrụḅọ ḅụ sọ siye ḍuko ma, kụma dein na ikia na ḅara simee, tẹ sakị mamgba gbene ḍumo kẹ ḅẹḅọ-ḅẹḅọ na anga.

Hiburu 13:5

Ọmịnị ọmịna aḍumo wẹrị ḅelema igbigi ḅẹlẹma ḅụ, tẹ ọ́ nyana ye ọmịnị na iḅi. Kẹ gotẹ ọkọ ḍukoarị, Tamụnọ ḅẹẹ tẹ, “Gbala-gbala àrị ị́ sịkị ḅịa; gbala-gbala àrị ị́ kẹ gbin koroma tẹ so ḅịa.”

Jemụsị 4:1

Ọmịna ogboku simearị owu sọ na kamụ-sọ na mamgba tọ-anga ḅọrọ ḅoarị? Ọ́ kẹ ọmịna ḅioḅẹngbọ ḅụ wẹrị wararị tomikiri ḅẹ tọrụ-ḅẹlẹ ḍọkị akuroma ma mie ọmịna ḅụụ ḅio sime tẹ owu sọarị ye.

1 Pita 5:2

ọmịnị anana-ḍikiḍikiapụ sọ Tamụnọ kẹ ọ́ pịrị anana ogbo mẹ pịrịị, tẹ minini ḅụụ pịrị fịrị ḅara kẹ iḅiọkụ anị ḍikiḍikii, Tamụnọ ḅiiarị ọ́ mịẹ ḅẹ ḅara, minini tẹ ḅụụ saakị pịrị-a ḅara-a. Gbẹẹ ye ngẹrị tẹmẹ ọ́ nwẹn sụa ma, tẹ ọmịna kọrịnama kọrịị, fịrịmẹnjị ḅẹ ḍọkịarị karakara kuroma ḅụ.

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.

Judu 1:11

Ịn tẹkẹlẹtẹ ḅara ḍikii! Keni ọkị etela mẹ mie in ḍuka mu tẹ ye (kịnị ḍiki-ḅioḅu na kịnị ḅaa etela na). In Balamụ ḍikima tẹ igbigi gotẹ siye mịẹm. Ịn pịkị Kora kọngọ kụrọma ḅara kẹ kọngọ kụrọmam, tẹ ò gulugulu fịị kọn ḅara ini sọ ọkọ kẹ fịị tẹ.

Mịẹfinji 1:9

Yẹrị Jọnị, ọmịna mịnaḅọ ḅe, anie ọmịnị na sọ tẹ Jizọsị ḍukamẹnjịarị ḅọ ḅara ḅụ, pịkị ọmịnị na ye-inema ḅara kẹ tọrụsiẹrị gbolomarị ḅọ ḅe wa sime ori Ama-da mẹ pịrịm gotẹ. Ini ị̀ kẹ mu Patịmọsị sọọ mẹ ḅụ koromam, à Tamụnọ ẹkwẹn mẹ na Jizọsị mịẹfinji karakara mẹ na ḍuko wasamam ẹrẹsị.

1 Samụẹlị 8:3

Anịsọ ori owiapụ-awọmẹ ma ori etela ma ḅụ mẹnjị-a, kụma tọrụ pịkị akaka-ḅio sọye fị ḍọkịm; ini ọḅụ-fịm, tẹ karakara ḅẹrẹ pịkị iḅom.